પંચાયત ચૂંટણીમાં મમતા સરકારને લાગ્યો ઝટકો, સુપ્રીમ કોર્ટે આપ્યો મોટો નિર્ણય

West Bengal Panchayat elections: પશ્ચિમ બંગાળ સરકારને સુપ્રીમ કોર્ટ તરફથી મોટો ઝટકો લાગ્યો છે. સુપ્રીમ કોર્ટે સ્પષ્ટ કર્યું છે કે રાજ્યમાં પંચાયતની ચૂંટણી કેન્દ્રીય સુરક્ષા દળોની હાજરીમાં જ યોજાશે. કેન્દ્રીય દળોની તૈનાતી માટે કલકત્તા હાઈકોર્ટના આદેશ વિરુદ્ધ મમતા સરકાર અને રાજ્ય ચૂંટણી પંચની અરજી કોર્ટે ફગાવી દીધી છે.

પંચાયત ચૂંટણીમાં મમતા સરકારને લાગ્યો ઝટકો, સુપ્રીમ કોર્ટે આપ્યો મોટો નિર્ણય

West Bengal Panchayat elections: પશ્ચિમ બંગાળ સરકારને સુપ્રીમ કોર્ટ તરફથી મોટો ઝટકો લાગ્યો છે. સુપ્રીમ કોર્ટે સ્પષ્ટ કર્યું છે કે રાજ્યમાં પંચાયતની ચૂંટણી કેન્દ્રીય સુરક્ષા દળોની હાજરીમાં જ યોજાશે. કેન્દ્રીય દળોની તૈનાતી માટે કલકત્તા હાઈકોર્ટના આદેશ વિરુદ્ધ મમતા સરકાર અને રાજ્ય ચૂંટણી પંચની અરજી કોર્ટે ફગાવી દીધી છે. સુપ્રીમ કોર્ટે કહ્યું કે રાજ્યમાં ચૂંટણી દરમિયાન હિંસાનો જૂનો ઈતિહાસ છે અને રાજ્યમાં પ્રવર્તમાન પરિસ્થિતિને જોતા હાઈકોર્ટે આ આદેશ માત્ર મુક્ત અને નિષ્પક્ષ ચૂંટણી સુનિશ્ચિત કરવાના હેતુથી આપ્યો છે.

બંગાળ સરકારનો વિરોધ

બંગાળ સરકાર વતી એડવોકેટ સિદ્ધાર્થ અગ્રવાલે કહ્યું કે હાઈકોર્ટે રાજ્યના તમામ જિલ્લાઓમાં કેન્દ્રીય દળોની નિમણૂક કરવાનો આદેશ આપ્યો છે. આ આદેશ પરથી એવું લાગી રહ્યું છે કે રાજ્યના તમામ જિલ્લાઓ સંવેદનશીલ છે અને રાજ્યની પોલીસ ચૂંટણી કરાવવા સક્ષમ નથી. પંચાયત ચૂંટણીની તારીખ 8 જુલાઈ છે, પરંતુ હાઈકોર્ટે 48 કલાકમાં કેન્દ્રીય દળોને તૈનાત કરવાનો આદેશ આપ્યો છે.

'બંગાળમાં ચૂંટણી હિંસાનો જૂનો ઈતિહાસ'

સુપ્રીમ કોર્ટે કહ્યું કે 2013 હોય કે 2018, બંગાળમાં ચૂંટણી દરમિયાન હિંસાનો ઈતિહાસ રહ્યો છે. ચૂંટણી કરાવવાની આડમાં હિંસાને મંજૂરી આપી શકાય નહીં. જો લોકોને ઉમેદવારી પત્ર ભરવાની સ્વતંત્રતા પણ ન હોય, તેમની હત્યા થઈ રહી હોય તો મુક્ત અને નિષ્પક્ષ ચૂંટણીનો પ્રશ્ન જ ઊભો થતો નથી. હાઈકોર્ટે હિંસાની આવી તમામ ઘટનાઓને ધ્યાનમાં રાખીને જ આવો આદેશ આપ્યો છે.

SCએ સરકાર અને ચૂંટણી પંચને સવાલો કર્યા

સુપ્રીમ કોર્ટે કહ્યું છે કે રાજ્ય સરકારે અન્ય રાજ્યોમાંથી પણ પોલીસ ફોર્સની માંગ કરી છે. આ પોતે જ દર્શાવે છે કે રાજ્યની પોલીસ ચૂંટણીના સંદર્ભમાં પૂરતી ન હતી. આવી સ્થિતિમાં જો હાઈકોર્ટે કેન્દ્રના ખર્ચે સુરક્ષા દળો તૈનાત કરવાનો આદેશ આપ્યો છે તો આમાં રાજ્ય સરકારને શું વાંધો છે.

સુપ્રીમ કોર્ટે રાજ્ય ચૂંટણી પંચ તરફથી હાજર રહેલા એડવોકેટ મીનાક્ષી અરોરાને કહ્યું કે પંચનું કામ મુક્ત અને ન્યાયી ચૂંટણી સુનિશ્ચિત કરવાનું છે. આવી સ્થિતિમાં વધારાની ફોર્સ અન્ય રાજ્યોની હોય કે કેન્દ્ર સરકારની, તેનાથી તમને શું ફરક પડે છે. મીનાક્ષી અરોરાએ સ્પષ્ટ કર્યું કે હાઈકોર્ટે પોતાના આદેશમાં કહ્યું છે કે ચૂંટણી પંચે કેન્દ્રીય સુરક્ષા દળોની તૈનાતી માટે રાજ્ય સરકારને માંગણી મોકલવી જોઈએ.. આ રાજ્ય ચૂંટણી પંચનું કામ નથી. ચૂંટણી પંચનું કામ બૂથ મુજબના જોખમનું મૂલ્યાંકન કરવાનું છે. બીજું, હાઈકોર્ટે કેટલાક સંવેદનશીલ બૂથને બદલે સમગ્ર જિલ્લામાં કેન્દ્રીય દળોની તૈનાતીનો આદેશ જારી કર્યો છે, તે વ્યવહારુ નથી.

હરીશ સાલ્વેની દલીલ

અરજદાર સુવેન્દુ અધિકારી વતી હરીશ સાલ્વેએ હાઈકોર્ટમાં દલીલ કરી હતી કે જો રાજ્ય સરકાર એવું માની રહી છે કે સેન્ટ્રલ સિક્યોરિટી ફોર્સ 'આક્રમક દળ' છે, તો આ માનસિકતાથી કંઈ થઈ શકે નહીં. રાજ્ય ચૂંટણી પંચ નિષ્પક્ષ રીતે કામ કરે તેવી અપેક્ષા રાખવામાં આવે છે, પરંતુ અહીં તે રાજ્ય સરકાર સાથે મળીને કામ કરી રહ્યું હોય તેવું લાગી રહ્યું છે. રાજ્ય ચૂંટણી પંચ અહીં કેમ અરજદાર છે તે સમજની બહાર છે!
 

Share On Social Media