મુખ્યમંત્રી ભૂપેન્દ્ર પટેલ હર ઘર તિરંગા અભિયાનમાં ગાંધીનગરથી સહભાગી થયા

તા. ૮ ઓગસ્ટથી ૧૫ ઓગસ્ટ સુધી ચાલનારા હર ધર તિરંગા અભિયાનનો રાજ્ય વ્યાપી પ્રારંભ મુખ્યમંત્રીએ પોતાના નિવાસ સ્થાને તિરંગો લહેરાવી કરાવ્યો.

મુખ્યમંત્રી ભૂપેન્દ્ર પટેલ હર ઘર તિરંગા અભિયાનમાં ગાંધીનગરથી સહભાગી થયા

વડાપ્રધાન નરેન્દ્રભાઈ મોદીની પ્રેરણા અને માર્ગદર્શનમાં સમગ્ર દેશમાં તા. ૮મી થી ૧૫મી ઓગસ્ટ દરમિયાન હર ઘર તિરંગા અભિયાન યોજાવાનું છે.

મુખ્યમંત્રી ભૂપેન્દ્ર પટેલ તા. ૮મી ઓગસ્ટ, ગુરુવારે સવારે પોતાના નિવાસ સ્થાનની અગાસીમાં તિરંગો લહેરાવી ને આ અભિયાનમાં સ્વયં સહભાગી થયા હતા અને રાજ્યમાં હર ઘર તિરંગા અભિયાન નો  તેમણે પ્રારંભ કરાવ્યો હતો.
 
મુખ્યમંત્રીની ઉપસ્થિતિમાં રાજ્યના ચાર મુખ્ય શહેરો રાજકોટ, અમદાવાદ, સુરત અને વડોદરામાં ભવ્ય તિરંગા યાત્રાનું પણ આયોજન કરવામાં આવેલું છે. એટલુ જ નહિ, સમગ્ર ગુજરાતમાં આ હર ઘર તિરંગા અંતર્ગત અંદાજે ૪૦ થી ૫૦ લાખ તિરંગાનું વિતરણ થવાનું છે. 

આ વર્ષે હર ઘર તિરંગા અંતર્ગત તિરંગા રેલી, તિરંગા યાત્રા, તિરંગા રન, તિરંગા કોન્સર્ટ, તિરંગા કેનવાસ, તિરંગા શપથ, તિરંગા સેલ્ફી તેમજ તિરંગા મેલા જેવા બહુવિધ કાર્યક્રમો  રાજ્યમાં યોજાવાના છે.

આ હર ઘર તિરંગા અભિયાન ૧૫ ઓગસ્ટ સ્વાતંત્ર્ય દિનની ઉજવણી પૂર્વે જન જનમાં  રાષ્ટ્રપ્રેમ, દેશભક્તિ અને દેશદાઝ જગાવનારું રાષ્ટ્ર ચેતના અભિયાન બને તેવી નેમ રાખવામાં આવી છે. 
 

Share On Social Media