પોષણ અભિયાન અંતર્ગત કન્વર્ઝન તથા જિલ્લા કક્ષા મોનીટરિંગ અને રિવ્યુ કમિટીની સમીક્ષા બેઠક યોજાઈ
એસ્પિરેશનલ નર્મદા જિલ્લામાં પોષણ અભિયાન અંતર્ગત કન્વર્ઝન તથા જિલ્લા કક્ષા મોનીટરિંગ અને રિવ્યુ કમિટી (DLMRC) દ્વારા થઈ રહેલી કામગીરીની સમીક્ષા અર્થે જિલ્લા કલેક્ટર શ્રીમતી શ્વેતા તેવતિયાની અધ્યક્ષતામાં આજે કલેક્ટર કચેરીના કોન્ફરન્સ હોલમાં બેઠક યોજાઈ.
પોષણ અભિયાન અંતર્ગત કન્વર્ઝન તથા જિલ્લા કક્ષા મોનીટરિંગ અને રિવ્યુ કમિટીની સમીક્ષા બેઠક યોજાઈ
એસ્પિરેશનલ નર્મદા જિલ્લામાં પોષણ અભિયાન અંતર્ગત કન્વર્ઝન તથા જિલ્લા કક્ષા મોનીટરિંગ અને રિવ્યુ કમિટી (DLMRC) દ્વારા થઈ રહેલી કામગીરીની સમીક્ષા અર્થે જિલ્લા કલેક્ટર શ્રીમતી શ્વેતા તેવતિયાની અધ્યક્ષતામાં આજે કલેક્ટર કચેરીના કોન્ફરન્સ હોલમાં બેઠક યોજાઈ હતી.
જિલ્લા કલેક્ટર શ્રીમતી શ્વેતા તેવતિયાએ સમગ્ર કામગીરીનું મુલ્યાંકન કર્યા બાદ જિલ્લામાં થઈ રહેલી કામગીરીને બિરદાવી આ કામગીરીને વધુ સારા પરિણામો સાથે જાળવી રાખવા અને આઈસીડીએસ, આરોગ્ય વિભાગ અને શિક્ષણ વિભાગ સાથે મળીને કામગીરી કરે તે દિશામાં રચનાત્મક સૂચનો સાથે જરૂરી માર્ગદર્શન પુરૂં પાડ્યું હતું. સાથે સાથે બાળકોના પોષણ સ્તરમાં સુધારો લાવવા માટે થઈ રહેલા પ્રયાસો, આધાર સિડીંગની કામગીરી, ઓનલાઈન ડેટા એન્ટ્રી માટે આંગણવાડી- આશા બહેનોની યોગ્ય તાલીમ અને સમયાંતર સમીક્ષા, THRના લાભાર્થીઓને આપવામાં આવતા ફૂડની ઉપયોગિતા અંગે લાભાર્થી સાથે જરૂરી સંવાદ, નવા જન્મતા બાળકોનું યોગ્ય ટ્રેકિંગ થાય, શાળાએ ન
જતી હોય તેવી કિશોરીઓનું લિસ્ટીંગ થાય અને સગર્ભા-ધાત્રી માતાઓની પુરતી કાળજી લેવા જેવી બાબતો ઉપર ખાસ ભાર મૂક્યો હતો.
બેઠક દરમિયાન આઇ.સી.ડી.એસ.ના પ્રોગ્રામ ઓફિસર શ્રીમતી ક્રિષ્ના પટેલે આઈસીડીએસ વિભાગ દ્વારા જિલ્લાના ગ્રામીણ ક્ષેત્રોમાં કરવામાં આવેલી કામગીરી અને સમગ્ર કાર્યક્રમની પ્રગતિ અંગે પાવર પોઈન્ટ પ્રેઝન્ટેશનના માધ્યમથી માહિતી પુરી પાડી હતી. જેમાં લાભાર્થીઓનું પૂરક પોષણનું કવરેજ અને પૂર્વ પ્રાથમિક શિક્ષણનો લાભ લીધેલા લાભાર્થીની ઘટકવાર સમીક્ષા, પોષણ ટ્રેકર એપ્લિકેશનમાં જિલ્લાના તમામ ઘટકો દ્વારા થઈ રહેલી કામગીરી, પોષણ અભિયાન અંતર્ગત પૂરક પોષણ ખાધ્ય સામગ્રીના સ્ટોકની વિતરણ વ્યવસ્થા, એક મહિનામાં ઓછામાં ઓછા ૨૧ દિવસ નોંધાયેલ લાભાર્થીને THRની ફાળવણી, ધાત્રી માતા-બાળકો અને કિશોરીઓના પોષણ સબંધીત બાબતો, બાળકોના પોષણ સ્તરની સ્થિતિ, જિલ્લામાં નોંધાયેલા અતિ ગંભીર કુપોષિત બાળકોને CMTC અને NRC ખાતે રીફર કરવાના થતા બાળકોની ઘરે સાર સંભાળ માટે આરોગ્ય વિભાગ અને આઈસીડીએસ વિભાગ દ્વારા થતી ફોલોઅપ સહિતની કાર્યપદ્ધતિ, સગર્ભા અને ધાત્રી માતાના પોષણ સ્તર સંબંધિત સૂચકાંકમાં હાંસલ કરેલી સિદ્ધીઓ, એસ.એ.જી. પૂર્ણા યોજનાનું અમલીકરણ, સગર્ભાઓ અને ધાત્રી માતાનું ફરજિયાત હિમોગ્લોબીનના સ્તરની તપાસ અને આઇ.એફ.એ.નું ડીસ્ટ્રીબ્યુશન અને કમ્પ્લાયન્સ અને તેના થકી મળેલા પરિણામો - હિમોગ્લોબીનના સ્તરમાં સુધારો થયેલી સગર્ભા અને ધાત્રી માતાઓ અંગેની વિગતો સાથે બિન-સંસ્થાકીય સુવાવડની વિગતવાર માહીતી અને સુધારાત્મક પગલાંઓ ઉપર
વિસ્તૃતમાં પ્રકાશ પાડ્યો હતો. સાથે પ્રોગ્રામ ઓફિસર, સી.ડી.એચ.ઓ., બ્લોક હેલ્થ ઓફિસર, સી.ડી.પી.ઓ., મુખ્ય સેવિકા તથા અન્ય આરોગ્ય અધિકારીશ્રી અને કર્મચારીઓ સાથેની સંયુક્ત મુલાકાત થકી થઈ રહેલી કામગીરી અંગે પણ માહિતી આપી હતી.
આ બેઠકમાં સુશ્રી પ્રતિભા દહિયા(IAS) પ્રોબેશ્નર, જિલ્લા ગ્રામ વિકાસ એજન્સીના નિયામકશ્રી જે.કે.જાદવ, જિલ્લા આયોજન અધિકારીશ્રી એસ.એસ.પાંડે, નીતિ આયોગ દ્વારા એસ્પિરેશનલ જિલ્લામાં અમલી પ્રોજેક્ટમાં સહયોગી તરીકે કાર્યરત યુનિસેફના ન્યૂટ્રિશિયન એક્ષપર્ટ સુશ્રી કવિતા શર્મા, જિલ્લા આરોગ્ય વિભાગના અધિકારીશ્રીઓ, તાલુકા વિકાસ અધિકારીશ્રીઓ અને તમામ ઘટકના તાલુકા પ્રોગ્રામ ઓફિસરશ્રીઓ ઉપસ્થિત રહ્યા હતા.
Share On Social Media
અન્ય સમાચારો પણ છે...
દ્વિપક્ષીય સંબંધોને મજબૂત કરવા માટે ગુજરાતે જાપાન સાથે મુખ્ય કરારો પર હસ્તાક્ષર કર્યા
ગુજરાતના મુખ્ય પ્રધાન ભૂપેન્દ્ર પટેલે મંગળવારે ગાંધીનગરમાં ગુજરાત શિઝુઓકા પાર્ટનરશિપ ડે ઇવેન્ટમાં ભાગ લીધો હતો
સરકારનો ખેડૂત હિતલક્ષી નિર્ણય: ગામડાના ખેડૂતોને હવે દિવસે વીજળી અપાશે, રાત્રે ઉજાગરામાંથી મળશે મુક્તિ
ગુડ ગવર્નન્સ ડે નિમિત્તે મુખ્યમંત્રી ભૂપેન્દ્રભાઈ પટેલના નેતૃત્વ હેઠળ ગુજરાત સરકારે રાજ્યભરના ખેડૂતોને લાભ આપવા મહત્ત્વપૂર્ણ પગલું ભર્યું છે. સરકારે રાજ્યના 96% ગામડાઓમાં ખેડૂતોને દિવસની વીજળી પૂરી પાડવાના નિર્ણયને સફળતાપૂર્વક અમલમાં મૂક્યો છે, જેનાથી ખેડૂતો માટે રાતાંધળાપણામાં નોંધપાત્ર ઘટાડો થયો છે. આ પહેલ, જે "કિસાન સૂર્યોદય યોજના" નો ભાગ છે, તેણે 16,561 ગામોમાં ખેડૂતોને દિવસની વીજળી પહોંચાડી છે, જેમાં 1.9 મિલિયન કૃષિ વીજળી જોડાણો આવરી લેવામાં આવ્યા છે.
ઉર્જા મંત્રી કનુભાઈ દેસાઈએ ગાંધીનગરમાં એક પત્રકાર પરિષદને સંબોધતા જણાવ્યું હતું કે, ગુજરાતના કુલ 18,225 ગામોમાંથી 17,193ને કૃષિ વીજ જોડાણો આપવામાં આવ્યા છે. તેમાંથી 11,927 ગામોમાં સવારે 8 થી 4 અથવા 9 થી સાંજના 5 વાગ્યા સુધી એક જ શિફ્ટમાં વીજળી મળી રહી છે, જ્યારે 4,634 ગામોમાં સવારે 5 થી 1 અને બપોરે 1 થી 9 એમ બે શિફ્ટમાં વીજળી મળી રહી છે.
બાકીના 4% ગામડાઓ, મુખ્યત્વે દેવભૂમિ દ્વારકા, કચ્છ અને બનાસકાંઠા જિલ્લાઓમાં, દિવસ દરમિયાન વીજળી મેળવવાની પ્રક્રિયામાં છે. 632 ગામોમાં 1.55 લાખ ખેડૂતોને દિવસની વીજળી પૂરી પાડવાનું કામ ચાલી રહ્યું છે, જે ટૂંક સમયમાં પૂર્ણ થવાની અપેક્ષા છે.
આ ઉપરાંત, સરકારે શાસનને વધુ સુવ્યવસ્થિત કરવા અને ખેડૂતોને ટેકો આપવા ગાંધીનગર, બનાસકાંઠા, અમદાવાદ અને ખેડા સહિત વિવિધ જિલ્લાઓમાં છ નવી પેટા વિભાગીય કચેરીઓની સ્થાપનાને મંજૂરી આપી છે. છેલ્લાં ત્રણ વર્ષમાં, સરકારે 30 નવી પેટા વિભાગીય અને 3 વિભાગીય કચેરીઓને મંજૂરી આપી છે, જે કૃષિ ક્ષેત્રને ટેકો આપવાના તેના સતત પ્રયાસોને પ્રતિબિંબિત કરે છે.
છેલ્લા દાયકામાં લગભગ 10 લાખ નવા જોડાણો પૂરા પાડવામાં આવતાં રાજ્યમાં કૃષિ વીજ જોડાણોમાં પણ નોંધપાત્ર વધારો જોવા મળ્યો છે. આ વાર્ષિક સરેરાશ 1 લાખ નવા જોડાણ દર્શાવે છે. નવા જોડાણો પ્રદાન કરવાની પ્રક્રિયા વધુ કાર્યક્ષમ બની છે, જેમાં મોટાભાગની 3-4 મહિનામાં પૂર્ણ થઈ જશે.
ગુજરાતનો ઉર્જા વપરાશ પણ નોંધનીય છે, જેમાં માથાદીઠ સરેરાશ 2,238 યુનિટ વપરાશ છે, જે 1,255 યુનિટની રાષ્ટ્રીય સરેરાશ કરતાં લગભગ બમણો છે. “PM સૂર્ય ઘર મફત બિજલી યોજના” હેઠળ, ગુજરાત 2.4 લાખ કરતાં વધુ વીજ ગ્રાહકો માટે 900 મેગાવોટની સોલાર રૂફટોપ સિસ્ટમ્સ ઇન્સ્ટોલ કરીને દેશમાં અગ્રેસર બન્યું છે, તેના 1 કરોડ ઇન્સ્ટોલેશનના લક્ષ્યની નજીક પહોંચી ગયું છે.
આ પહેલ ડિજિટલ ગવર્નન્સ, કૃષિ સમર્થન અને ટકાઉ વિકાસ માટે ગુજરાતની પ્રતિબદ્ધતાનો પુરાવો છે, જે સુનિશ્ચિત કરે છે કે રાજ્યના ખેડૂતો અને રહેવાસીઓને કાર્યક્ષમ અને વિશ્વસનીય વીજળી સેવાઓનો લાભ મળે.
ગુજરાતમાં કમોસમી વરસાદની આગાહીએ ખેડૂતો માટે ચિંતા વધારી
હવામાન વિભાગે 26 ડિસેમ્બરથી 28 ડિસેમ્બર, 2024 દરમિયાન બનાસકાંઠા જિલ્લા સહિત ગુજરાતના ભાગોમાં ભારે વરસાદની ચેતવણી જારી કરી છે,
