રેગ્યુલેટરી કોમ્પ્લાયન્સમાં અગ્રણી અપરાજિતાએ સીટીઓની નિયુક્તિ કરી

ટેકનોલોજી આધારિત કોમ્પ્લાયન્સ સોલ્યુશન્સ પૂરી પાડતી અગ્રણી કંપની અપરાજિતાએ તેનાં નવા ચીફ ટેકનોલોજી ઓફિસર CTO) તરીકે ડો. વેણુ મૂર્થીની નિયુક્તિ કરી છે. આ નિયુક્તિ કંપનીની ટેકનોલોજી લીડરશીપને મજબૂત કરવાનાં અને સ્પર્ધાત્મક બજારમાં ઇનોવેશન કરવાનાં કંપનીનાં પ્રયત્નોને પ્રતિબિંબિત કરે છે.

રેગ્યુલેટરી કોમ્પ્લાયન્સમાં અગ્રણી અપરાજિતાએ સીટીઓની નિયુક્તિ કરી

ટેકનોલોજી આધારિત કોમ્પ્લાયન્સ સોલ્યુશન્સ પૂરી પાડતી અગ્રણી કંપની અપરાજિતાએ તેનાં નવા ચીફ ટેકનોલોજી ઓફિસર CTO) તરીકે ડો. વેણુ મૂર્થીની નિયુક્તિ કરી છે. આ નિયુક્તિ કંપનીની ટેકનોલોજી લીડરશીપને મજબૂત કરવાનાં અને સ્પર્ધાત્મક બજારમાં ઇનોવેશન કરવાનાં કંપનીનાં પ્રયત્નોને પ્રતિબિંબિત કરે છે.

ડો. મૂર્થી સીટીઓ તરીકે અપરાજિતાને ખાસ કરીને ગવર્નન્સ, રિસ્ક અને કોમ્પ્લાયન્સ સોલ્યુશન્સ(GRC) માં સર્વિસ-કેન્દ્રીમાંથી પ્રોડક્ટ-કેન્દ્રી મોડેલમાં પરિવર્તિત કરવાનો ધ્યેય ધરાવે છે. ડો. મૂર્થીએ અગાઉ થોટવર્ક્સ, યુનિસિસ, આઇબીએમ અને ઇન્ફોસિસ જેવી બહુરાષ્ટ્રીય કંપનીઓમાં મહત્વની ભૂમિકાઓ ભજવી છે. તેઓ ફોર્બ્સ ટેકનોલોજી કાઉન્સિલનાં સભ્ય છે અને કેટલાંક રિસર્ચ પેપર્સ પણ લખ્યાં છે.

અપરાજિતાના મેનેજિંગ ડિરેક્ટર નાગરાજ ક્રિશ્નને જણાવ્યું હતું કે, “અમે ડો. મૂર્થીને આવકારતા ખુશી અનુભવીએ છીએ. તેઓ ટેકનોલોજી સ્ટ્રેટેજી, ક્લાઉડ કમ્પ્યુટિંગ, એન્ટરપ્રાઇઝ આર્કિટેક્ચર, ડેટા એનાલિટિક્સ, સાયબરસિકયોરિટી, મશીન લર્નિંગ અને આર્ટિફિશિયલ ઇન્ટેલિજન્સમાં સારું એવું જ્ઞાન ધરાવે છે. અમને વિશ્વાસ છે કે તેમની નિપુણતાથી અપરાજિતાને આગામી પાંચ વર્ષમાં એક અબજ ડોલરની કંપની બનવામાં મદદ મળશે.”

ડો. મૂર્થીએ જણાવ્યું હતું કે, “અપરાજિતામાં જોડાતાં હું સન્માનની લાગણી અનુભવું છું અને ઇનોવેશનમાં મારા અનુભવનો લાભ આપીને સતત બદલાતા જતા ટેકનોલોજી ક્ષેત્રમાં કંપનીને નવી ઊંચાઇએ પહોંચાડવા માટે આશાવાદી છું.”

Share On Social Media