રેપો રેટમાં કોઈ ફેરફાર ન થતાં શેરમાં જોરદાર ઉછાળો, સેન્સેક્સ 1400 પોઈન્ટ વધ્યો, નિફ્ટી 23,000ને પાર
બજાર મામૂલી ઘટાડા સાથે ખુલ્યું હતું, પરંતુ થોડી જ વારમાં લીલા રંગમાં ગયું હતું. માર્કેટમાં ઓલ રાઉન્ડ મોમેન્ટમ છે.
મુંબઈઃ શુક્રવારે પુરી થયેલી રિઝર્વ બેંક ઓફ ઈન્ડિયા (RBI)ની મોનેટરી પોલિસી કમિટીની બેઠક બાદ રેપો રેટ અને અન્ય ચાવીરૂપ ધિરાણ દરોમાં કોઈ ફેરફાર ન થતાં બજારો ઉત્સાહિત જોવા મળ્યા હતા અને સ્થાનિક શેરબજારો શુક્રવારે તેજીમાં રહ્યા હતા. BSEનો સંવેદનશીલ સૂચકાંક સેન્સેક્સ 12:52 વાગ્યા સુધીમાં 1.87 ટકાના ઉછાળા સાથે 76478 પર ટ્રેડ કરી રહ્યો હતો, એટલે કે 1400 પોઈન્ટથી વધુ, જ્યારે NSEનો નિફ્ટી પણ 1.78 ટકાના ઉછાળા સાથે 23212 પોઈન્ટ પર ટ્રેડ કરી રહ્યો હતો.
જોકે, આરબીઆઈએ પોલિસી રેટ અંગેનું નિવેદન બહાર પાડ્યું તે પહેલાં જ સ્થાનિક શેરબજારોમાં વધારો નોંધાયો હતો. શરૂઆતના ટ્રેડિંગ દરમિયાન પણ, સેન્સેક્સ 328 પોઈન્ટ્સ અથવા 0.44 ટકા વધીને 75,402 પોઈન્ટ્સ અને નિફ્ટી 97.30 પોઈન્ટ્સ અથવા 0.43 ટકા વધીને 22,918 પોઈન્ટ પર પહોંચ્યો હતો.
શુક્રવારે બજાર મામૂલી ઘટાડા સાથે ખુલ્યું હતું, પરંતુ થોડી જ વારમાં તે લીલુંછમ થઈ ગયું હતું. માર્કેટમાં ઓલ રાઉન્ડ મોમેન્ટમ છે. નિફ્ટી મિડકેપ 100 ઈન્ડેક્સ 0.73 ટકાના વધારા સાથે 5,296 પોઈન્ટ પર છે અને નિફ્ટી સ્મોલકેપ 100 ઈન્ડેક્સ 1.36 ટકાના વધારા સાથે 17,055 પોઈન્ટ પર છે.
વિપ્રો, ટેક મહિન્દ્રા, ઈન્ફોસીસ, ટીસીએસ, બજાજ ફાઈનાન્સ અને બજાજ ફિનસર્વ સેન્સેક્સમાં ટોપ ગેનર છે. L&T, IndusInd Bank, HUL, ITC અને કોટક મહિન્દ્રા બેંક ટોપ લૂઝર છે.
બજારના નિષ્ણાતોનું કહેવું છે કે છેલ્લા ત્રણ દિવસમાં વિદેશી સંસ્થાકીય રોકાણકારો (FII) દ્વારા રૂ. 24,960 કરોડનું વેચાણ થયું છે. નાણાકીય શેરોમાં FII વધુ હોલ્ડિંગ ધરાવે છે. આ કારણે આ શેર્સ અંડરપરફોર્મ કરી શકે છે. આવી સ્થિતિમાં ટૂંકા ગાળામાં બજાર પર તેની અસર જોવા મળી શકે છે. બજારમાં લાંબા ગાળા માટે તેજી જળવાઈ રહેશે.
Tata Nexon CNG: પેટ્રોલ, ડીઝલ અને EV પછી ટાટાની નેક્સોન પણ ચોથા ઈંધણ વિકલ્પ CNGમાં જોવા મળશે.
સિટીએ તેની ભારત ફ્રેન્ચાઈઝી માટે ચીફ ફાઈનાન્સિયલ ઓફિસર તરીકે જીગર શાહની નિમણૂક કરી હોવાની જાહેરાત કરી છે. જીગર 1 જૂન, 2024થી આ પદ પર ફરજ બજાવી રહ્યા છે. જીગર ભારતમાં નાણાકીય બાબતો માટે સિંગલ પોઈન્ટ ઓફ કોન્ટેક્ટ તરીકે સેવા આપશે.
અંબુજા સિમેન્ટ્સે માહિતી આપી છે કે તેના બોર્ડે અદાણી એન્ટરપ્રાઇઝિસની પેટાકંપની અદાણી સિમેન્ટેશન લિમિટેડ સાથે મર્જરને મંજૂરી આપી છે.