સેમીકન્ડક્ટર્સ અને ઇલેક્ટ્રોનિક્સ સેક્ટરની ભારતમાં મોટી ભૂમિકા રહેશે : રાજીવ ચંદ્રશેખર

સેમીકોન કોન્ફરન્સનું આયોજન સેમી દ્વારા વિશ્વભરમાં વિવિધ ભૌગોલિક વિસ્તારોમાં કરવામાં આવે છે અને તેને અમેરિકા, તાઇવાન, કોરિયા, જાપાન વગેરેમાં સેમિકોન યુરોપા, પશ્ચિમ અને પૂર્વ તરીકે ઓળખવામાં આવે છે. જ્યાં સેમીકન્ડક્ટર ઉદ્યોગની સ્થાપના કરવામાં આવે છે, જેનો ઉદ્દેશ સેમિકન્ડક્ટર ડોમેનમાં તકનીકી પ્રગતિની મહત્તમ પહોંચ તેમજ વિવિધ દેશોની નીતિઓને તેમની સેમીકન્ડક્ટર ઇકોસિસ્ટમને મજબૂત બનાવવાનો છે.

સેમીકન્ડક્ટર્સ અને ઇલેક્ટ્રોનિક્સ સેક્ટરની ભારતમાં મોટી ભૂમિકા રહેશે : રાજીવ ચંદ્રશેખર

ભારત સરકારે ભારતમાં સેમિકન્ડક્ટર્સ અને ડિસ્પ્લે મેન્યુફેક્ચરિંગ ઇકોસિસ્ટમ વિકસાવવાના લક્ષ્ય સાથે 10 અબજ ડોલરના સેમિકોન ઇન્ડિયા પ્રોગ્રામની જાહેરાત કરી હતી. સેમીકન્ડક્ટર ડિઝાઇન, ઉત્પાદન, સંશોધન અને વિકાસ અને માનવશક્તિ વિકાસ માટે ભારતને સંભવિત કેન્દ્ર તરીકે પ્રદર્શિત કરવાના ઉદ્દેશ સાથે સેમીકોન ઇન્ડિયા કોન્ફરન્સ 2022નું આયોજન 29 એપ્રિલથી 01 મે, 2022 દરમિયાન બેંગાલુરુમાં કરવામાં આવ્યું હતું, જેનું ઉદ્ઘાટન માનનીય પ્રધાનમંત્રી શ્રી નરેન્દ્ર મોદીએ કર્યું હતું.  

 સેમીકોનઇન્ડિયા 2022ની સફળતાને ધ્યાનમાં રાખીને, ડિજિટલ ઇન્ડિયા કોર્પોરેશનનો સ્વતંત્ર બિઝનેસ ડિવિઝન, ઇન્ડિયા સેમિકન્ડક્ટર મિશન, 28 જુલાઈથી 30 જુલાઈ, 2023 સુધી મહાત્મા મંદિર, ગાંધીનગર ખાતે તેના ફ્લેગશિપ સેમિકોનઇન્ડિયા 2023નું આયોજન કરવા માટે તૈયાર છે. આ કાર્યક્રમનું ઉદ્ઘાટન માનનીય પ્રધાનમંત્રી કરશે અને તેનો ઉદ્દેશ ભારતની સેમિકન્ડક્ટર ઇકોસિસ્ટમને ઉત્પ્રેરિત કરવાનો છે. 

તેના કર્ટન રેઇઝરના ભાગરૂપે મહાત્મા મંદિર, ગાંધીનગર ખાતે સેમીકન્ડક્ટર ઉદ્યોગમાં અત્યાધુનિક ટેકનોલોજીનું નિદર્શન કરતા એક પ્રદર્શનનું ઉદઘાટન ગુજરાતના મુખ્યમંત્રી શ્રી ભૂપેન્દ્રભાઇ પટેલે 25 જુલાઇ, 2023ના રોજ ઇલેક્ટ્રોનિક્સ એન્ડ ઇન્ફોર્મેશન ટેકનોલોજી તથા કૌશલ્ય વિકાસ અને ઉદ્યોગસાહસિકતા રાજ્યમંત્રી શ્રી રાજીવ ચંદ્રશેખરની ઉપસ્થિતિમાં કર્યું હતું.

કેન્દ્રીય કૌશલ્ય વિકાસ અને ઉદ્યોગસાહસિકતા તથા ઇલેક્ટ્રોનિક્સ અને ઇન્ફોર્મેશન ટેકનોલોજી રાજ્યમંત્રી રાજીવ ચંદ્રશેખરે ઉપસ્થિત લોકોને સંબોધતાં જણાવ્યું હતું કે, "સેમિકોન ઇન્ડિયા પ્રદર્શન મારફતે યુવાન ભારતીયો અને ટેકનોલોજી સાથે સંકળાયેલા લોકો ઘણું બધું શીખી શકે છે. ભારતની ટેકેડ મુસાફરીમાં સેમીકન્ડક્ટર્સ અને ઇલેક્ટ્રોનિક્સ ક્ષેત્રની મોટી ભૂમિકા રહેશે. સ્વતંત્ર ભારતના ઇતિહાસમાં આ પહેલીવાર છે જ્યારે આવા પ્રયાસને માત્ર 15 મહિનામાં જ આટલી સફળતા મળી છે. પાછલા 70 વર્ષોમાં આપણા દેશે કાં તો આ તકની અવગણના કરી અથવા અસફળ રહી. પ્રધાનમંત્રી શ્રી નરેન્દ્ર મોદીના આ ઇકોસિસ્ટમના વિઝનમાં ડિઝાઇન ઇનોવેશન, સંશોધન, પ્રતિભા, પેકેજિંગ અને ફેબ્સનો સમાવેશ થાય છે અને અમે તેમની સાથે સંકળાયેલી સપ્લાય ચેઇન લાવવાનો પ્રયાસ કરી રહ્યા છીએ – જે ભારતમાં સેમિકન્ડક્ટર ઇકોસિસ્ટમને વધુ કેટેજ કરે છે."

 આ પ્રદર્શન 30 જુલાઈ, 2023 સુધી ખુલ્લું રહેશે, જેમાં સેમિકન્ડક્ટર ડિઝાઇન સ્ટાર્ટ-અપ્સ અને સ્થાપિત બહુરાષ્ટ્રીય, સેમિકન્ડક્ટર સપ્લાય-ચેઇન, ઇક્વિપમેન્ટ મેન્યુફેક્ચરર, ઇલેક્ટ્રોનિક્સ મેન્યુફેક્ચરર્સમાંથી 80થી વધુ પ્રદર્શકોની અત્યાધુનિક ટેકનોલોજીકલ પ્રગતિ દર્શાવવામાં આવશે. એકેડેમિયા; સરકાર/રાજ્ય પ્રયોગશાળાઓ. કેટલાક મુખ્ય સહભાગીઓમાં માઇક્રોન, એપ્લાઇડ મટિરિયલ્સ, એલએએમ રિસર્ચ, ઇન્ટેલ, ક્વોલકોમ, ટેક્સાસ ઇન્સ્ટ્રુમેન્ટ્સ, એસટીમાઇક્રોઇલેક્ટ્રોનિક્સ, એનએક્સપી સેમિકન્ડક્ટર્સ, ઇન્ફિનોન, એએમડી, એનવીઆઇએડિયા, એનાલોગ ડિવાઇસિસ, રેનેસાસ, સેમસંગ, કેડન્સ ડિઝાઇન સિસ્ટમ્સ, મોર્ફિંગ મશીન્સ, ઇનકોર સેમિકન્ડક્ટર્સ, સાનખ્યા લેબ્સ, વિસ્ટ્રોન, ફોક્સકોન, લાવા, ડેલ, વીવીડીએન, આઇઆઇએસસી અને બેંગ્લોર, દેશભરની આઈ.આઈ.ટી.નો સમાવેશ થાય છે.

સેમીકોનઇન્ડિયા 2023 વૈશ્વિક નિગમો માટે વાઇબ્રેન્ટ અને ટકાઉ ઉત્પાદન સ્થળ તરીકે ભારતની વિવિધ ક્ષમતાઓ પ્રદર્શિત કરશે. ઉદ્યોગ, સરકારો, શૈક્ષણિક સંસ્થાઓ અને સંશોધન અને વિકાસ સંસ્થાઓનાં ટોચનાં નેતૃત્વ વેપાર-વાણિજ્યમાં સરળતા, વિશ્વસનીય મૂલ્ય શ્રુંખલાઓનું નિર્માણ, વૃદ્ધિનાં ચાલકબળો, નવીનતા અને સ્ટાર્ટઅપ્સ તથા પ્રતિભા પાઇપલાઇન સહિતનાં મુખ્ય પાસાંઓને પ્રતિબિંબિત કરવા અને આગળ વધારવા આ પ્લેટફોર્મનો ઉપયોગ કરશે. ત્રણ દિવસના ગાળામાં ચાલનારી આ ઇવેન્ટમાં ભારતમાં એક મજબૂત, સ્થિતિસ્થાપક, સ્થાયી સેમીકન્ડક્ટર ઇકોસિસ્ટમના વિકાસનાં વિવિધ પાસાંઓને આવરી લેતાં નીચેનાં સત્રો સામેલ કરવામાં આવશેઃ

 •       પ્રથમ દિવસ (જુલાઈ 28, 2023): પ્રધાનમંત્રી શ્રી નરેન્દ્ર મોદીનું ઉદ્ઘાટન સંબોધન; ઔદ્યોગિક અગ્રણીઓનું વિઝન, ભારતની સેમિકન્ડક્ટર ઇકોસિસ્ટમને ઉત્પ્રેરક બનાવવી; કમ્પાઉન્ડ સેમીકન્ડક્ટર; ડિસ્પ્લે મેન્યુફેક્ચરિંગ અને ભારતમાં સેમિકન્ડક્ટર રોકાણોને આકર્ષિત કરો.

 •       બીજો દિવસ (જુલાઈ 29, 2023): સેમીકોન ઇન્ડિયા પ્રોગ્રામ, નેક્સ્ટ-જેન કમ્પ્યુટિંગ માટે પ્રગતિની યાત્રા; સેમીકન્ડક્ટર પેકેજીંગ; નેક્સ્ટ-જનરેશન ડિઝાઇન્સ; ભારતમાં ભવિષ્યની ડિઝાઇન અને રોકાણની તકો; સેમિકન્ડક્ટર્સ, પેકેજિંગ અને સિસ્ટમ્સનું ભવિષ્ય.

 •       ત્રીજો દિવસ (જુલાઈ 30, 2023): વૈશ્વિક ભાગીદારીઓ તકોનું સર્જન કરે છે; નેક્સ્ટ-વેવ ઓફ ડિઝાઇન ઇનોવેશન; કેટેલિસિંગ ન્યૂ ઇન્ડિયાઝ ટેકેડ; સેમીકન્ડક્ટર ઇકોસિસ્ટમ માટે તત્પરતા આકારણી; ગ્લોબલ સેમીકન્ડક્ટર ટેલેન્ટ કેપિટલ; વૈશ્વિક સ્તરે સ્પર્ધાત્મક અનુપાલન અને નિયમનકારી માળખું ઊભું કરવું.

 •       સમારંભના પ્રસિદ્ધ વક્તાઓમાં પ્રધાનમંત્રી શ્રી નરેન્દ્ર મોદી સામેલ હશે. ઇલેક્ટ્રોનિક્સ અને ઇન્ફોર્મેશન ટેકનોલોજી, સંચાર અને રેલવે મંત્રી શ્રી અશ્વિની વૈષ્ણવ; વિદેશ મંત્રી શ્રી એસ જયશંકર; ઇલેક્ટ્રોનિક્સ અને ઇન્ફોર્મેશન ટેકનોલોજી રાજ્ય મંત્રી શ્રી રાજીવ ચંદ્રશેખર; શ્રી સંજય મેહરોત્રા, પ્રેસિડન્ટ અને સીઇઓ, માઇક્રોન ટેકનોલોજી; શ્રી અજિત મનોચા, પ્રમુખ, સેમી; શ્રી અનિરુદ્ધ દેવગન, પ્રેસિડન્ટ અને સીઇઓ, કેડન્સ; શ્રી યંગ લિયુ, ચેરમેન, ફોક્સકોન; શ્રી અનિલ અગ્રવાલ, ચેરમેન, વેદાંતા ગ્રુપ; શ્રી પ્રબુ રાજા, એપ્લાઇડ મટિરિયલ્સ, શ્રી માર્ક પેપરમાસ્ટર, એએમડી; શ્રી શિવ શિવરામ, વેસ્ટર્ન ડિજિટલ; શ્રી એસ વાય ચિયાંગ, ફોક્સકોન, શ્રી બાલાજી બખ્થા, સીઇઓ, વેન્ટાના માઇક્રો સિસ્ટમ્સ; શ્રી રાજા કોડુરી, સીઇઓ, મિહિરા એઆઇ; શ્રી લારાસ રેગર, જીએફ; શ્રીમતી જયા જગદીશ, એએમડી; ઈન્વેસ્ટ ઈન્ડિયાના એમડી અને સીઈઓ નિવૃતિ રાય.

 •       આ ઇવેન્ટ માટે 6,500થી વધુ રજિસ્ટ્રેશન પ્રાપ્ત થયા છે, જેમાં ઇન્ડસ્ટ્રીના 1,100+, 250+ સ્ટાર્ટઅપ્સ, 2500+ વિદ્યાર્થીઓ અને 23 દેશોના 228થી વધુ સહભાગીઓ સામેલ છે. આ વિસ્તૃત પ્રદર્શનોમાં દરરોજ આશરે 7,000થી વધારે લોકો આવે તેવી અપેક્ષા છે.

 •       હાઇબ્રિડ મોડમાં આયોજિત કરવામાં આવી હોવાથી, ઓનલાઇન ઇવેન્ટમાં ભાગ લેવા માટે નોંધણી ઉપલબ્ધ છે https://www.semiconindia.org/.  

Share On Social Media