દિવ્યાંગ મતદારો માટે ખાસ SAKSHAM એપ્લિકેશન સહિત વિવિધ સુવિધા ઉપલબ્ધ કરાવતું નર્મદા ચૂંટણી તંત્ર
નર્મદા જિલ્લા ચૂંટણી અધિકારીશ્રી અને જિલ્લા કલેક્ટર શ્વેતા તેવતિયાના માર્ગદર્શન હેઠળ ચૂંટણી તંત્ર ચૂંટણી પ્રક્રિયા શાંતિપૂર્ણ માહોલમાં પૂર્ણ થાય તે માટે સુદ્રઢ પ્રયાસો આદર્યા છે.
રાજપીપલા : લોકસભા સામાન્ય ચૂંટણી-૨૦૨૪ અંતર્ગત નર્મદા જિલ્લા ચૂંટણી
અધિકારીશ્રી અને જિલ્લા કલેક્ટર શ્વેતા તેવતિયાના માર્ગદર્શન હેઠળ ચૂંટણી તંત્ર ચૂંટણી પ્રક્રિયા શાંતિપૂર્ણ માહોલમાં પૂર્ણ થાય તે માટે સુદ્રઢ પ્રયાસો આદર્યા છે. જિલ્લાના દિવ્યાંગ, ૮૫ વર્ષથી વધુ વયના, ૧૮-૧૯ અને ૨૦-૨૯ વર્ષની વયજૂથના તેમજ સર્વિસ સાથે સંકળાયેલા મતદારો પોતાના અમૂલ્ય મતાધિકારનો અસરકારક ઉપયોગ કરીને લોકશાહીના આ મહાપર્વમાં પોતાની ઉત્સાહભેર ભાગીદારી નોંધાવે તે માટે નર્મદા ચૂંટણી તંત્ર દ્વારા વિવિધ સુવિધાઓ ઉભી કરવામાં આવી રહી છે. આ વખતે પ્રથમ વખત મતદાન કરતા નવયુવા મતદારોમાં પણ ઉત્સાહ જોવા મળી રહ્યો છે અને તંત્ર દ્વારા પણ ખાસ પ્રોત્સાહિત કરવામાં આવી રહ્યાં છે.
નાંદોદ અને દેડિયાપાડા મતવિસ્તારમાં ૧૮૫૩ અને ૧૫૭૫ મળીને કુલ નર્મદા જિલ્લામાં કુલ ૩૪૨૮ દિવ્યાંગ મતદારો નોંધાયા છે. દિવ્યાંગ મતદારો મતદાન મથકે સ્વયંસેવકોની સુવિધા સહિત SAKSHAM APPના માધ્યમથી એડવાન્સમાં વ્હીલચેરની જરૂરિયાત પણ રજિસ્ટર કરાવી શકશે. ૮૫ થી વધુ વયના મતદારોમાં નાંદોદ અને દેડિયાપાડા મતવિસ્તારમાં ૧૭૧૨ અને ૧૩૭૦ મળીને કુલ ૩૦૮૨ મતદારો છે. ઉપરાંત, ૧૮-૧૯ વર્ષના નવા મતદારોની સંખ્યા નાંદોદ અને દેડિયાપાડા મતવિસ્તારમાં ૬૮૪૦ અને ૭૮૫૧ મળીને કુલ ૧૪૬૯૧ છે. વધુમાં ૨૦-૨૯ વર્ષના યુવાનોની સંખ્યા નાંદોદમાં ૫૦૬૫૦ અને દેડિયાપાડામાં ૮૯૩૫૪ એમ મળીને કુલ ૧૧૦૦૦૪ છે.
અમદાવાદ સ્થિત ક્યોર સાઇટ લેસર સેન્ટર (CSLC)રિફ્રેક્ટિવ લેસર સર્જરીનાં ક્ષેત્રમાં નવીનતમ ટેકનોલોજીનો ઉપયોગ કરે છે. CSLC વિશ્વનું એક માત્ર લેસર આય સેન્ટર છે, જે વિશ્વનાં પાંચ શ્રેષ્ઠ લેસર મશીન ધરાવે છે.
પશ્ચિમ રેલવે દ્વારા મુસાફરોની સુવિધાને ધ્યાનમાં રાખીને, અમદાવાદ મંડળમાંથી ચાલતી/પસાર થતી ચાર જોડી ટ્રેનોમાં અસ્થાયી રૂપે વધારાના કોચ ઉમેરશે. જેની વિગતો નીચે મુજબ છે.
જાપાનની સેમિકન્ડક્ટર સેક્ટરની કંપનીઝ ગુજરાતમાં આવવા ઉત્સુક. ઓટોમોબાઇલ ઉપરાંત રિન્યુએબલ એનર્જી-ગ્રીન એમોનિયા-ઇન્ફ્રાસ્ટ્રક્ચર પ્રોજેક્ટ્સમાં ગુજરાત સાથે રોકાણો વધારવા અંગે પરામર્શ.