રશિયાના દાગેસ્તાનમાં ફરી આતંક, ગેસ સર્વિસ સ્ટેશનમાં વિસ્ફોટ બાદ આગમાં 13 લોકોના મોત

રશિયાના દાગેસ્તાનમાં ફરી જોરદાર બ્લાસ્ટ થયો છે. આમાં ઓછામાં ઓછા 13 લોકોના મોત થયા છે. ભારે જહેમત બાદ આગને કાબુમાં લેવામાં આવી છે. આતંકી હુમલાની શક્યતા વ્યક્ત કરવામાં આવી છે.

રશિયાના દાગેસ્તાનમાં ફરી આતંક, ગેસ સર્વિસ સ્ટેશનમાં વિસ્ફોટ બાદ આગમાં 13 લોકોના મોત

મોસ્કોઃ રશિયાનું દાગેસ્તાન ફરી એકવાર જોરદાર વિસ્ફોટોથી હચમચી ગયું છે. અહીંના એક ગેસ સ્ટેશનમાં થયેલા સૌથી ભયાનક વિસ્ફોટમાં ઓછામાં ઓછા 13 લોકોના મોત થયા છે. જ્યારે અનેક લોકો ઘાયલ થવાની આશંકા છે. આ વિસ્ફોટ એવા સમયે થયો જ્યારે ગેસ સર્વિસ સ્ટેશન પર કર્મચારીઓ તેમના કામમાં વ્યસ્ત હતા. રશિયન અધિકારીઓએ શનિવારે આ માહિતી આપી હતી. રશિયાના કટોકટી મંત્રાલયે જણાવ્યું હતું કે શુક્રવારે પ્રાદેશિક રાજધાની મખાચકલાની બહારના એક સર્વિસ સ્ટેશનમાં વિસ્ફોટને કારણે એક વિશાળ આગ લાગી હતી, જે સ્ટેશનની કેન્ટીનમાં ફેલાઈ ગઈ હતી.

આગ કાબૂમાં આવી ત્યાં સુધીમાં 13 લોકોના મોત થયા હતા. મંત્રાલયના જણાવ્યા અનુસાર મૃતકોમાં બે બાળકો પણ સામેલ છે. ભારે જહેમત બાદ આગને કાબુમાં લેવામાં આવી છે. મખાચકલા મોસ્કોથી લગભગ 1,600 કિલોમીટર દક્ષિણમાં છે. પ્રાદેશિક અધિકારીઓએ જણાવ્યું હતું કે ફોજદારી તપાસ શરૂ કરવામાં આવી હતી અને શનિવારને દાગેસ્તાનમાં શોકનો દિવસ જાહેર કરવામાં આવ્યો હતો. ગયા ઓગસ્ટમાં દાગેસ્તાનના એક ગેસ સ્ટેશન પર થયેલા પ્રચંડ વિસ્ફોટમાં 35 લોકો માર્યા ગયા હતા અને 115 થી વધુ ઘાયલ થયા હતા.

આતંકવાદી હુમલાની આશંકા

રશિયાને આશંકા છે કે આ એક આતંકવાદી હુમલો છે, જે દુશ્મનો દ્વારા કરવામાં આવ્યો છે. રશિયન સુરક્ષા એજન્સીઓએ ઘટનાની તપાસ શરૂ કરી દીધી છે. પુરાવા અને નમૂનાઓ એકત્ર કરવા માટે ફોરેન્સિક ટીમને ઘટના સ્થળે મોકલવામાં આવી છે. હજુ સુધી વિસ્ફોટનું કારણ જાણવા મળ્યું નથી. પરંતુ અચાનક થયેલા વિસ્ફોટને કારણે આતંકી હુમલાની આશંકા છે.

Share On Social Media