Lok Sabha Elections 2024 : ટિકિટમાં વિલંબથી નારાજ છગન ભુજબળ, નાસિક બેઠક પરથી પોતાનું નામ પાછું ખેંચ્યું

લોકસભા ચૂંટણી 2024 વચ્ચે, અજિત પવારની એનસીપીના દિગ્ગજ નેતા છગન ભુજબળે જાહેરાત કરી કે તેઓ નાશિક બેઠક પરથી પોતાનો દાવો પાછો ખેંચી રહ્યાં છે. માનવામાં આવી રહ્યું છે કે ટિકિટ વિતરણમાં વિલંબના કારણે ભુજબળ નારાજ થઈ ગયા છે.

Lok Sabha Elections 2024 : ટિકિટમાં વિલંબથી નારાજ છગન ભુજબળ, નાસિક બેઠક પરથી પોતાનું નામ પાછું ખેંચ્યું

લોકસભા ચૂંટણી 2024 શરૂ થઈ ગઈ છે. દેશના વિવિધ રાજ્યો અને કેન્દ્રશાસિત પ્રદેશોમાં આજે 19 એપ્રિલે પ્રથમ તબક્કાનું મતદાન થયું હતું. જોકે, ભાજપ સહિત વિવિધ રાજકીય પક્ષોએ હજુ સુધી તેમના તમામ લોકસભા ઉમેદવારોના નામ જાહેર કર્યા નથી. હવે ટિકિટ મળવામાં વિલંબને કારણે મહારાષ્ટ્રમાં એનસીપીના દિગ્ગજ નેતા છગન ભુજબળ નારાજ થયા છે. તમને જણાવી દઈએ કે મહારાષ્ટ્રની નાસિક લોકસભા સીટ પરથી અજિત પવારની એનસીપી તરફથી છગન ભુજબળનું નામ આગળ હતું. જો કે હવે ભુજબળે પોતે પોતાનું નામ પાછું ખેંચવાની જાહેરાત કરી છે. આવો જાણીએ ભુજબળે આ અંગે શું કહ્યું.

શું કહ્યું છગન ભુજબળે?

મહારાષ્ટ્રમાં OBC સમુદાયનો ચહેરો ગણાતા નેતા છગન ભુજબળે કહ્યું કે તેઓ નાસિકની લોકસભા બેઠક માટે ઉમેદવારીમાંથી પોતાનું નામ પાછું ખેંચી રહ્યા છે. તેમણે કહ્યું કે હું વડાપ્રધાન અને અમિત શાહ અને અન્ય તમામ નેતાઓનો મારામાં જે વિશ્વાસ દાખવ્યો છે તેના માટે હું તેમનો આભાર વ્યક્ત કરું છું. ભુજબળે વધુમાં કહ્યું કે, ઘણો સમય વ્યય થઈ રહ્યો છે અને માત્ર ચર્ચાઓ થઈ રહી છે. એટલા માટે હું આ લડાઈમાંથી ખસી રહ્યો છું.

Share On Social Media