કાશ્મીર ખીણમાં ફરી હિમવર્ષા, ઘણા વિસ્તારોમાં વાહનોની અવરજવર થંભી ગઈ

કાશ્મીર ખીણમાં ઊંચા પર્વતીય વિસ્તારોમાં ફરી હિમવર્ષા થઈ છે, જ્યારે નીચાણવાળા વિસ્તારોમાં છેલ્લા 24 કલાકથી સતત વરસાદ થઈ રહ્યો છે.

કાશ્મીર ખીણમાં ફરી હિમવર્ષા, ઘણા વિસ્તારોમાં વાહનોની અવરજવર થંભી ગઈ

સતત વરસાદને કારણે કાશ્મીર વિસ્તારમાં તાપમાનમાં ઘટાડો થયો છે. ઉપરાંત વાહન વ્યવહાર પણ ખોરવાયો છે. તાપમાનમાં ઘટાડો થવાને કારણે, કાશ્મીરમાં લોકોએ ગરમ વસ્ત્રો પહેરવા પડે છે અને પોતાને ઠંડીથી બચાવવા માટે અન્ય વિવિધ પગલાં લેવા પડે છે.

ભૂસ્ખલન અને ખરાબ હવામાનના કારણે શ્રીનગર જમ્મુ નેશનલ હાઈવે વાહનવ્યવહાર માટે બંધ કરવો પડ્યો હતો. હિમવર્ષાને જોતાં, કાશ્મીર ખીણને શોપિયાં અને રાજૌરી-પૂંચને કિશ્તવાડ-કોકરનાગથી જોડતા ઐતિહાસિક મુગલ રોડ પર વાહનોની અવરજવર પણ બંધ કરી દેવામાં આવી હતી. સાવચેતીના પગલા તરીકે, વહીવટીતંત્રે બાંદીપોરા-ગુરેઝ રોડ પર વાહનોની અવરજવર પણ બંધ કરી દીધી છે.

અહેવાલ છે કે કાશ્મીરમાં ગુલમર્ગના બાંદીપોરામાં અફ્રાવત, સિંથાંટોપ, પીર કી ગલી અને ગુરેઝ સહિતના ઉચ્ચ વિસ્તારોમાં ફરી હિમવર્ષા થઈ છે.

દરમિયાન, સ્થાનિક હવામાન વિભાગે આજે કાશ્મીર ખીણમાં વરસાદની આગાહી કરી છે. બુધવારથી ઘાટીમાં હવામાનમાં સુધારો થઈ શકે છે.

Share On Social Media