મહિલા કુસ્તીબાજોના કથિત યૌન શોષણના મામલામાં રાઉઝ એવન્યુ કોર્ટમાં સુનાવણી પૂર્ણ, વકીલે કહી આ વાત

મહિલા કુસ્તીબાજોના કથિત યૌન શોષણના કેસમાં રાઉઝ એવન્યુ કોર્ટમાં સુનાવણી પૂર્ણ થઈ ગઈ છે અને આ મામલામાં બ્રિજ ભૂષણ સિંહના વકીલનું નિવેદન પણ સામે આવ્યું છે. તેમણે કહ્યું કે આ કેસમાં ફરિયાદ કોસ્મેટિક રીતે દાખલ કરવામાં આવી હતી.

મહિલા કુસ્તીબાજોના કથિત યૌન શોષણના મામલામાં રાઉઝ એવન્યુ કોર્ટમાં સુનાવણી પૂર્ણ, વકીલે કહી આ વાત

નવી દિલ્હીઃ મહિલા કુસ્તીબાજોના કથિત યૌન શોષણના મામલામાં રાઉઝ એવન્યુ કોર્ટમાં સુનાવણી પૂર્ણ થઈ ગઈ છે. આ કેસની આગામી સુનાવણી 19 ઓક્ટોબરે બપોરે 2.30 કલાકે થશે. બ્રિજ ભૂષણ સિંહના વકીલે કહ્યું છે કે ઓવર સાઇટ કમિટિનો રિપોર્ટ કેન્દ્ર સરકાર દ્વારા દિલ્હી પોલીસ કમિશનરને મોકલવામાં આવ્યો હતો.

વકીલે કહ્યું કે ઓવર સાઇટ કમિટિનો રિપોર્ટ ચાર્જશીટનો ભાગ છે. પહેલા કોઈ આક્ષેપો થયા ન હતા, રમતગમત મંત્રીને મળ્યા હતા, ત્યારબાદ એક ઓવર-સાઈટ કમિટી બનાવવામાં આવી હતી. આ કેસમાં કોસ્મેટિક રીતે ફરિયાદ દાખલ કરવામાં આવી હતી. જે પછી યૌન ઉત્પીડનની જગ્યાએ છેડતીનો ઉમેરો થયો.

મામલો શું છે?

બ્રિજભૂષણ શરણ સિંહ આજે સુનાવણી માટે દિલ્હીની રાઉઝ એવન્યુ કોર્ટ પહોંચ્યા હતા. દિલ્હી પોલીસની ચાર્જશીટના આધારે બ્રિજ ભૂષણ સામે આરોપ ઘડવા અંગે કોર્ટમાં ચર્ચા ચાલી હતી. આ પહેલા જ્યારે 7 ઓક્ટોબરે છેલ્લી સુનાવણી થઈ ત્યારે બ્રિજ ભૂષણના વકીલોએ દિલ્હી પોલીસની ચાર્જશીટમાં લગાવવામાં આવેલા આરોપોનો વિરોધ કર્યો હતો.

વકીલોએ કહ્યું કે માત્ર કુસ્તીબાજોના નિવેદનના આધારે આરોપો ઘડી શકાય નહીં. જ્યારે બ્રિજ ભૂષણ શરણ સિંહ પહેલા જ મહિલા રેસલરો દ્વારા લગાવવામાં આવેલા આરોપોને નકારી ચૂક્યા છે. તેમનું કહેવું છે કે આ આરોપો ખોટા અને પાયાવિહોણા છે.

Share On Social Media