હિટમેન રોહિત શર્માના IPLમાં 6000 રન

હિટમેન રોહિત શર્માએ સનરાઇઝર્સ હૈદરાબાદ સામે 18 બોલમાં 28 રનની ટૂંકી ઇનિંગમાં ઇતિહાસ રચ્યો હતો,આવું કરનાર માત્ર ચોથો બેટ્સમેન

હિટમેન રોહિત શર્માના IPLમાં 6000 રન

Rohit Sharma IPL Run : હિટમેન રોહિત શર્માએ સનરાઇઝર્સ હૈદરાબાદ સામે 18 બોલમાં 28 રનની ટૂંકી ઇનિંગમાં ઇતિહાસ રચ્યો હતો. IPLમાં છ હજાર રન પૂરા કરનાર તે માત્ર ચોથો ખેલાડી બન્યો છે.

રોહિત શર્મા આઈપીએલ ઈતિહાસમાં 6000 રન બનાવનાર ચોથો ક્રિકેટર બની ગયો છે. હિટમેને સનરાઇઝર્સ હૈદરાબાદ સામે 16મી સિઝનની 25મી મેચમાં વોશિંગ્ટન સુંદરને ચોગ્ગો ફટકારીને આ સિદ્ધિ મેળવી હતી. મુંબઈ ઈન્ડિયન્સના કેપ્ટન પહેલા માત્ર વિરાટ કોહલી, શિખર ધવન અને ડેવિડ વોર્નર જ આ કારનામું કરી શક્યા છે. પરંતુ રોહિત તેની યાદગાર મેચને રનના મામલામાં મોટી બનાવી શક્યો ન હતો અને 18 બોલમાં 28 રન બનાવીને આઉટ થયો હતો, જો કે તેણે મુંબઈને ચોક્કસ શરૂઆત અપાવી હતી જેની ટીમને જરૂર હતી.

IPL ઈતિહાસમાં સૌથી વધુ રન

1. વિરાટ કોહલી -  6844 રન
2. શિખર ધવન -   6477 રન
3. ડેવિડ વોર્નર -    6109 રન
4. રોહિત શર્મા -    6014 રન
5. સુરેશ રૈના -      5528 રન

ઝડપી રન માટે આઉટ

ટોસ હારીને પ્રથમ બેટિંગ કરવા ઉતરેલી મુંબઈ ઈન્ડિયન્સને ઝડપી શરૂઆત અપાવતા રોહિત શર્મા પાંચમી ઓવરમાં આઉટ થયો હતો. ઓવરના પહેલા ત્રણ બોલમાં બે ચોગ્ગા ફટકાર્યા બાદ ફાસ્ટ બોલર ટી. નટરાજનના ચોથા બોલ પર ઇનિંગ્સનો અંત આવ્યો હતો. ગુડ લેન્થ પર નાખેલ બોલને  હિટમેન તેને મિડ-વિકેટ તરફ ફ્લિક કરવાનું નક્કી કર્યું. બોલ આઉટ-સ્વિંગ થયો અને બેટની આગળની ધારને મિડ-ઓફ તરફ લઈ ગયો, જેને કેપ્ટન એડન માર્કરામે કેચ કરવામાં કોઈ ભૂલ કરી ન હતી. આ રીતે મુંબઈએ 41 રનમાં પ્રથમ વિકેટ ગુમાવી દીધી હતી.

Share On Social Media