ઈંગ્લેન્ડે પાકિસ્તાનમાં બનાવ્યો નવો રેકોર્ડ, તોડ્યો 66 વર્ષ જૂનો રેકોર્ડ
પાકિસ્તાનના મુલતાનમાં રમાઈ રહેલી પ્રથમ ટેસ્ટ મેચના ચોથા દિવસે ઈંગ્લેન્ડના બેટ્સમેનોએ પહાડ જેવો સ્કોર કરીને નવો રેકોર્ડ બનાવ્યો હતો. પાકિસ્તાનના 556 રનના જવાબમાં ઈંગ્લેન્ડે 823/7 પર પોતાનો દાવ ડિકલેર કર્યો હતો.
પાકિસ્તાનની ધરતી પર 3 મેચની ટેસ્ટ શ્રેણી રમાઈ રહી છે, જેમાં પ્રથમ ટેસ્ટ મેચમાં ઘણા રન બનાવ્યા હતા. પ્રથમ બેટિંગ કરતા પાકિસ્તાનની ટીમે પ્રથમ દાવમાં 556 રન બનાવ્યા હતા. જવાબમાં મુલાકાતી ટીમ ઈંગ્લેન્ડે 7 વિકેટ ગુમાવીને 823 રન બનાવ્યા હતા. ઈંગ્લેન્ડ માટે હેરી બ્રુકે શાનદાર ત્રેવડી સદી ફટકારી અને વીરેન્દ્ર સેહવાગનો રેકોર્ડ તોડ્યો. આ પહેલા સેહવાગે મુલતાનમાં 309 રનની ઇનિંગ રમી હતી. હવે હેરી બ્રુકે 317 રનની ઈનિંગ રમીને સેહવાગને પાછળ છોડી દીધો છે અને તેની ટેસ્ટ કારકિર્દીની પ્રથમ ટ્રિપલ સેન્ચુરી 310 બોલમાં ફટકારી છે. આ રીતે, તે ટેસ્ટ ક્રિકેટમાં ત્રેવડી સદી ફટકારનાર ઈંગ્લેન્ડ તરફથી છઠ્ઠો બેટ્સમેન બન્યો.
હેરી બ્રુક જ્યારે બેટિંગ કરવા આવ્યો ત્યારે ઈંગ્લેન્ડની 3 વિકેટ 249ના સ્કોર પર પડી ગઈ હતી. આ પછી બ્રુકે રૂટ સાથે મળીને ચોથી વિકેટ માટે 454 રનની રેકોર્ડ ભાગીદારી કરી અને પોતાની ટીમને વિશાળ સ્કોર સુધી પહોંચાડી દીધી. બ્રુકે ત્રેવડી સદી ફટકારી હતી જ્યારે રૂટે શાનદાર બેવડી સદી ફટકારી હતી. રૂટ 262 રન બનાવીને પેવેલિયન પરત ફર્યો હતો. આ રીતે ઈંગ્લેન્ડે તેનો પ્રથમ દાવ 823/7 રનના સ્કોર પર ડિકલેર કર્યો હતો. આ સાથે ઈંગ્લેન્ડની ટીમે 66 વર્ષ જૂનો રેકોર્ડ તોડી નાખ્યો.
ખરેખર, ઈંગ્લેન્ડ ટીમનો આ સ્કોર 66 વર્ષ બાદ ટેસ્ટમાં બનેલો સૌથી મોટો સ્કોર છે. અગાઉ 1958માં વેસ્ટ ઈન્ડિઝે કિંગસ્ટન ખાતે પાકિસ્તાન સામે 790/3 રનના સ્કોર પર પોતાનો દાવ ડિકલેર કર્યો હતો. ઇંગ્લેન્ડ વિશ્વની એકમાત્ર એવી ટીમ છે જેણે ટેસ્ટ ઇનિંગ્સમાં ત્રણ વખત 800થી વધુ રન બનાવવાનો રેકોર્ડ નોંધાવ્યો છે. ટેસ્ટ ક્રિકેટના ઈતિહાસમાં માત્ર 2 ટીમો 900થી વધુ સ્કોર કરવામાં સફળ રહી છે. આમાં શ્રીલંકા પ્રથમ સ્થાને અને ઈંગ્લેન્ડ બીજા સ્થાને છે.
952/6- શ્રીલંકા vs ભારત, કોલંબો (RPS), 1997
903/7- ઈંગ્લેન્ડ વિ ઓસ્ટ્રેલિયા, ધ ઓવલ, 1938
849- ઈંગ્લેન્ડ વિ વેસ્ટ ઈન્ડિઝ, કિંગ્સ્ટન, 1930
823/7- ઈંગ્લેન્ડ વિરુદ્ધ પાકિસ્તાન, મુલતાન, 2024
790/3- વેસ્ટ ઈન્ડિઝ વિરુદ્ધ પાકિસ્તાન, કિંગ્સ્ટન, 1958
765/6- પાકિસ્તાન વિ શ્રીલંકા, કરાચી, 2009
ઈંગ્લેન્ડ સામેની શરમજનક હાર બાદ પાકિસ્તાન ક્રિકેટ બોર્ડે નવી પસંદગી સમિતિની જાહેરાત કરી છે. આ પસંદગી સમિતિમાં એક અમ્પાયરને પણ સામેલ કરવામાં આવ્યો છે. નવી પસંદગી સમિતિમાં કુલ 5 સભ્યોને સ્થાન મળ્યું છે.
ફ્રેન્ચ ટેનિસ સ્ટાર રિચાર્ડ ગાસ્કેટે જાહેરાત કરી છે કે તે 2025 રોલેન્ડ-ગેરોસ ટુર્નામેન્ટમાં ભાગ લીધા બાદ નિવૃત્તિ લેશે.
પાકિસ્તાનના નસીમ શાહે ઈંગ્લેન્ડ સામે બીજા દિવસે સારી બેટિંગ કરી હતી અને પ્રથમ દાવમાં કુલ 33 રન બનાવ્યા હતા.