તેલંગણામાં જો અમારી સરકાર બનસે તો અમે મુસ્લિમ આરક્ષણને ખતમ કરીશું: અમિત શાહ

અમિત શાહે કહ્યું કે તમે બધા કમળને મત આપો, તો મહાલક્ષ્મી કમળ પર બેસીને તેલંગાણામાં ઉતરશે.

તેલંગણામાં જો અમારી સરકાર બનસે તો અમે મુસ્લિમ આરક્ષણને ખતમ કરીશું: અમિત શાહ

કેન્દ્રીય ગૃહ પ્રધાન અમિત શાહે તેલંગાણામાં મુસ્લિમોને શિક્ષણ અને રોજગાર અને ડબલ બેડરૂમ ઘર જેવી કલ્યાણકારી યોજનાઓમાં આપવામાં આવેલી અનામતને ગેરબંધારણીય ગણાવી હતી. અમિત શાહે કહ્યું કે, “જો તેલંગાણામાં અમારી સરકાર બનશે તો અમે મુસ્લિમ આરક્ષણ ખતમ કરીશું, આ આરક્ષણ તેલંગાણાના SC/ST/OBC માટે છે. તેમને તે અધિકાર મળશે.

અમિત શાહે રવિવારે રંગારેડ્ડી જિલ્લાના ચેવેલ્લા ખાતે 'વિજય સંકલ્પ સભા'ને સંબોધતા શાહે કહ્યું હતું કે, "રાજ્યની ભાજપ સરકાર આગામી વિધાનસભા ચૂંટણીમાં સત્તા પર આવશે તો આવા તમામ ગેરબંધારણીય આરક્ષણોને રદ કરશે." તેમણે લોકોને રાજ્યમાં ભ્રષ્ટ ભારત રાષ્ટ્ર સમિતિ (BRS) શાસનને જડમૂળથી ઉખેડવા માટે ભાજપને સમર્થન આપવાની અપીલ કરી હતી. અમિત શાહે કહ્યું કે તમે બધા કમળને મત આપો, તો મહાલક્ષ્મી (વૈભવ લક્ષ્મી) કમળ પર બેસીને તેલંગાણામાં ઉતરશે.

ગૃહમંત્રીએ સત્તાધારી બીઆરએસ સરકારની ટીકા કરતાં અનેક પ્રોજેક્ટ્સમાં ભ્રષ્ટાચારનો આરોપ મૂક્યો અને કહ્યું કે જ્યાં સુધી "ભ્રષ્ટ" શાસનને "ઉત્થાન" ન કરવામાં આવે ત્યાં સુધી ભાજપની લડાઈ અટકશે નહીં. તેમણે એવો પણ આક્ષેપ કર્યો હતો કે તેલંગાણા માટે કેન્દ્ર દ્વારા વિસ્તૃત કલ્યાણનાં પગલાં ગરીબો સુધી પહોંચી રહ્યાં નથી. અમિત શાહે કે ચંદ્રશેખર રાવ સરકાર પર રાજ્યમાં અસદુદ્દીન ઓવૈસીની આગેવાની હેઠળના AIMIM "એજન્ડા"નો અમલ કરવાનો આરોપ લગાવ્યો હતો. શાહે કહ્યું, "તેલંગાણામાં એવી કોઈ સરકાર ચાલી શકે નહીં જેનું સ્ટિયરિંગ ઓવૈસી પાસે હોય. અમે મજલિસથી ડરતા નથી. તેલંગાણાની સરકાર રાજ્યના લોકો માટે ચાલશે, તે ઓવૈસી માટે નહીં ચાલે."

Share On Social Media