શ્રી કેશવ સિમેન્ટ એન્ડ ઇન્ફ્રા લિમિટેડે નાણાકીય વર્ષ 24ના બીજા ત્રિમાસિકમાં ₹26 કરોડની કુલ આવક નોંધાવી
શ્રી કેશવ સિમેન્ટ એન્ડ ઇન્ફ્રા લિમિટેડ (BSE – 530977), જે કર્ણાટક રાજ્યમાં સિમેન્ટ અને સોલાર પાવર જનરેશન અને ડિસ્ટ્રિબ્યુશનના ઉત્પાદન સાથે સંકળાયેલ છે, તેણે નાણાકીય વર્ષ 24ના બીજા ત્રિમાસિક માટેના તેના અનઓડિટેડ નાણાકીય પરિણામો જાહેર કર્યા છે.
શ્રી કેશવ સિમેન્ટ એન્ડ ઇન્ફ્રા લિમિટેડે નાણાકીય વર્ષ 24ના બીજા ત્રિમાસિકમાં ₹26 કરોડની કુલ આવક નોંધાવી
એક નજરમાં મુખ્ય નાણાકીય બાબતો
નાણાકીય વર્ષ 24 બીજુ ત્રિમાસિક
કુલ આવક ₹25.76 કરોડ
EBITDA ₹7.95 કરોડ
EBITDA માર્જિન 30.84% રહ્યું
ચોખ્ખો નફો ₹0.07 કરોડ
ચોખ્ખા નફા માર્જિન 0.28% પર રહ્યું
શેર દીઠ કમાણી ₹0.05
નાણાકીય વર્ષ 24 પ્રથમ અર્ધવાર્ષિક
કુલ આવક ₹57.50 કરોડ
EBITDA ₹18.22 કરોડ
EBITDA માર્જિન 31.68% રહ્યું
ચોખ્ખો નફો ₹2.75 કરોડ
ચોખ્ખા નફા માર્જિન 4.78% રહ્યું
શેર દીઠ કમાણી ₹1.84
નાણાકીય વર્ષ 24 પ્રથમ અર્ધવાર્ષિક માટે મુખ્ય વિશેષતાઓ
કંપનીએ તેની સૌર ક્ષમતા 37 MWpથી 40 MWp સુધી વધારવા માટે અરજી કરી છે. ડેટ-ટુ-ઇક્વિટી રેશિયો નાણાકીય વર્ષ 2022-23ના 3.7થી વધીને નાણાકીય વર્ષ 24માં 2.3 થયો છે.
પ્રદર્શન અંગે ટિપ્પણી કરતાં, શ્રી કેશવ સિમેન્ટ એન્ડ ઇન્ફ્રા લિમિટેડના ચેરમેન શ્રી વેંકટેશ કટવાએ જણાવ્યું, "પરંપરાગત રીતે, દરેક નાણાકીય વર્ષનું બીજું ત્રિમાસિક ચોમાસાની ઋતુની અસરને કારણે સુસ્ત રહે છે. વધુમાં, આ વર્ષે કર્ણાટકની ચૂંટણીએ પ્રથમ ત્રિમાસિક અને બીજા ત્રિમાસિક બંનેમાં અમારા પ્રદર્શનને વધુ અસર કરી. વધુમાં, કાચા માલના ઊંચા ખર્ચને કારણે અમારા માર્જિનને દબાણનો સામનો કરવો પડ્યો. જો કે, મને એ નોંધ લેતા આનંદ થઇ રહ્યો છે કે પરિસ્થિતિઓ સ્થિર થઈ છે અને અમે નાણાકીય વર્ષ 24ના બાકીના ભાગને લઇને આશાવાદી છીએ.
ટકાઉપણાની અમારી પ્રતિબદ્ધતામાં, અમે અમારા સોલર પાવર પ્લાન્ટની ક્ષમતા વર્તમાન 37 મેગાવોટથી વધારીને 40 મેગાવોટ કરવાની યોજના બનાવી રહ્યા છીએ. આ પહેલનો હેતુ ભારતમાં સિમેન્ટ ઉત્પાદન માટે 100% ગ્રીન પાવરનો ઉપયોગ કરતા એકમાત્ર સિમેન્ટ પ્લાન્ટ તરીકેની અમારી સ્થિતિને વધુ મજબૂત કરવાનો છે.
મને જાણ કરતાં આનંદ થાય છે કે અમારા સિમેન્ટ પ્લાન્ટની આધુનિકીકરણ પ્રક્રિયા, અમારી ક્ષમતાને 0.35 એમટીપીએથી 1 એમટીપીએ સુધી વધારવાની દિશામાં નિર્ધારિત રીતે આગળ વધી રહી છે. અમે પ્રોજેક્ટના સમયસર પૂર્ણ થવાની અપેક્ષા ધરાવીએ છીએ, જે અમારી
સંચાલકીય ક્ષમતાઓમાં નોંધપાત્ર વધારો કરશે. જેમ જેમ અમે આગળ તરફ જોઈ રહ્યા છીએ તેમ, અમારા સિમેન્ટ પ્લાન્ટના ચાલી રહેલા
આધુનિકીકરણ, અમારી બ્રાન્ડ પ્રત્યે વધી રહેલી જાગૃતતા અને અમારી સમર્પિત ટીમની અસાધારણ ક્ષમતાઓ દ્વારા અમારા આશાવાદને બળ મળે છે.
Share On Social Media
અન્ય સમાચારો પણ છે...
પોસ્ટ ઓફિસ સ્કીમમાં ₹2,00,000 જમા કરો અને ₹29,776 નું નિશ્ચિત વ્યાજ મેળવો, ગેરંટી સાથે
પોસ્ટ ઓફિસની ટાઈમ ડિપોઝિટ (TD) યોજના બિલકુલ બેંકની ફિક્સ્ડ ડિપોઝિટ (FD) યોજના જેવી જ છે. પોસ્ટ ઓફિસમાં ટીડી ખાતું ઓછામાં ઓછા 1 વર્ષ અને વધુમાં વધુ 5 વર્ષ માટે ખોલી શકાય છે. પોસ્ટ ઓફિસ તેના ગ્રાહકોને ટીડી ખાતા પર 6.9 ટકાથી 7.5 ટકા સુધીના વ્યાજ દરો ઓફર કરી રહી છે.
સરકારી કર્મચારીઓને મળશે બમ્પર ભેટ, પગારમાં આટલો વધારો થશે
કર્મચારીઓ માટે Dearness Allowance (DA) કહેવામાં આવે છે, જ્યારે પેન્શનરો માટે તેને મોંઘવારી રાહત (DR) કહેવામાં આવે છે. આ વધારાનો લાભ તમામ સરકારી કર્મચારીઓ અને પેન્શનરોને મળશે. મીડિયા રિપોર્ટ્સ અનુસાર, સરકાર મોંઘવારી ભથ્થામાં 2 ટકાનો વધારો જાહેર કરી શકે છે.
શેરબજારમાં શાનદાર રિકવરી, સેન્સેક્સ 1131 અને નિફ્ટી 50 326 પોઈન્ટ ઉછળ્યો
આજે બજારમાં મજબૂત ગતિ સાથે વેપાર શરૂ થયો. તમને જણાવી દઈએ કે સોમવારે પણ શેરબજાર રિકવરી સાથે બંધ થયું હતું. ગઈકાલે, BSE સેન્સેક્સ 341.04 પોઈન્ટના વધારા સાથે 74,169.95 પોઈન્ટ પર અને નિફ્ટી 111.55 પોઈન્ટના વધારા સાથે 22,508.75 પોઈન્ટ પર બંધ થયો હતો.
