Murali Sreeshankar Paris Diamond League: ભારતના મુરલી શ્રીશંકરે ઇતિહાસ રચ્યો... ડાયમંડ લીગમાં ત્રીજું સ્થાન હાંસલ કર્યું

ભારતના લાંબા જમ્પર મુરલી શ્રીશંકરે શાનદાર પ્રદર્શન કરીને પેરિસ ડાયમંડ લીગમાં ત્રીજું સ્થાન મેળવ્યું હતું. શ્રીશંકર ડાયમંડ લીગ મીટમાં ટોપ-3માં સામેલ થનાર ત્રીજા ભારતીય છે. લાંબી કૂદ સ્પર્ધામાં પ્રથમ સ્થાન ઓલિમ્પિક ચેમ્પિયન મિલ્ટિયાડીસ ટેન્ટોગ્લુએ જીત્યું હતું.

Murali Sreeshankar Paris Diamond League: ભારતના મુરલી શ્રીશંકરે ઇતિહાસ રચ્યો... ડાયમંડ લીગમાં ત્રીજું સ્થાન હાંસલ કર્યું

ભારતીય ખેલાડી મુરલી શ્રીશંકરે પેરિસ ડાયમંડ લીગમાં ઐતિહાસિક પ્રદર્શન કર્યું છે. શ્રીશંકરે પેરિસ ડાયમંડ લીગની લાંબી કૂદ સ્પર્ધામાં ત્રીજું સ્થાન મેળવ્યું હતું. ડાયમંડ લીગ મીટમાં ટોપ-3માં સ્થાન મેળવનાર શ્રીશંકર ત્રીજા ભારતીય છે. આ પહેલા માત્ર ટોક્યો ઓલિમ્પિકના સુવર્ણ ચંદ્રક વિજેતા નીરજ ચોપરા અને ડિસ્કસ થ્રોઅર વિકાસ ગૌડા જ આ સિદ્ધિ મેળવી શક્યા હતા.

કોમનવેલ્થ ગેમ્સ 2022 સિલ્વર મેડલ વિજેતા મુરલી શ્રીશંકરે તેના ત્રીજા પ્રયાસમાં 8.09નો સર્વશ્રેષ્ઠ કૂદકો માર્યો હતો. ત્રીજા રાઉન્ડ બાદ તે ટોચ પર પણ પહોંચી ગયો હતો, પરંતુ બાદમાં તે ત્રીજા સ્થાને સરકી ગયો હતો. લાંબી કૂદ સ્પર્ધા દરમિયાન વિરુદ્ધ દિશામાંથી ફૂંકાતા જોરદાર પવનને કારણે શ્રીશંકરના પ્રદર્શનને પણ અસર થઈ હતી.
લાંબી કૂદ સ્પર્ધામાં પ્રથમ સ્થાન ઓલિમ્પિક ચેમ્પિયન મિલ્ટિયાડીસ ટેન્ટોગ્લુ (8.13 મીટર) દ્વારા જીતવામાં આવ્યું હતું. વર્લ્ડ ચેમ્પિયનશિપ બ્રોન્ઝ મેડલ વિજેતા સિમોન એહમર (8.11 મીટર) બીજા ક્રમે રહ્યો હતો. ટોક્યો ઓલિમ્પિક્સની બ્રોન્ઝ મેડલ વિજેતા મેકેલ માસોએ 7.83 મીટરના વ્યક્તિગત સર્વશ્રેષ્ઠ પ્રદર્શન સાથે છઠ્ઠું સ્થાન મેળવ્યું હતું.

પેરિસ ડાયમંડ લીગમાં શ્રીશંકરનું પ્રદર્શન

પહેલો પ્રયાસ - 7.79 મી

બીજો પ્રયાસ - 7.94 મી

ત્રીજો પ્રયાસ - 8.09 મી

ચોથો પ્રયાસ - ફાઉલ

5મો પ્રયાસ - 7.99મી

6ઠ્ઠો પ્રયાસ – ફાઉલ
 

Share On Social Media