સુપ્રિમ કોર્ટનો મમતા સરકારને આંચકો, સંદેશખાલી કેસમાં CBI તપાસ પર રોક લગાવવાનો ઈન્કાર

સુપ્રિમ કોર્ટે સોમવારે સંદેશખાલી કેસમાં બંગાળ સરકારની અરજી પર સુનાવણી કરવાનો ઇનકાર કરી દીધો હતો. જો કે, સુપ્રીમ કોર્ટે પશ્ચિમ બંગાળ પોલીસ પર હાઈકોર્ટ દ્વારા કરવામાં આવેલી ટિપ્પણીઓને દૂર કરવાનો આદેશ આપ્યો છે.

સુપ્રિમ કોર્ટનો મમતા સરકારને આંચકો, સંદેશખાલી કેસમાં CBI તપાસ પર રોક લગાવવાનો ઈન્કાર

સુપ્રિમ કોર્ટે સોમવારે સંદેશખાલી કેસમાં બંગાળ સરકારની અરજી પર સુનાવણી કરવાનો ઇનકાર કરી દીધો હતો. જો કે, સુપ્રીમ કોર્ટે પશ્ચિમ બંગાળ પોલીસ પર હાઈકોર્ટ દ્વારા કરવામાં આવેલી ટિપ્પણીઓને દૂર કરવાનો આદેશ આપ્યો છે. તાજેતરમાં જ કોલકત્તા હાઈકોર્ટે સંદેશખાલી કેસની સીબીઆઈ તપાસનો આદેશ આપ્યો હતો.

પશ્ચિમ બંગાળની મમતા બેનર્જી સરકારને સોમવારે સુપ્રીમ કોર્ટ તરફથી મોટો ઝટકો લાગ્યો છે. કોર્ટે બંગાળ સરકાર દ્વારા દાખલ કરવામાં આવેલી અરજી પર સુનાવણી કરવાનો ઇનકાર કરી દીધો છે, જેમાં સંદેશખાલી કેસમાં સીબીઆઈ તપાસ પર સ્ટે માંગવામાં આવ્યો હતો. તાજેતરમાં જ કોલકત્તા હાઈકોર્ટે સંદેશખાલી કેસની સીબીઆઈ તપાસનો આદેશ આપ્યો હતો. આ પછી મમતા સરકારે હાઈકોર્ટના આદેશને સુપ્રીમ કોર્ટમાં પડકાર્યો હતો.

બંગાળ સરકારની અરજી પર ટિપ્પણી કરતા સુપ્રીમ કોર્ટે પૂછ્યું કે સંદેશખાલી કેસના મુખ્ય આરોપી શાહજન્હા શેખની પોલીસ આટલા દિવસો સુધી કેમ ધરપકડ કરી શકી નથી? જવાબમાં, બંગાળ સરકાર તરફથી હાજર રહેલા વકીલે જવાબ આપ્યો કે પોલીસે આ કેસમાં સાત લોકોની ધરપકડ કરી છે, માત્ર એકની ધરપકડ થઈ શકી નથી. બંગાળ સરકારની આ દલીલ પર જસ્ટિસ મહેતાએ કહ્યું કે રાજ્ય પોલીસને ચાર્જશીટ દાખલ કરવામાં કેટલો સમય લાગે છે.

EDની દલીલ - કેસમાં પોલીસની ભૂમિકા ઘણી નબળી હતી

તે જ સમયે, ED તરફથી હાજર રહેલા વકીલ એસવી રાજુએ સુપ્રીમ કોર્ટને જણાવ્યું હતું કે આ કેસના મુખ્ય આરોપી શાહજહાં શેખે પણ તેના અધિકારીઓ વિરુદ્ધ FIR નોંધાવી છે. EDએ આ મામલામાં બંગાળ પોલીસ પર સવાલો ઉઠાવ્યા અને કહ્યું કે આ સમગ્ર ઘટનામાં પોલીસની ભૂમિકા ખૂબ જ નબળી હતી. મુખ્ય આરોપીને સીબીઆઈને સોંપવામાં પણ ભારે હોબાળો થયો હતો.

55 દિવસ બાદ મુખ્ય આરોપીની ધરપકડ કરવામાં આવી હતી

સંદેશખાલીમાં ED અધિકારીઓની મારપીટની ઘટના બાદ આ કેસનો મુખ્ય આરોપી શાહજહાં શેખ લાંબા સમયથી ફરાર હતો. લગભગ 55 દિવસ ફરાર રહ્યા બાદ બંગાળ પોલીસે 29 ફેબ્રુઆરીએ શાહજહાં શેખની ધરપકડ કરી હતી. આ 55 દિવસ સુધી શાહજહાં શેખ ક્યાં રોકાયા તેની કોઈને ખબર નથી. શરૂઆતમાં મમતા સરકારે આ કેસ CIDને તપાસ માટે સોંપ્યો હતો. જો કે, EDએ તેનો વિરોધ કરતા હાઈકોર્ટનો સંપર્ક કર્યો હતો.

Share On Social Media