ચીકટિયા ગામે આહવા તાલુકા પંચાયતનાં માજી ઉપપ્રમુખ પર દીપડાએ હુમલો કરતા ચકચાર
ડાંગ જિલ્લાના ચિકટીયાના ગ્રામજનોમાં છેલ્લા એક સપ્તાહથી દીપડો આતંક મચાવી રહ્યો હતો. તેણે અનેક મરઘીઓને મારી નાખ્યા હતા અને એક ગ્રામીણ પર હુમલો પણ કર્યો હતો. પરંતુ ગ્રામજનો દીપડાને ત્યાંથી ભાગવા દેતા ન હતા. તેઓએ સાથે મળીને દીપડાને પકડવા માટે પાંજરું ગોઠવ્યું. અને માત્ર એક જ દિવસમાં, તેઓ સફળ થયા!
ચીકટિયા ગામે આહવા તાલુકા પંચાયતનાં માજી ઉપપ્રમુખ પર દીપડાએ હુમલો કરતા ચકચાર
(સુશીલ પવાર દ્વારા) ડાંગ: ડાંગ જિલ્લાનાં ઉત્તર વન વિભાગનાં પશ્ચિમ રેંજ દ્વારા એક દિવસમાં જ હુમલાખોર દીપડાને પાંજરે પૂરતા ગ્રામજનોએ હાશકારો મેળવ્યો. પ્રાપ્ત વિગતો અનુસાર ડાંગ જિલ્લાનાં આહવા તાલુકામાં સમાવિષ્ટ ચીકટિયા ગામ વિસ્તારમાં છેલ્લા એક સપ્તાહથી દીપડાએ મરઘાઓનો શિકાર કરી આંતક મચાવ્યો હતો.જેમાં ગુરૂવારે મળસ્કે ફરી શિકારની શોધમાં ખુંખાર દીપડો ચીકટિયા ગામમાં આવી ચડ્યો હતો.તેવામાં ચીકટિયા ગામનાં રહેવાસી અને આહવા તાલુકા પંચાયતનાં માજી ઉપપ્રમુખ શૂક્કરભાઈ ચૌધરી તેઓનાં દુકાનની બહાર ઓટલા પર સુઈ રહ્યા હતા.તે વેળાએ શિકારની શોધમાં ફરતા દીપડાએ સૂઈ રહેલ શૂક્કરભાઈ ચૌધરી પર અચાનક જ હુમલો કરી દેતા અફરા તફરીનો માહોલ સર્જાયો હતો.બાદમાં ઘરનાં સભ્યો જાગી જતા અને બુમાબુમ કરતા સ્થળ પરથી દીપડો ભાગ્યો હતો.અહી દીપડાએ શૂક્કરભાઈ ચૌધરીનાં હાથ,છાતી અને ગળાનાં ભાગે નહોર મારી ગંભીર ઈજાઓ પોહચાડતા તેને તાત્કાલિક સારવારનાં અર્થે નજીકની આહવા સિવિલ હોસ્પિટલમાં ખસેડવાની તજવીજ હાથ ધરાઈ હતી.બાદમાં પશ્ચિમ રેંજ વન વિભાગ દ્વારા દીપડાનાં હુમલામાં ઇજાગ્રસ્ત બનેલ આગેવાન શૂક્કર ચૌધરીને મળી સરકારી સહાય મળે તથા આ ખુંખાર દીપડાને પાંજરે પુરવાની કવાયત હાથ ધરી હતી.ગતરોજ ડાંગ જિલ્લાનાં ઉત્તર વન વિભાગનાં ડી.સી.એફ.દિનેશભાઇ રબારીનાં માર્ગદર્શન હેઠળ પશ્ચિમ રેંજનાં આર.એફ.ઓ વિનય પવારે ચીકટિયા ગામ વિસ્તારમાં દીપડાને પકડવા પાંજરા ગોઠવ્યા હતા.આજરોજ વહેલી સવારે આ હુમલાખોર દીપડો પાંજરે પુરાઈ જતા વન વિભાગ સહિત ગ્રામજનોએ હાશકારો અનુભવ્યો હતો.હાલમાં વન વિભાગની ટીમે આ ખુંખાર દીપડાને દૂરનાં જંગલમાં ખસેડવાની કવાયત હાથ ધરી છે.
Share On Social Media
અન્ય સમાચારો પણ છે...
રાજ્ય સરકારનો ગ્રામીણ વિસ્તારોમાં આરોગ્ય સેવાઓને વધારવા માટે મહત્વનો નિર્ણય
ગુજરાત રાજ્ય સરકારે ગ્રામીણ વિસ્તારોમાં આરોગ્યસંભાળ સેવાઓને વધારવા માટે મહત્વનો નિર્ણય લીધો છે.
ગીર સોમનાથમાં પોલીસે ઝેરી તાડી બનાવવાની કામગીરીનો પર્દાફાશ કર્યો, 3ની ધરપકડ
ગીર સોમનાથના સુત્રાપાડામાં એક મકાનમાંથી તાડીની કોથળીઓ મળી આવતા પોલીસે તપાસ હાથ ધરી છે. વધુ તપાસ કરતાં જાણવા મળ્યું કે તાડી કુદરતી ન હતી પરંતુ તેમાં ઝેરી રસાયણોની ભેળસેળ કરવામાં આવી હતી.
ગુજરાતઃ બેંક ફ્રોડ કેસમાં ભૂતપૂર્વ બેંક મેનેજર સહિત 15ને સજા
ગુજરાતની એક સીબીઆઈ કોર્ટે અમદાવાદમાં સ્ટેટ બેંક ઓફ સૌરાષ્ટ્રના ભૂતપૂર્વ બ્રાન્ચ મેનેજર સહિત 15 લોકોને મોટી બેંક છેતરપિંડીના કેસમાં તેમની સંડોવણી બદલ સખત કેદની સજા ફટકારી છે.
