ગુજરાત ટેક્નોલોજીકલ યુનિવર્સિટી અને મુંબઈની ઓસ્ટીક ફાર્મા કંપની વચ્ચે ટેક્નોલોજીકલ આપ-લે માટે થયા કરાર
ગુજરાત ટેક્નોલોજીકલ યુનિવર્સિટી અને આરોગ્યની કાળજીનાં ક્ષેત્રમાં કામ કરતી અને આઈ. આઈ. ટી., મુંબઈની સ્ટાર્ટ-અપ કંપની ઓસ્ટીક ફાર્મા વચ્ચે નિદાન માટે યોગ્ય સુવિધા મળી રહે તે માટે ટેકનોલોજીકલ જ્ઞાનની આપ-લે કરવા માટે દ્વીપક્ષી કરાર કરવામાં આવ્યા છે.
અમદાવાદ : ગુજરાત ટેક્નોલોજીકલ યુનિવર્સિટી અને આરોગ્યની કાળજીનાં ક્ષેત્રમાં કામ કરતી અને આઈ. આઈ. ટી., મુંબઈની સ્ટાર્ટ-અપ કંપની ઓસ્ટીક ફાર્મા વચ્ચે નિદાન માટે યોગ્ય સુવિધા મળી રહે તે માટે ટેકનોલોજીકલ જ્ઞાનની આપ-લે કરવા માટે દ્વીપક્ષી કરાર કરવામાં આવ્યા છે. ગુજરાત ટેકનોલોજીકલ યુનિવર્સિટીની સ્કૂલ ઓફ એપ્લાઈડ સાઈન્સીસ એન્ડ ટેકનોલોજીનાં સાંસોધકો પ્રા. ડૉ. દોલત સિંહ ઝાલા અને એસોસિયેટ પ્રોફેસર અને પી.એચ,ડીના વિધ્યાર્થી કાર્તિક ચૌહાણ તેમજ તેમના સાથીદારો દ્વારા નિદાન માટે જે નવીનતમ ટેકનોલોજી વિકસાવવામાં આવી છે અને ભારત સરકાર દ્વારા જેને પેટર્ન આપવામાં આવી છે તેનો શ્રેષ્ઠ રીતે સમાજ માટે ઉપયોગ થાય તે માટે આ આપ-લે નાં કરાર કરવામાં આવ્યા છે.
ઓસ્ટીક ફાર્મા પ્રા. લી. નાં ડાયરેક્ટર ડૉ. વિનય સૈની એ આ અંગે આનંદ વ્યક્ત કરતાં જણાવ્યું હતું કે આ નવીન ટેકનોલોજી ભારત ઉપરાંત આફ્રિકા, લેટિન અમેરિકા, અને એશિયાના દેશોમાં ભરપૂર પરિવર્તન લાવવાની શક્યતા ધરાવે છે. અમારે ગુજરાત ટેકનોલૉજીકલ યુનિવર્સિટી સાથે આ અંગે દ્વીપક્ષી કરાર થયા છે તે આત્મનિર્ભર ભારત બનાવવા તરફની ગતીનું એક અગત્યનું કદમ છે.
સ્કૂલ ઓફ એપ્લાઈડ સાઈન્સીસ એન્ડ ટેકનોલોજીનાં ડાયરેક્ટર અને ટેકનોલોજી ટ્રાન્સફર સેલનાં ડાયરેક્ટર ડૉ. વૈભવ ભટ્ટે આ તબક્કે જણાવ્યું હતું કે ભારતને આર્થિક ક્ષેત્રે હરણફાળ ભરવા માટે લેબોરેટરીમાં જે સાંસોધન થાય તેને ઉધ્યોગ સુધી પહોંચાડવું ખૂબ જરૂરી છે અને તે કામ આ કરાર દ્વારી થયું છે. ગુજરાત ટેકનોલોજીકલ યુનિવર્સીટીના કુલપતિ ડૉ. રાજુલ કે. ગજ્જરે આ પ્રસંગે જણાવ્યું હતું કે ગુજરાત ટેક્નોલોજીકલ યુનિવર્સિટી પ્રતિભાશાલી સંશોધકોની સિધ્ધી અને હેલ્થ કેર ટેકનોલોજી ને આગળ વધારવામાં યોગદાન આપવા માટે ગૌરવ અને લાગણી અનુભવે છે. ઓસ્ટીક ફાર્મા સાથેનો આ સહયોગ ઈનોવેશનને પ્રોત્સાહન આપવા માટે અને આધુનિક સાંસોધન દ્વારા વાસ્તવિક વિશ્વને શક્તિ આપવા માટે અમારી પ્રતિબધ્ધતા વ્યક્ત કરે છે.
અમદાવાદ સ્થિત ક્યોર સાઇટ લેસર સેન્ટર (CSLC)રિફ્રેક્ટિવ લેસર સર્જરીનાં ક્ષેત્રમાં નવીનતમ ટેકનોલોજીનો ઉપયોગ કરે છે. CSLC વિશ્વનું એક માત્ર લેસર આય સેન્ટર છે, જે વિશ્વનાં પાંચ શ્રેષ્ઠ લેસર મશીન ધરાવે છે.
પશ્ચિમ રેલવે દ્વારા મુસાફરોની સુવિધાને ધ્યાનમાં રાખીને, અમદાવાદ મંડળમાંથી ચાલતી/પસાર થતી ચાર જોડી ટ્રેનોમાં અસ્થાયી રૂપે વધારાના કોચ ઉમેરશે. જેની વિગતો નીચે મુજબ છે.
જાપાનની સેમિકન્ડક્ટર સેક્ટરની કંપનીઝ ગુજરાતમાં આવવા ઉત્સુક. ઓટોમોબાઇલ ઉપરાંત રિન્યુએબલ એનર્જી-ગ્રીન એમોનિયા-ઇન્ફ્રાસ્ટ્રક્ચર પ્રોજેક્ટ્સમાં ગુજરાત સાથે રોકાણો વધારવા અંગે પરામર્શ.