સરહદ પર આતંકવાદી ગતિવિધિઓને જોતા જમ્મુ-કાશ્મીરમાં હાઈ એલર્ટ
ગુપ્તચર સૂત્રો પાસેથી મળેલી માહિતી અનુસાર, IEDથી સજ્જ વાહન દ્વારા જમ્મુ-શ્રીનગર રાષ્ટ્રીય ધોરીમાર્ગ અથવા કોઈપણ મહત્વપૂર્ણ મથક પર હુમલો કરી શકે છે, આવો વધુ જાણીએ
સરહદ પર આતંકવાદી ગતિવિધિઓને જોતા જમ્મુ-કાશ્મીરમાં હાઈ એલર્ટ
જમ્મુ અને કાશ્મીરમાં પાકિસ્તાનની જાસૂસી સંસ્થા ISI અને તેના દ્વારા ટ્રેન કરેલા આતંકવાદી સંગઠનો પુલવામા જેવા હુમલાનું પુનરાવર્તન કરવાનું નાપાક કાવતરું ઘડી રહ્યાની માહિતી મળી છે. ગુપ્તચર સૂત્રો પાસેથી મળેલી માહિતી અનુસાર, VBIED (શક્તિશાળી IEDથી સજ્જ વાહન) દ્વારા જમ્મુ-શ્રીનગર રાષ્ટ્રીય ધોરીમાર્ગ અથવા કોઈપણ મહત્વપૂર્ણ મથક પર હુમલો કરી શકે છે.
સૂત્રોએ જણાવ્યું કે પાકિસ્તાની સેનાએ LOC પાર POKના ફોરવર્ડ બોર્ડર વિસ્તારોમાં ઘણા લોન્ચિંગ પેડ તૈયાર કર્યા છે. તેના પર બે ડઝનથી વધુ આતંકીઓને જમ્મુ-કાશ્મીરમાં ઘૂસણખોરી કરવા માટે તૈયાર રાખવામાં આવ્યા છે. આ આતંકવાદીઓને અલગ-અલગ જૂથોમાં તૈયાર કરવામાં આવ્યા છે.
નૌગામ સેક્ટરમાં સરહદ નજીક ખર્જનમાં ચાર, ખુઇ રટ્ટામાં પાંચ અને ઉરી-બારામુલ્લાના જંગલમાં પાંચ આતંકવાદીઓ ભારતમાં ઘૂસણખોરી કરવા માટે સંપૂર્ણપણે તૈયાર બેઠા હોવાની માહિતી ગુપ્તચર સંસ્થાઓને સાંપડી છે. સૂત્રોનું માનીએ તો આ આતંકવાદીઓ પાસે ઓટોમેટિક હથિયારો છે અને છેલ્લા કેટલાક સપ્તાહમાં સરહદ પારના વિસ્તારોમાં પણ તેમની ગતિવિધિઓ જોવા મળી રહી છે.
રિપોર્ટમાં કહેવામાં આવ્યું છે કે સરહદ પારથી ભારતમાં ઘૂસણખોરીની તૈયારી કરી રહેલા આ આતંકવાદીઓ અફઘાનિસ્તાનથી પાછા ફર્યા છે અને તેઓ લશ્કર અને જૈશ સાથે સંબંધિત છે. આતંકવાદીઓની ઘૂસણખોરીને લઈને સુરક્ષા દળોએ તેમનું પેટ્રોલિંગ વધારી દીધું છે. સરહદની આસપાસ દરેક નાની-મોટી ગતિવિધિઓ પર નજર રાખવામાં આવી રહી છે.
વાસ્તવમાં કાશ્મીરમાં સરહદી વિસ્તારો માટે ઉનાળાના ત્રણથી ચાર મહિના ખૂબ જ મહત્વપૂર્ણ હોય છે. ઠંડી અને બરફમાં ઘટાડો થયા બાદ આ મહિનામાં આતંકવાદીઓ મોટાપાયે ઘૂસણખોરી કરે છે. આ પછી, જ્યારે ઠંડી શરૂ થાય છે, ત્યારે ઘૂસણખોરી કરવી મુશ્કેલ બની જાય છે.
અત્રે ઉલ્લેખનીય છે કે, ભારત હાલમાં G-૨૦ ની અધ્યક્ષતા કરી રહ્યું છે. જમ્મુ-કાશ્મીરમાં ૨૨-૨૩ મે વચ્ચે G-૨૦ બેઠક યોજાવાની છે. સુરક્ષા સહિત અનેક મુદ્દાઓને લઈને મંગળવારે અધિકારીઓની ઉચ્ચ સ્તરીય બેઠક પણ યોજાઈ હતી. આ બેઠકમાં સંવેદનશીલ ગણાતા વિસ્તારોમાં સુરક્ષા વ્યવસ્થા વધારવા પર ભાર મૂકવામાં આવ્યો હતો.
Share On Social Media
અન્ય સમાચારો પણ છે...
NIAએ તમિલનાડુ હિઝબુત-તહરિર આતંકવાદી ષડયંત્ર કેસમાં બે ચાર્જશીટ રજૂ કરી
નેશનલ ઇન્વેસ્ટિગેશન એજન્સી (NIA) એ હિઝબુત તહરિર (HuT) આતંકવાદી સંગઠનને સંડોવતા આતંકવાદી કાવતરાના કેસમાં બે વ્યક્તિઓ વિરુદ્ધ ચાર્જશીટ દાખલ કરી છે.
ઉત્તરાખંડના સીએમ પુષ્કર સિંહ ધામીએ અમિત શાહ સાથે મુલાકાત કરી
ઉત્તરાખંડના મુખ્ય પ્રધાન પુષ્કર સિંહ ધામીએ સોમવારે નવી દિલ્હીમાં કેન્દ્રીય ગૃહ પ્રધાન અમિત શાહ સાથે મુલાકાત કરી,
Shimla Winter Carnival: હિમાચલની સંસ્કૃતિ અને પર્યટનની ઉજવણી
હિમાચલ પ્રદેશનું શાંત પહાડી નગર શિમલા એક વાઇબ્રન્ટ સાંસ્કૃતિક હબમાં પરિવર્તિત થયું છે કારણ કે મંગળવારે મુખ્યમંત્રી સુખવિંદર સિંહ સુખુએ અત્યંત અપેક્ષિત વિન્ટર કાર્નિવલનું ઉદ્ઘાટન કર્યું હતું.
Braking News
