નર્મદા જિલ્લાનું પ્રથમ લીગલ ગાર્ડીયનશીપ પ્રમાણપત્ર દિવ્યાંગ દયારામ વસાવાના પરિવારજનોને એનાયત
કમિટી દ્વારા નિવાસી અધિક કલેક્ટરશ્રી સી.એ.ગાંધીના હસ્તે નર્મદા જિલ્લાનું પ્રથમ લીગલ ગાર્ડીયનશીપ પ્રમાણપત્ર જિલ્લાના દિવ્યાંગ શ્રી દયારામ શાંતિલાલ વસાવાના માતા તથા ભાઈને એનાયત કરીને લીગલ ગાર્ડીયન તરીકેની ફરજ બજાવવા માટેની મંજૂરી આપવામાં આવી હતી.
નર્મદા જિલ્લાનું પ્રથમ લીગલ ગાર્ડીયનશીપ પ્રમાણપત્ર દિવ્યાંગ દયારામ વસાવાના પરિવારજનોને એનાયત
નર્મદા જિલ્લા કલેક્ટર શ્રીમતી શ્વેતા તેવતિયાના માર્ગદર્શન હેઠળ નિવાસી અધિક કલેક્ટરશ્રી સી.એ.ગાંધીના અધ્યક્ષસ્થાને તાજેતરમાં નેશનલ ટ્રસ્ટ એક્ટ, ૧૯૯૯ હેઠળ કાર્યરત લોકલ લેવલ કમિટીની ત્રિમાસિક બેઠક યોજાઈ હતી.
આ બેઠકમાં કમિટી દ્વારા નિવાસી અધિક કલેક્ટરશ્રી સી.એ.ગાંધીના હસ્તે નર્મદા જિલ્લાનું પ્રથમ લીગલ ગાર્ડીયનશીપ પ્રમાણપત્ર જિલ્લાના દિવ્યાંગ શ્રી દયારામ શાંતિલાલ વસાવાના માતા તથા ભાઈને એનાયત કરીને લીગલ ગાર્ડીયન તરીકેની ફરજ બજાવવા માટેની મંજૂરી આપવામાં આવી હતી.
ભારત સરકારશ્રીના સામાજિક ન્યાય અને અધિકારીતા વિભાગ હેઠળના નેશનલ ટ્રસ્ટ એક્ટ હેઠળ આવરી લીધેલ માનસિક મંદતા, સેરેબલ પાલ્સી, ઓટીઝમ અને મલ્ટીપલ દિવ્યાંગતા માટે જિલ્લા સ્તરની લોકલ લેવલ કમિટી દ્વારા દિવ્યાંગ વ્યક્તિને જીવનના વિવિધ ક્ષેત્રોમાં હકિકતો અને સંજોગોના આધારે ભૌતિક, તબીબી અને કાનુની પ્રતિનિધિત્વ માટે તેમના માતા-પિતા અથવા તેમના સગા સંબંધીઓની લીગલ ગાર્ડીયનશીપ મંજૂર કરે છે. જેથી દિવ્યાંગ વ્યક્તિને લોન કન્સેશન, રાજ્ય સરકાર ડિસેબિલિટી પેન્શન, બેન્ક એકાઉન્ટ/ બેન્કિંગ વ્યવહાર/ પોસ્ટ ઓફિસ એકાઉન્ટ ખોલવા માટે વાલીપણા તરીકેની ફરજ બજાવવા મદદરૂપ થઈ શકે છે.
આ પ્રસંગે ઇન્ચાર્જ જિલ્લા સમાજ સુરક્ષા અધિકારીશ્રી બી. જે. પરમાર, જિલ્લા બાળ સુરક્ષા અધિકારીશ્રી ચેતન પરમાર, નેશનલ ટ્રસ્ટ એક્ટ હેઠળ રજીસ્ટ્રર થયેલ સંસ્થા અસ્મિતા વિકાસ કેન્દ્રના પ્રતિનિધિશ્રીઓ સહિત સંબંધિત વિભાગના અધિકારીશ્રી-કર્મચારીશ્રીઓ ઉપસ્થિત રહ્યાં હતા.
Share On Social Media
અન્ય સમાચારો પણ છે...
ઉનાળામાં વીજ વપરાશ વધે તે પૂર્વે પગલાં લેવા માર્ગ-મકાન વિભાગના ઉચ્ચ અધિકારીઓને રાજ્યપાલનું માર્ગદર્શન
વીજળીની બચતને લોકો પોતાનો ધર્મ સમજીને પ્રમાણિકતાપૂર્વક પોતાનું કર્તવ્ય નિભાવશે તો બચાવેલી ઉર્જાનો વિકાસમાં, રાષ્ટ્ર નિર્માણમાં સદુપયોગ કરી શકાશે. વીજળીની બચતને આદત બનાવીએ : રાજ્યપાલ
ગુજરાત રાજ્ય બાળ અધિકાર સંરક્ષણ આયોગ દ્વારા બાળ અધિકારોના ભંગ અંગે ત્રણ કેસોમાં suo moto કાર્યવાહી હાથ ધરાઈ
બાળ આયોગના અધ્યક્ષ ધર્મિષ્ઠાબેન ગજ્જરે જણાવ્યું છે કે,બાળકોની સુરક્ષા અને તેમના અધિકારોનું સંરક્ષણ રાજ્ય સરકાર અને સમાજની પ્રાથમિક જવાબદારી છે જે અંતર્ગત ગુજરાત રાજ્ય બાળ અધિકાર સંરક્ષણ આયોગ દ્વારા બાળ અધિકારો ના ભંગ અંગે "suo moto" કાર્યવાહી હાથ ધરીને જવાબદારો સામે ત્વરિત કાર્યવાહી કરવા સંબંધિતોને સૂચના આપવામાં આવી છે.
વ્હાલી દીકરી યોજના હેઠળ વર્ષ ૨૦૨૪માં સુરેન્દ્રનગર જિલ્લાની ૧,૫૯૮ દીકરીઓને ૧૭.૫૭ કરોડથી વધુની સહાય મંજૂર કરાઈ
વિધાનસભા ગૃહ ખાતે રાજ્ય મંત્રી પ્રફુલભાઈ પાનશેરિયાએ જણાવ્યું હતું કે, ગુજરાતની નારીશક્તિ શિક્ષણ મેળવીને સન્માનપૂર્વક જીવન જીવી શકે તે માટે રાજ્ય સરકારે ચિંતા કરીને દીકરીઓના ભણતર માટે “વ્હાલી દીકરી યોજના” અમલમાં મૂકી હતી.
