ઝડપથી અગ્રેસર Grew એનર્જીની વૃદ્ધિ માટે પીએલઆઇની ફાળવણી થઈ

ભારતમાં 11 રિન્યૂએબલ એનર્જી કંપનીઓ પૈકીની એક અને ગુજરાતમાંથી ફક્ત એક કંપની, Grew (ગ્રૂ) એનર્જી પ્રાઇવેટ લિમિટેડ પીએલઆઈ યોજના, ટ્રેન્ચ IIની W+C+M કેટેગરી અંતર્ગત એક સફળ બિડર બની હતી

ઝડપથી અગ્રેસર Grew એનર્જીની વૃદ્ધિ માટે પીએલઆઇની ફાળવણી થઈ

ભારતમાં 11 રિન્યૂએબલ એનર્જી કંપનીઓ પૈકીની એક અને ગુજરાતમાંથી ફક્ત એક કંપની, Grew (ગ્રૂ) એનર્જી પ્રાઇવેટ લિમિટેડ પીએલઆઈ યોજના, ટ્રેન્ચ IIની W+C+M કેટેગરી અંતર્ગત એક સફળ બિડર બની હતી. બાસ્કેટ II અંતર્ગત Grewને રૂ. 566.71 કરોડની ફાળવણી થઈ છે અને ઉત્પાદનની ક્ષમતા 2000 મેગાવોટ માટે થઈ છે. ઉત્પાદન સાથે સંકળાયેલી પ્રોત્સાહન યોજના (PLI)ના ટ્રેન્ચ-II અતિ કાર્યદક્ષ સોલર પીવી મોડ્યુલ્સ માટે કુલ રૂ. 13,937.575 કરોડનો ખર્ચ ધરાવે છે અને કુલ સ્થાનિક સોલર પીવી મોડ્યુલ ઉત્પાદન ક્ષમતા 39,600 મેગાવોટ ધરાવે છે.

અત્યારે ભારત પીવી મોડ્યુલ્સ માટે લગભગ 90 ટકા સોલર ઘટકો માટે આયાત પર નિર્ભર છે. સરકારના વર્ષ 2030 અને વર્ષ 2070ના લક્ષ્યાંકો સફળતાપૂર્વક હાંસલ કરવા સોલર મોડ્યુલ્સ અને ઘટકોની માગ અને પુરવઠામાં આ નોંધપાત્ર ગેપ સ્પષ્ટપણે દર્શાવે છે. ભારતીય પીવી મોડ્યુલ અને સોલર ઘટકોનું ઉત્પાદન આ ગેપ દૂર કરવામાં ચાવીરૂપ ભૂમિકા ભજવશે.

GREWનો ઉદ્દેશ પીવી મોડ્યુલ્સ માટે સ્વદેશી સોલર ઘટકો અતિ વાજબી સ્પર્ધાત્મક મૂલ્ય પર પ્રદાન કરીને આ ગેપને ઘટાડવાનો છે. GREWને આશા છે કે, સસ્ટેઇનેબિલિટી, વિશ્વસનિયતા અને જવાબદારી દ્વારા નિર્ધારિત સાતત્યપૂર્ણ વૃદ્ધિને વેગ આપીને ભારત રિન્યૂએબલ એનર્જી તરફ ‘વધારે અને ઝડપ’થી અગ્રેસર થશે. કંપનના વિઝન પર Grew એનર્જી પ્રાઇવેટ લિમિટેડના ડિરેક્ટર શ્રી વિનય થડાનીએ કહ્યું હતું કે, “અમે કંપનીની સાથે સંપૂર્ણ ઉદ્યોગ માટે પણ રોમાંચક યોજનાઓ ધરાવીએ છીએ. પીએલઆઇની ફાળવણી સાથે તમે સોલર ક્ષેત્રમાં સતત વૃદ્ધિ જોશો અને સાથે સાથે Grewની વૃદ્ધિ પણ જોવા મળશે. ભારતના રિન્યૂએબલ ઉત્પાદન ક્ષેત્ર માટે આગામી ત્રણ વર્ષ મહત્વપૂર્ણ છે. યોજનાઓના ઉચિત અમલીકરણ અને ઉત્પાદક કંપનીઓના ઉચિત પ્રયાસો સાથે ભારત સોલર પીવી મોડ્યુલ્સ અને અન્ય ઘટકોના ઉત્પાદન માટે દુનિયામાં સારું સ્થાન મેળવવાની સંભવિતતા ધરાવે છે.”

આગામી ચાર વર્ષનાં ગાળા દરમિયાન કંપનીની 4 ગીગાવોટ પીવી મોડ્યુલ્સ, 3 ગીગાવોટ પીવી સેલ અને દરરોજ 300 ટન ટેમ્પર્ડ ગ્લાસની ઉત્પાદનક્ષમતાને વેગ મળશે. શરૂઆતમાં કંપનીનું ઉત્પાદન રાજસ્થાન રાજ્યમાં એના પ્રથમ 2 ગીગાવોટના સંપૂર્ણ ઓટોમેટિક યુનિટ સાથે સજ્જ પ્લાન્ટમાં થશે, તો અન્ય ઉત્પાદન સુવિધાઓ સમગ્ર ભારતમાં તબક્કાવાર રીતે આકાર લેશે.
શ્રી થડાણીએ ઉમેર્યું હતું કે, “અમે અમારા ઉત્પાદનો એકમો કાર્યરત થવાની સાથે સોલર પીવી મોડ્યુલ્સ અને અન્ય ઘટકોના ઉત્પાદનના રાષ્ટ્રીય આંકડામાં ફેરફાર જોઇશું. અમે સપ્ટેમ્બર, 2023થી ઉત્પાદન કામગીરી શરૂ કરીશું અને આગામી 3થી 4 વર્ષમાં અમે સોલર એનર્જીની સંપૂર્ણ ઇકોસિસ્ટમ માટે જરૂરી ઘટકોના ઉત્પાદનને આવરી લઇશું.” 

કંપનીએ સોલર માળખાગત સુવિધાની સ્થાપનામાં પણ પ્રવેશ કર્યો છે અને એની પાસે 50 મેગાવોટના વિવિધ પ્રોજેક્ટ છે. લેટેસ્ટ આંકડા મુજબ, ભારતમાં સોલર મોડ્યુલ્સની આયાત નાણાકીય વર્ષ 2022-23ના બીજા ત્રિમાસિક ગાળાની સરખામણીમાં નાણાકીય વર્ષ 2022-23ના ત્રીજા ત્રિમાસિક ગાળામાં 64 ટકા સુધી ઘટ્યું છે. આ દિશામાં ભારતને આત્મનિર્ભર બનાવવા સ્થાનિક કંપનીઓનું ઉત્પાદન પૂર્ણ કરવાની સાથે ભારતને સોલર ઉપકરણનો ચોખ્ખો નિકાસકાર બનાવવા કંપનીઓએ અન્ય મહત્વપૂર્ણ ભાગોનું ઉત્પાદન કરવા પ્રયાસો વધારવા પડશે.

Share On Social Media