જમ્મુ-કાશ્મીર: પૂંચમાં ભારતીય સેનાની ટ્રક 300 ફૂટ ઊંડી ખીણમાં પડી, ઘણા સૈનિકો ઘાયલ

જમ્મુ-કાશ્મીરના પૂંચમાં ભારતીય સેનાનું વાહન ઊંડી ખાઈમાં પડી ગયું છે. આ ઘટનામાં 5 જવાન શહીદ થયા છે અને 12 ઘાયલ થયા છે. એક જવાન સુરક્ષિત છે. કારમાં કુલ 18 સૈનિકો સવાર હતા.

જમ્મુ-કાશ્મીર: પૂંચમાં ભારતીય સેનાની ટ્રક 300 ફૂટ ઊંડી ખીણમાં પડી, ઘણા સૈનિકો ઘાયલ

શ્રીનગર: જમ્મુ-કાશ્મીરમાં મંગળવારે ભારતીય સેનાની એક ટ્રકને અકસ્માત નડ્યો હતો. પ્રાપ્ત માહિતી અનુસાર, પૂંચમાં સેનાની એક ટ્રક 300 ફૂટ ઊંડી ખીણમાં પડી છે. આ દુર્ઘટનામાં ઘણા જવાનો ઘાયલ થયાના સમાચાર છે. સેનાએ બચાવ કાર્ય શરૂ કરી દીધું છે. રિપોર્ટ અનુસાર, નીલમ હેડક્વાર્ટરથી બાલનોઈ ઘોરા પોસ્ટ તરફ જઈ રહેલી 11 MLIની આર્મી ટ્રક ગોરા પોસ્ટ પર પહોંચતા જ અકસ્માતનો ભોગ બની હતી.

આર્મીની ટ્રક ઊંડી ખાઈમાં પડી હોવાની માહિતી મળતાની સાથે જ 11 એમએલઆઈની ક્વિક રિસ્પોન્સ ટીમ (ક્યુઆરટી) ઘટનાસ્થળે પહોંચી ગઈ હતી. આ પછી બચાવ કામગીરી શરૂ કરવામાં આવી હતી. રિપોર્ટ અનુસાર ટ્રકમાં 8 સૈનિકો હતા. આ તમામ 11 મરાઠા રેજિમેન્ટના છે અને નિયંત્રણ રેખા (LOC) તરફ જઈ રહ્યા હતા.

આ પહેલા 4 નવેમ્બરે રાજૌરીમાં રોડ અકસ્માતમાં બે નાઈક સૈનિકોએ જીવ ગુમાવ્યા હતા. 2 નવેમ્બરના રોજ રિયાસી જિલ્લામાં કાર ખાડામાં પડતાં 3 લોકોનાં મોત થયાં હતાં.

Share On Social Media