મુથૂટ માઇક્રોફિન લિમિટેડના આઈપીઓને અગ્રણી બ્રોકરેજ હાઉસ તરફથી સબ્સ્ક્રાઇબની ભલામણ મળી
મુથૂટ માઇક્રોફિન લિમિટેડના આઈપીઓને આનંદ રાઠી, મારવાડી ફાઇનાન્સિયલ સર્વિસિસ, બીપી ઇક્વિટીઝ વગેરે જેવા અગ્રણી બ્રોકરેજ હાઉસ તરફથી સબસ્ક્રાઇબની ભલામણ મળી છે.
મુથૂટ માઇક્રોફિન લિમિટેડના આઈપીઓને અગ્રણી બ્રોકરેજ હાઉસ તરફથી સબ્સ્ક્રાઇબની ભલામણ મળી
આનંદ રાઠીના અહેવાલમાં જણાવાયું છે કે, “કંપની પાસે સમગ્ર ભારતમાં હાજરી સાથે બજાર નેતૃત્વ છે. ઉપરાંત, કંપની પ્રતિષ્ઠિત મુથૂટ પપ્પાચન જૂથનો એક ભાગ છે. અપર પ્રાઇસ બેન્ડ પર કંપનીનું મૂલ્ય ઇક્વિટી શેરના ઇશ્યૂ પછી રૂ. 49,608 મિલિયનની માર્કેટ કેપ સાથે 2.2X ના P/BV છે. અમે માનીએ છીએ કે કંપનીનું મૂલ્યાંકન વાજબી કિંમતનું છે અને આઈપીઓ માટે “સબ્સ્ક્રાઇબ-લોંગ ટર્મ” રેટિંગની ભલામણ કરીએ છીએ.”
મારવાડી ફાઇનાન્શિયલ સર્વિસિસના અહેવાલમાં જણાવાયું છે કે, “અમે આ આઈપીઓને “સબ્સ્ક્રાઇબ” રેટિંગ આપીએ છીએ કારણ કે કંપની પાસે મજબૂત રિસ્ક મેનેજમેન્ટ ફ્રેમવર્ક અને મજબૂત બ્રાન્ડ રિકોલ અને મુથૂટ પપ્પાચન ગ્રૂપ સાથે સિનર્જી સાથે ગ્રામીણ કેન્દ્રિત કામગીરી છે. ઉપરાંત, તે તેના ક્ષેત્રની અન્ય કંપનીઓની તુલનામાં વાજબી મૂલ્યાંકન પર ઉપલબ્ધ છે.”
બીપી ઇક્વિટીઝના અહેવાલમાં જણાવાયું હતું કે, “ધિરાણકર્તા ફ્રેશ ઇક્વિટી શેર ઇશ્યૂની ચોખ્ખી આવકનો ઉપયોગ તેના ટિયર-1 મૂડી આધારને વધારવા માટે કરશે, તેની મૂડી પર્યાપ્તતા વધશે અને સ્થિર લીવરેજ સ્થિતિ તરફ દોરી જશે. 2.3x ના વર્તમાન P/BV મલ્ટિપલ પર, અમે માનીએ છીએ કે કંપનીની વેલ્યુ એકદમ યોગ્ય છે અને રોકાણકારોને મધ્યમથી લાંબા ગાળાના પરિપ્રેક્ષ્યમાં “સબ્સ્ક્રાઇબ” કરવાની સલાહ આપીએ છીએ.”
કેનેરા બેંક સિક્યોરિટીઝે જણાવ્યું હતું કે, “કંપનીએ મજબૂત યિલ્ડ્સ સાથે નાણાંકીય વર્ષ 2021થી નાણાંકીય વર્ષ 2023 સુધી ગ્રોસ લોન પોર્ટફોલિયોના સંદર્ભમાં 36%ની મજબૂત બે વર્ષની સીએજીઆર વૃદ્ધિ દર્શાવી છે. માર્ચ 2023 સુધીમાં જીએનપીએ રેશિયો 2.97% અને એનએનપીએ રેશિયો 0.60% સાથે મોરેટોરિયમ દૂર કર્યા પછીના વર્ષોમાં એસેટની ગુણવત્તામાં સુધારો થયો છે. સારા ઋણ મિક્સના લીધે ચોખ્ખા વ્યાજ માર્જિન નાણાંકીય વર્ષ 2023માં 11.60%થી વધીને નાણાંકીય વર્ષ 2024ના પ્રથમ અર્ધવાર્ષિક ગાળા 12.39% સુધી વધ્યા છે. ખર્ચ-આવકના ગુણોત્તરમાં સુધારો અને વધુ સારા ઋણ મિશ્રણને કારણે નફો નાણાંકીય વર્ષ 2021માં 7.1 કરોડથી વધીને નાણાંકીય વર્ષ 2023માં 163.9 કરોડ થયો છે. સપ્ટેમ્બર 2023 સુધીમાં મૂડી પર્યાપ્તતા ગુણોત્તર 20.46% છે, જે માઇક્રો ફાઇનાન્સના વધતા પ્રવેશને ટેકો આપવા માટે મજબૂત છે. આ ઇશ્યૂ 2.6x ના P/BVPS પર ઉપલબ્ધ છે જે ક્ષેત્રની અન્ય સાથી કંપનીઓની તુલનામાં વાજબી કિંમતે લાગે છે. આથી અમે લિસ્ટિંગ પર લાભ મેળવવા માટે ઇશ્યૂની ભલામણ કરીએ છીએ.”
Share On Social Media
અન્ય સમાચારો પણ છે...
Stock Market : IT શેર્સની મજબૂતાઈથી શેરબજારમાં ઉછાળો, સેન્સેક્સ 566 પોઈન્ટ વધ્યો
ભારતીય શેરબજાર માટે બુધવારનું ટ્રેડિંગ સત્ર નફાકારક રહ્યું હતું. બજારના મુખ્ય સૂચકાંકોમાં ખરીદી જોવા મળી. ટ્રેડિંગના અંતે સેન્સેક્સ 566 પોઈન્ટ અથવા 0.73 ટકા વધીને 76,404 પર અને નિફ્ટી 130 પોઈન્ટ અથવા 0.57 ટકા વધીને 23,155 પર હતો.
Share Market Today: શેરબજારમાં આજે સપાટ શરૂઆત, સેન્સેક્સ 77000ને પાર
ભારતીય શેરબજાર મંગળવારે સપાટ નોંધ પર ખુલ્યું હતું, જેમાં મુખ્ય સૂચકાંકો મિશ્ર રીતે ટ્રેડ થતા હતા. સવારે 9:33 વાગ્યા સુધીમાં સેન્સેક્સ 116 પોઈન્ટ અથવા 0.19% ઘટીને 76,957 પર હતો, જ્યારે નિફ્ટી 18 પોઈન્ટ અથવા 0.08% વધીને 23,363 પર હતો.
Petrol Diesel Price: આજે ફરી પેટ્રોલ અને ડીઝલના ભાવમાં થયો ફેરફાર
વૈશ્વિક બજારમાં ક્રૂડ ઓઈલના ભાવમાં સતત વધઘટ જોવા મળી રહી છે. 21 જાન્યુઆરી, 2025ના રોજ, WTI ક્રૂડ ઓઈલ 1.46% ઘટીને $76.74 પ્રતિ બેરલ થઈ ગયું, જ્યારે બ્રેન્ટ ક્રૂડ 0.02% વધીને $80.17 પ્રતિ બેરલ થઈ ગયું. આ ફેરફારોને કારણે ભારતના વિવિધ શહેરોમાં પેટ્રોલ અને ડીઝલના ભાવમાં ફેરફાર થયો.
