બેંક ઓફ બરોડાએ બચત અને ચાલુ ખાતાઓ માટે બીઓબી (બોબ) પરિવાર ખાતું પ્રસ્તુત કર્યું
ભારતની અગ્રણી સરકારી બેંકો પૈકીની એક બેંક ઓફ બરોડા (બેંક)એ બચત અને ચાલુ ખાતાધારકો માટે બીઓબી (બોબ) પરિવાર ખાતું પ્રસ્તુત કરવાની જાહેરાત કરી છે.
મુંબઈ : ભારતની અગ્રણી સરકારી બેંકો પૈકીની એક બેંક ઓફ બરોડા (બેંક)એ બચત અને ચાલુ ખાતાધારકો માટે બીઓબી (બોબ) પરિવાર ખાતું પ્રસ્તુત કરવાની જાહેરાત કરી છે. બેંકના “બીઓબી (બોબ) કે સંગ ત્યોહાર કી ઉમંગ” તહેવાર અભિયાનના ભાગરૂપે શરૂ થયેલું ‘માય ફેમિલી, માય બેંક’ સેગમેન્ટ એક જ પરિવારના સભ્યોના તમામ બેંક ખાતાઓને વન ફેમિલી કે એક પરિવાર અંતર્ગત ગ્રૂપ કરી શકાય છે. જ્યારે દરેક ખાતાનું સંચાલન મુખ્ય ખાતાધારક સ્વતંત્ર રીતે કરશે, ત્યારે ત્રિમાસિક સરેરાશ બેલેન્સ (ક્યુએબી)ની જાળવણી ગ્રૂપ/પરિવારના સ્તરે થાય છે, જે દરેક અલગ ખાતામાં ક્યુએબી જાળવવાની જરૂરિયાત દૂર કરે છે.
આ પ્રસંગે બેંક ઓફ બરોડાના રિટેલ લાયાબિલિટીઝ અને એનઆરઆઈ બિઝનેસના ચીફ જનરલ મેનેજર શ્રી રવિન્દ્ર સિંઘ નેગીએ કહ્યું હતું કે, “અમને અમારા બચત અને ચાલુ ખાતાધારકો માટે બીઓબી (બોબ) પરિવાર ખાતા પ્રસ્તુત કરવાની ખુશી છે. સિંગલ ફેમિલી કે સંલગ્ન કંપનીઓના વ્યક્તિગત ખાતાઓને ગ્રૂપ કરીને અમારાં ગ્રાહકોને શ્રેષ્ઠ ફાયદાઓ સાથે વધારે લાભ મળશે, જે સામાન્ય રીતે ઊંચું બેલેન્સ જાળવતા ખાતાઓને જ મળે છે.
બીઓબી (બોબ) પરિવાર સેગમેન્ટમાં પરિવારના તમામ વ્યક્તિગત સભ્યોને કુલ બેલેન્સ એકસાથે જાળવવાનો લાભ મળશે. અહીં દરેક ખાતા માટે અલગથી ત્રિમાસિક સરેરાશ સંતુલન જાળવવાની જરૂર નથી એટલે સંપૂર્ણ બેંકિંગ અનુભવ વધશે. 115 વર્ષના ઇતિહાસ ધરાવતી બેંક સાથે અમે અમારી સાથે એક જ ફેમિલી બેંકમાંથી પેઢીઓને સેવા આપીએ છીએ અને ‘માય ફેમિલી, માય બેંક’ વિભાવના બેંક ઓફ બરોડા સાથે તેમનો સંબંધ વધારે મજબૂત અને ગાઢ કરશે.”
વર્તમાન આર્થિક પરિસ્થિતિ કે જેમાં વૈશ્વિક વ્યાપારની ગતિશીલતામાં આમૂલ પરિવર્તન જોવા મળી રહ્યું છે, તે બાબતને ધ્યાનમાં રાખીને જરૂરી બન્યું છે કે આગામી બજેટ વિકાસ દરને જાળવી રાખવા ઉપરાંત તેને વધુ વેગ આપે.
સપ્તાહના પ્રથમ ટ્રેડિંગ દિવસે સોમવારે નીચા ખુલતા ભારતીય શેરબજારે તેનું નીચું વલણ ચાલુ રાખ્યું હતું. સંસદનું ચોમાસું સત્ર આજે શરૂ થાય છે ત્યારે આ ઘટાડો આવ્યો છે,
ઘટાડા બાદ સોમવારે ક્રૂડ ઓઈલના ભાવમાં વધારો થયો હતો. વેસ્ટ ટેક્સાસ ઈન્ટરમીડિયેટ (WTI) ક્રૂડ ઓઈલ 0.45% વધીને $80.49 પ્રતિ બેરલ, જ્યારે બ્રેન્ટ ક્રૂડ 0.36% વધીને બેરલ દીઠ $82.93 પર પહોંચ્યું.