Hyundai તમિલનાડુમાં રૂ. 6,180 કરોડનું રોકાણ કરશે

કંપનીએ તમિલનાડુ ગ્લોબલ ઇન્વેસ્ટર્સ સમિટ- 2024 દરમિયાન નવા રોકાણ માટે રાજ્ય સરકાર સાથે સમજૂતી કરાર (એમઓયુ) પર હસ્તાક્ષર કર્યા છે.

Hyundai તમિલનાડુમાં રૂ. 6,180 કરોડનું રોકાણ કરશે

હ્યુન્ડાઈ મોટર ઈન્ડિયા લિમિટેડ તમિલનાડુમાં હાઈડ્રોજન પ્રોસેસિંગ સેન્ટર સ્થાપવા અને અન્ય વિવિધ પહેલ કરવા માટે રૂ. 6,180 કરોડનું રોકાણ કરશે. કંપનીએ સોમવારે આની જાહેરાત કરી હતી.

અગાઉ, હ્યુન્ડાઇ એ ઇલેક્ટ્રિક વાહન ઉત્પાદન, ચાર્જિંગ ઇન્ફ્રાસ્ટ્રક્ચર અને કૌશલ્ય વિકાસમાં તેના પ્રયત્નોને વધારવા માટે 2023 થી 2032 સુધીના 10 વર્ષમાં રૂ. 20,000 કરોડનું રોકાણ કરવાની જાહેરાત કરી હતી. આ રૂ. 6,180 કરોડના રોકાણ ઉપરાંત છે.

કંપનીએ તમિલનાડુ ગ્લોબલ ઇન્વેસ્ટર્સ સમિટ- 2024 દરમિયાન નવા રોકાણ માટે રાજ્ય સરકાર સાથે સમજૂતી કરાર (એમઓયુ) પર હસ્તાક્ષર કર્યા છે.

હ્યુન્ડાઈ મોટર ઈન્ડિયા ના મેનેજિંગ ડિરેક્ટર અને ચીફ એક્ઝિક્યુટિવ ઓફિસર (CEO) અનસૂ કિમ, "આ રૂ. 6,180 કરોડનું રોકાણ રાજ્યમાં સામાજિક-આર્થિક વૃદ્ધિને વેગ આપવા અને દેશને આત્મનિર્ભર બનાવવાના પ્રયાસોને મજબૂત કરવાની અમારી પ્રતિબદ્ધતાનો એક ભાગ છે." એક નિવેદનમાં જણાવ્યું હતું.

તેમણે કહ્યું કે સરકાર સાથેનો આ સહયોગ માત્ર રોકાણ માટે નથી. તેમણે જણાવ્યું હતું કે આ એક મજબૂત હાઇડ્રોજન ટેક્નોલોજી ઇકોસિસ્ટમ વિકસાવવા માટે ઉત્પ્રેરક તરીકે કામ કરશે, જે હરિયાળા ભવિષ્ય પ્રત્યે કંપનીની પ્રતિબદ્ધતા સાથે સુસંગત છે.

કિમે કહ્યું, "અમને વિશ્વાસ છે કે સામૂહિક પ્રયાસોથી, તમિલનાડુ 1 ટ્રિલિયન ડોલરની અર્થવ્યવસ્થાની મહાન સિદ્ધિ હાંસલ કરી શકશે."

Share On Social Media