જમ્મુ-કાશ્મીરમાં મોટો અકસ્માત, મજૂરોથી ભરેલું વાહન ઊંડી ખાઈમાં પડી, 3ના મોત

જમ્મુ-કાશ્મીરના ડોડ જિલ્લામાં એક વાહન રસ્તા પરથી લપસીને ઊંડી ખાઈમાં પડી ગયું. આ અકસ્માતમાં વાહનમાં મુસાફરી કરી રહેલા ત્રણ મજૂરોના મોત નીપજ્યા હતા અને અન્ય પાંચ લોકો ગંભીર રીતે ઘાયલ થયા હતા.

જમ્મુ-કાશ્મીરમાં મોટો અકસ્માત, મજૂરોથી ભરેલું વાહન ઊંડી ખાઈમાં પડી, 3ના મોત

જમ્મુ-કાશ્મીરના ડોડ જિલ્લામાં એક મોટો અકસ્માત થયો છે. અહીં એક વાહન રોડ પરથી લપસીને ઉંડી ખાઈમાં પડી ગયું હતું. આ અકસ્માતમાં વાહનમાં મુસાફરી કરી રહેલા ત્રણ મજૂરોના મોત નીપજ્યા હતા અને અન્ય પાંચ લોકો ગંભીર રીતે ઘાયલ થયા હતા. પોલીસ અધિકારીઓએ શનિવારે અકસ્માતની જાણકારી આપી હતી. અધિકારીઓના જણાવ્યા અનુસાર, કામદારો ખેલાની ખાતે વાહનમાં સવાર થયા હતા અને મરમત વિસ્તારમાં તેમના ઘર તરફ જઈ રહ્યા હતા.

હુંબલ ગામ પાસે અકસ્માત સર્જાયો હતો

અધિકારીઓના જણાવ્યા અનુસાર, અકસ્માત શુક્રવારે રાત્રે લગભગ 10:40 વાગ્યે હુંબલ ગામ પાસે થયો હતો. પોલીસે જણાવ્યું કે સ્થાનિક લોકો અને પોલીસે કામદારોને ખાઈમાંથી બહાર કાઢવા માટે બચાવ અભિયાન શરૂ કર્યું. પોલીસના જણાવ્યા અનુસાર, ત્રણ મજૂરો, 31 વર્ષીય મણિ કુમાર, 40 વર્ષીય કરણજીત સિંહ અને 45 વર્ષીય લાલ ચંદનું ઘટનાસ્થળે જ મોત નીપજ્યું હતું. પોલીસે જણાવ્યું હતું કે અન્ય પાંચ મજૂરોને ગંભીર ઈજાઓ સાથે બહાર કાઢવામાં આવ્યા હતા અને ડોડાની સરકારી મેડિકલ કોલેજ હોસ્પિટલમાં તેમની સારવાર ચાલી રહી છે.

આ પહેલા પુંછમાં આવો અકસ્માત થયો હતો

તમને જણાવી દઈએ કે થોડા દિવસ પહેલા જ જમ્મુ-કાશ્મીરના પુંછ જિલ્લામાં એક કાર રસ્તા પરથી લપસીને 100 ફૂટ ઊંડી ખીણમાં પડી હતી, જેમાં એક પોલીસકર્મી સહિત બે લોકોના મોત થયા હતા. ત્યારે અધિકારીઓએ કહ્યું હતું કે, અકસ્માત જિલ્લાના જીરાત પ્લેરા વિસ્તારમાં થયો હતો, જ્યારે એક કાર ખાડામાં પડી હતી. કોન્સ્ટેબલ મોહમ્મદ સાદિક કાર ચલાવી રહ્યો હતો. અધિકારીઓએ જણાવ્યું હતું કે આ અકસ્માતમાં કોન્સ્ટેબલ અને કારમાં બેઠેલા અન્ય એક વ્યક્તિ જમીલ અહેમદનું મૃત્યુ થયું હતું. આ અંગે પોલીસે ગુનો નોંધ્યો હતો.

Share On Social Media