મારુતિ સુઝુકી પોતાની 16000થી વધુ કાર રિકોલ કરશે, જાણો કારણ
દેશની સૌથી મોટી કાર નિર્માતા કંપની મારુતિ સુઝુકીએ તેની 16,000થી વધુ કાર રિકોલ કરવાની જાણકારી આપી છે.
દેશની સૌથી મોટી કાર નિર્માતા કંપની મારુતિ સુઝુકીએ તેની 16,000થી વધુ કાર રિકોલ કરવાની જાણકારી આપી છે. મારુતિ સુઝુકી ઈન્ડિયાએ 30 જુલાઈ, 2019 અને નવેમ્બર 1, 2019 વચ્ચે ઉત્પાદિત બલેનોના 11,851 એકમો અને વેગનઆરના 4,190 એકમો પાછા બોલાવવાની જાહેરાત કરી હતી. ફ્યુઅલ પંપની મોટરમાં ખરાબીની ફરિયાદ બાદ કંપની આ કારને પરત બોલાવી રહી છે. કંપનીએ કહ્યું છે કે એવી આશંકા છે કે ફ્યુઅલ પંપ મોટરના એક ભાગમાં સંભવિત ખામી છે, જેના કારણે એન્જિનમાં સમસ્યા આવી શકે છે.
મારુતિ સુઝુકીએ જણાવ્યું હતું કે અસરગ્રસ્ત વાહન માલિકો વાજબી સમયની અંદર પાર્ટના ફ્રી રિપ્લેસમેન્ટ માટે મારુતિ સુઝુકી અધિકૃત ડીલર વર્કશોપનો સંપર્ક કરી શકે છે. તાજેતરના સમયમાં કંપની દ્વારા કરવામાં આવેલી આ સૌથી મોટી રિકોલ છે.
જુલાઈ 2023 માં, મારુતિ સુઝુકી ઈન્ડિયાએ જણાવ્યું હતું કે તે 5 જુલાઈ, 2021 અને ફેબ્રુઆરી 15, 2023 ની વચ્ચે ઉત્પાદિત પ્રેસો અને ઈકો મોડલ્સના 87,599 એકમોને રિકોલ કરી રહી છે, જેથી ખામીયુક્ત સ્ટીયરિંગ ટાઈ સળિયાનું નિરીક્ષણ કરી શકાય.
શુક્રવારે કંપનીનો શેર 3.32 ટકાના ઉછાળા સાથે રૂ. 12,304 પર બંધ થયો હતો. તાજેતરની નોંધમાં, CLSAએ જણાવ્યું હતું કે CNG વાહનોના વધારાથી કંપનીને ફાયદો થવાની સંભાવના છે. બ્રોકરેજ અનુસાર, CNG પેસેન્જર વાહનોનો બજાર હિસ્સો નાણાકીય વર્ષ 2024માં 15 ટકાથી વધીને નાણાકીય વર્ષ 2030માં 22 ટકા થઈ જશે.
કંપની EV સેગમેન્ટમાં પણ રૂ. 12,000 કરોડનું રોકાણ કરશે. આ રોકાણ માટે ફાઇનાન્સની વ્યવસ્થા કરવા અંગે શાહે જણાવ્યું હતું કે કંપનીને બહારથી નાણાંની જરૂર પડશે નહીં અને વાહન વ્યવસાય પોતે જ રોકડ એકત્ર કરશે.
New Skoda Compact SUV: સ્કોડા ઓટો ભારતીય બજાર માટે નવી કોમ્પેક્ટ એસયુવી લાવવાની તૈયારી કરી રહી છે, જે સંપૂર્ણપણે નવું મોડલ હશે. તેને આવતા વર્ષે માર્ચ 2025 સુધીમાં લોન્ચ કરવામાં આવી શકે છે. લોન્ચ પહેલા જાણી લો આ નવી સ્કોડા કારમાં શું નવું ઉપલબ્ધ થવા જઈ રહ્યું છે.
New Maruti Swift Launched: ચોથી પેઢીની મારુતિ સુઝુકી સ્વિફ્ટ આખરે ભારતમાં આવી ગઈ છે. હેચબેક કુલ પાંચ વેરિઅન્ટમાં ખરીદી શકાય છે: LXi, VXi, VXi (O), ZXi અને ZXi+.