સંજુ સેમસને કારકિર્દીની પ્રથમ સદી ફટકારીને બધાને આપ્યો જડબાતોડ જવાબ
સંજુ સેમસન છેલ્લી મેચમાં કોઈ મોટો સ્કોર કરી શક્યો ન હતો અને આવી સ્થિતિમાં ટીમમાં તેના ચાલુ રહેવા પર સવાલો ઉઠી રહ્યા હતા. ત્યારપછી છેલ્લી ODIમાં જ્યારે ટીમ ઈન્ડિયા મુશ્કેલ પરિસ્થિતિમાં ફસાઈ ગઈ હતી, ત્યારે સેમસને પોતાનું કૌશલ્ય બતાવ્યું અને કારકિર્દીની પ્રથમ સદી ફટકારીને બધાને જડબાતોડ જવાબ આપ્યો.
લાંબા સમયથી ટીમ ઈન્ડિયામાં પોતાનું સ્થાન નિશ્ચિત કરવા માટે સંઘર્ષ કરી રહેલા સંજુ સેમસને આખરે જબરદસ્ત ઈનિંગ રમીને પસંદગીકારોની સામે પોતાનો દાવો દાખવ્યો છે. સંજુએ સાઉથ આફ્રિકા સામેની ત્રીજી વનડે મેચમાં પોતાની આંતરરાષ્ટ્રીય કારકિર્દીની પ્રથમ સદી ફટકારી હતી. ત્રીજા નંબરે બેટિંગ કરવા આવેલા સંજુએ ટીમ ઈન્ડિયાને ખરાબ શરૂઆતથી બચાવી હતી અને તિલક વર્મા સાથે સદીની મજબૂત ભાગીદારી કરી હતી. ત્યારબાદ 44મી ઓવરમાં સંજુએ પોતાની પ્રથમ સદી પૂરી કરી અને આંતરરાષ્ટ્રીય ક્રિકેટમાં તેની આશા જીવંત રાખી.
સેમસને પાર્લના બોલેન્ડ પાર્ક ખાતે ગુરુવારે 21 ડિસેમ્બરે શ્રેણીની ત્રીજી મેચમાં તેની લાંબી રાહનો અંત કર્યો. આ મેચ પહેલા સીરીઝ 1-1 થી બરાબર હતી અને આવી સ્થિતિમાં ટીમ ઈન્ડિયાને છેલ્લી મેચ જીતવા માટે મજબૂત પ્રદર્શનની જરૂર હતી. જો કે ખરાબ શરૂઆત બાદ ત્રીજા નંબરે બેટિંગ કરવા આવેલા સેમસને આ તકનો ફાયદો ઉઠાવ્યો અને પોતાની સદી ફટકારી ટીમ ઈન્ડિયાને મુશ્કેલીમાંથી બહાર કાઢી.
2015માં આંતરરાષ્ટ્રીય ક્રિકેટમાં પદાર્પણ કરનાર સેમસન હંમેશા નિશાના પર રહ્યો છે કારણ કે તે તકોનો ફાયદો ઉઠાવતો નથી. આ કારણોસર તે સતત પોતાનું સ્થાન પાકી કરી શક્યો નહીં. આ વખતે પણ સ્થિતિ એવી જ જોવા મળી હતી કારણ કે તે આ શ્રેણીની બીજી મેચમાં સસ્તામાં આઉટ થયો હતો. આવી સ્થિતિમાં તેમના માટે આ સ્પર્ધા 'કરો યા મરો'ની સ્થિતિ હતી. આખરે ભારતીય બેટ્સમેને પ્રથમ વખત પોતાની ક્ષમતા બતાવી અને સદી ફટકારી. સંજુએ ભારતીય ઇનિંગ્સની 44મી ઓવરમાં પોતાની સદી પૂરી કરી હતી. અહીં સુધી પહોંચવા માટે તેણે 110 બોલનો સામનો કર્યો હતો.
જોકે, સેમસન છેલ્લી ઓવરોમાં રનરેટ વધારવાના પ્રયાસમાં આઉટ થયો હતો. સેમસને 114 બોલમાં 108 રન બનાવ્યા જેમાં 6 ફોર અને 3 સિક્સ સામેલ હતી. સેમસનની આંતરરાષ્ટ્રીય કારકિર્દીની આ 40મી મેચ હતી. આ પહેલા તે માત્ર 4 અડધી સદી ફટકારી શક્યો હતો. આ ઈનિંગ દરમિયાન સેમસને તિલક વર્મા સાથે 116 રનની ભાગીદારી કરી હતી, જ્યારે આ પહેલા તેણે કેપ્ટન કેએલ રાહુલ સાથે પણ 52 રનની ભાગીદારી કરી હતી. આ ઇનિંગ્સ અને ભાગીદારીના આધારે ટીમ ઇન્ડિયાએ 50 ઓવરમાં 8 વિકેટ ગુમાવીને 296 રન બનાવ્યા હતા.
ટીમ ઈન્ડિયાની ફાઈનલ હાર બાદ ડેવિડ મિલરે ઈન્સ્ટાગ્રામ પર એક સ્ટોરી પોસ્ટ કરી છે. જ્યાં તેણે એક મોટી વાત કહી છે.
Olympics 2024: પેરિસમાં 26 જુલાઈથી રમતગમતનો મહાકુંભ શરૂ થવા જઈ રહ્યો છે, જેમાં વિશ્વભરના ખેલાડીઓ ભાગ લેશે. આ વખતે પેરિસ ઓલિમ્પિકમાં ભારતીય ચાહકો પણ તેમના ખેલાડીઓ વધુ મેડલ જીતે તેવી અપેક્ષા રાખી રહ્યા છે.
IND vs ZIM: ભારતીય ટીમ હવે ઝિમ્બાબ્વે સામે T20 શ્રેણી રમવા માટે તૈયાર છે. તેનું શિડ્યુલ પહેલેથી જ બહાર પાડવામાં આવ્યું હતું. આ સાથે જ BCCIએ પણ ટીમની જાહેરાત કરી છે.