વડોદરામાં વિધાનસભા મતવિભાગના માસ્ટર ટ્રેનર માટે તાલીમ કાર્યક્રમ યોજાયો
લોકસભા સામાન્ય ચૂંટણીને ધ્યાને લઈ વડોદરામાં જિલ્લા ચૂંટણી તંત્ર દ્વારા ચૂંટણીલક્ષી તૈયારીઓ હાથ ધરવામાં આવી છે. વિધાનસભાના કર્મયોગીઓને તાલીમ આપવા માટે એસી લેવલ માસ્ટર ટ્રેનર્સ તાલીમનું શહેરના સરદાર પટેલ સભાગૃહ, નેશનલ એકેડેમી ઓફ ઇન્ડીયન રેલવે, લાલબાગ, વડોદરા ખાતે આયોજન કરવામાં આવ્યું હતું.
વડોદરામાં વિધાનસભા મતવિભાગના માસ્ટર ટ્રેનર માટે તાલીમ કાર્યક્રમ યોજાયો
વડોદરા : આગામી લોકસભા સામાન્ય ચૂંટણીને ધ્યાને લઈ વડોદરા જિલ્લામાં જિલ્લા ચૂંટણી તંત્ર દ્વારા ચૂંટણીલક્ષી તૈયારીઓ હાથ ધરવામાં આવી છે. વિધાનસભાના કર્મયોગીઓને તાલીમ આપવા માટે એસી લેવલ માસ્ટર ટ્રેનર્સ તાલીમનું શહેરના સરદાર પટેલ સભાગૃહ, નેશનલ એકેડેમી ઓફ ઇન્ડીયન રેલવે, લાલબાગ, વડોદરા ખાતે આયોજન કરવામાં આવ્યું હતું. જેમાં જિલ્લાની વિધાનસભા મતવિભાગના માસ્ટર ટ્રેનરને નિષ્ણાતો દ્વારા તાલીમ આપવામાં આવી હતી.
આગામી લોકસભા સામાન્ય ચૂંટણીને અનુલક્ષીને જિલ્લા ચૂંટણી અધિકારી અને કલેક્ટરશ્રી બી. એ.શાહના માર્ગદર્શન હેઠળ નાયબ જિલ્લા ચૂંટણી અધિકારીશ્રી વિવેક ટાંક અને તાલીમના નોડલ અધિકારી અને અધિક કલેક્ટરશ્રી મેહુલ પંડ્યા દ્વારા વિવિધ ચૂંટણીલક્ષી કામગીરી સાથે સંકળાયેલા અધિકારીઓ અને કર્મયોગીઓને વિવિધ તબક્કાઓમાં તાલીમ આપવામાં આવી રહી છે.
શ્રી બી. એ. શાહે આગામી લોકસભા સામાન્ય ચૂંટણીમાં ચૂંટણી કામગીરી સાથે સંકળાયેલા તમામ અધિકારી-કર્મીઓ પોતાને સોંપવામાં આવેલી જવાબદારીઓનું નિષ્ઠાપૂર્વક વહન કરી ક્ષતિરહિત કામગીરી કરે, તેવો અનુરોધ કરી જરૂરી પ્રેરક માર્ગદર્શન પૂરું પાડ્યું હતું.
વડોદરા જિલ્લામાં લોકસભા સામાન્ય ચૂંટણી-૨૦૨૪ની પૂર્વ તૈયારીઓના ભાગરૂપે વડોદરા જિલ્લામાં નિયુક્ત વિધાનસભા કક્ષાના માસ્ટર ટ્રેનર્સ દ્વારા જિલ્લા કક્ષાએ ચૂંટણી પ્રકિયા સાથે સંકળાયેલા વિવિધ અધિકારીઓ, કર્મચારીઓ જેવા કે સેક્ટર અધિકારી, પ્રિસાઈડીંગ અધિકારી, મતદાન સ્ટાફ, માઇક્રો નિરીક્ષક, ખર્ચ નિરીક્ષક ટીમને તાલીમ આપવાના ભાગરૂપે તમામ વિધાનસભા કક્ષાના માસ્ટર ટ્રેનર્સને જિલ્લામાં નિયુક્ત થયેલા રાજ્ય કક્ષાના માસ્ટર ટ્રેનર્સ અને પ્રાંત અધિકારીશ્રી હિતેશ જોશી, જિલ્લા કક્ષાના માસ્ટર ટ્રેનર્સ અને નાયબ ક્લેકટરશ્રી વી. કે સાંબડ, નાયબ જિલ્લા ચૂંટણી અધિકારીશ્રી વિવેક ટાંક, મામલતદારશ્રી જે.જે.પટેલ દ્વારા ઈ. વી. એમ. ને લગતી પ્રેક્ટિકલ માહિતી, પોસ્ટલ બેલેટની કામગીરી, પ્રિસાઈડીગની ફરજ વગેરે જેવા વિષયોને આવરી લઈને તાલીમ આપવામાં આવી હતી.
તાલીમના નોડલ અધિકારી અને પ્રાદેશિક કમિશનર નગરપાલિકાઓ કચેરીના અધિક કલેકટર શ્રી મેહુલ પંડ્યાએ વિવિધ ચૂંટણીલક્ષી કામગીરીની ઝીણવટભરી માહિતી સાથે ચૂંટણીને લગતી તમામ પ્રક્રિયાની જાણકારી આપી હતી. આ તાલીમમાં માસ્ટર ટ્રેનરોની સાથે ચૂંટણી સાથે સંકળાયેલ તમામ કર્મીઓ હાજર રહ્યા હતા.
Share On Social Media
અન્ય સમાચારો પણ છે...
બનાસ ડેરીના સિમેન સેન્ટરનું ગાંધીનગરથી વર્ચુઅલ લોકાર્પણ કરતાં મુખ્યમંત્રી ભૂપેન્દ્ર પટેલ
મુખ્યમંત્રી ભૂપેન્દ્ર પટેલે બનાસકાંઠાના ડીસા તાલુકાના દામા ગામે બનાસ ડેરીના પ્રયાસોથી સ્થાપવામાં આવેલા એક આધુનિક સીમેન પ્રોડક્શન યુનિટનું ગાંધીનગરથી વિડિયો કોન્ફરન્સ દ્વારા વર્ચુઅલ લોકાર્પણ કર્યુ હતું.
મેદસ્વિતા સામે અભિયાન શરૂ કરનારું ગુજરાત દેશનું સર્વ પ્રથમ રાજ્ય : હર્ષ સંઘવી
મેદસ્વિતા સામે લડીને વધુમાં વધુ સ્વસ્થ નાગરિકો કઈ રીતે થઈ શકે એ માટે ગુજરાતમાં 'સ્વાસ્થ્ય ગુજરાત - મેદસ્વીતા મુક્ત ગુજરાત' શરૂ કરવામાં આવ્યું હોવાનું જણાવી મંત્રી શ્રી હર્ષ સંઘવીએ જણાવ્યું કે, મેદસ્વિતા સામે અભિયાન શરૂ કરનારું ગુજરાત દેશનું સર્વ પ્રથમ રાજ્ય છે.
વર્ષ ૨૦૨૪માં દેશ-વિદેશના ૧૮ કરોડથી વધુ પ્રવાસીઓએ ગુજરાતની મુલાકાત લીધી
દેશના વર્તમાન વડાપ્રધાન અને રાજ્યના તત્કાલિન મુખ્યમંત્રી નરેન્દ્રભાઈ મોદી દ્વારા શરૂ કરવામાં આવેલા ‘ખુશ્બૂ ગુજરાત કી…’ જેવા કેમ્પેઇન દ્વારા દેશવિદેશથી પ્રવાસીઓ ગુજરાત આવતાં થયા છે અને તેમાં સતત વધારો થઈ રહ્યો છે.
