પીએમ મોદીએ સંદેશખાલી પીડિતા રેખા પાત્રાને ફોન કર્યો, બસીરહાટથી આપી ટિકિટ

પીએમ નરેન્દ્ર મોદીએ મંગળવારે બસીરહાટના બીજેપી ઉમેદવાર અને સંદેશખાલી પીડિતોમાંથી એક રેખા પાત્રાને ફોન કર્યો હતો. તેમણે તેમની સાથે પ્રચારની તૈયારીઓ, લોકોમાં ભાજપને સમર્થન અને અન્ય મુદ્દાઓ વિશે વાત કરી.

પીએમ મોદીએ સંદેશખાલી પીડિતા રેખા પાત્રાને ફોન કર્યો, બસીરહાટથી આપી ટિકિટ

નવી દિલ્હી : પીએમ નરેન્દ્ર મોદીએ મંગળવારે બસીરહાટના બીજેપી ઉમેદવાર અને સંદેશખાલી પીડિતોમાંથી એક રેખા પાત્રાને ફોન કર્યો હતો. તેમણે તેમની સાથે પ્રચારની તૈયારીઓ, લોકોમાં ભાજપને સમર્થન અને અન્ય મુદ્દાઓ વિશે વાત કરી. પીએમએ તેમને શક્તિ સ્વરૂપા ગણાવ્યા. રેખા પાત્રાએ સંદેશખાલીમાં મહિલાઓને પડતી મુશ્કેલીઓની વિગતો આપી હતી.

પીએમ મોદીએ રેખા પાત્રાને કહ્યું કે તમે એક મોટી જવાબદારી નિભાવવા જઈ રહ્યા છો, જેના જવાબમાં બીજેપી ઉમેદવારે કહ્યું કે લાગે છે કે મારા માથા પર રામજીનો હાથ છે. ત્યારે પીએમ મોદીએ પણ કહ્યું કે લાગે છે કે મારા મા-બાપના હાથ મારા માથા પર છે. પીએમ મોદી સાથેની વાતચીત દરમિયાન રેખાએ કહ્યું, “દુષ્કર્મના ગુનેગારોને સજા મળવી જોઈએ. અમે મતદાન કરી શકીશું. અમારી સાથે આવવા બદલ તમારો ખૂબ ખૂબ આભાર.”

પીએમ મોદીએ રેખાને કહ્યું, “તમારી વાત ચૂંટણી પંચ સુધી પહોંચશે. ચૂંટણી પંચ તમારી પીડાને સમજશે કે તમે 2011થી મતદાન કર્યું નથી. એવું લાગે છે કે અમે તમને અમારા ઉમેદવાર બનાવીને એક મહાન કામ કર્યું છે. તમે ચોક્કસ દિલ્હી પહોંચી જશો અને ચૂંટણી જીતશો. અમારી લડાઈ સમગ્ર બંગાળના સન્માન માટે છે. પશ્ચિમ બંગાળની સરકાર અમારી યોજનાઓના નામ બદલી નાખે છે અને તેનો અમલ પણ થવા દેતી નથી.

Share On Social Media