સૈયદ મુશ્તાક અલી ટ્રોફીને નવો ચેમ્પિયન મળ્યો, પંજાબ ઇતિહાસમાં પ્રથમ વખત જીત્યું
Syed Mushtaq Ali Trophy : પંજાબે બરોડાની ટીમને હરાવીને પ્રથમ વખત સૈયદ મુશ્તાક અલી ટ્રોફીનો ખિતાબ જીત્યો છે. આ મેચમાં ટીમની જીતનો સૌથી મોટો હીરો અનમોલપ્રીત સિંહ રહ્યો હતો.
Syed Mushtaq Ali Trophy : સૈયદ મુશ્તાક અલી ટ્રોફી 2023ની ફાઈનલ મેચ પંજાબ અને બરોડાની ટીમો વચ્ચે રમાઈ હતી. મોહાલીના IS બિન્દ્રા સ્ટેડિયમમાં રમાયેલી આ મેચ જીતીને પંજાબે ઈતિહાસ રચ્યો હતો. પંજાબે મુશ્તાક અલી ટ્રોફી ફાઇનલમાં સૌથી વધુ સ્કોર કરીને પ્રથમ વખત આ ટુર્નામેન્ટ જીતી હતી. આ પહેલા પંજાબ 4 વખત ફાઇનલમાં પહોંચ્યું હતું, પરંતુ ટાઇટલ જીતી શક્યું ન હતું.
આ મેચમાં બરોડાના કેપ્ટન કૃણાલ પંડ્યાએ ટોસ જીતીને પ્રથમ બોલિંગ કરવાનો નિર્ણય કર્યો હતો. પ્રથમ બેટિંગ કરતા પંજાબે 20 ઓવરમાં 4 વિકેટે 223 રનનો વિશાળ સ્કોર બનાવ્યો હતો. આ મેચમાં સૌથી મોટી ઇનિંગ રમનાર બેટ્સમેન અનમોલપ્રીત સિંહ હતો. અનમોલપ્રીત સિંહે 61 બોલમાં 10 ફોર અને 6 સિક્સરની મદદથી 113 રન બનાવ્યા હતા. આ સાથે જ નેહલ વાઢેરાએ તોફાની ઇનિંગ રમી હતી. તેણે 27 બોલમાં 4 છગ્ગા અને 6 ચોગ્ગાની મદદથી અણનમ 61 રન બનાવ્યા હતા.
224 રનના ટાર્ગેટનો પીછો કરવા ઉતરેલી બરોડાની ટીમ 20 ઓવરમાં 203 રન જ બનાવી શકી અને 20 રનથી મેચ હારી ગઈ. બરોડા તરફથી અભિમન્યુ સિંહ રાજપૂતે સૌથી વધુ 61 રન બનાવ્યા હતા. જ્યારે નિનાદ રાઠવાએ 47 રન અને કૃણાલ પંડ્યાએ 45 રન બનાવ્યા હતા.
અનમોલપ્રીત સિંહ જ્યારે બેટિંગ કરવા આવ્યો ત્યારે પંજાબની ટીમે 18 રનમાં બે વિકેટ ગુમાવી દીધી હતી. આ પછી તેણે ટીમની કમાન સંભાળી અને ટૂર્નામેન્ટના ઈતિહાસમાં ફાઇનલમાં સૌથી વધુ વ્યક્તિગત સ્કોર પણ બનાવ્યો. આ સાથે જ ટૂર્નામેન્ટની ફાઇનલમાં આ સૌથી મોટો સ્કોર પણ છે. અગાઉ 2019-20 સિઝનમાં કર્ણાટકે તમિલનાડુ સામે 5 વિકેટે 180 રન બનાવ્યા હતા.
પાકિસ્તાન ટીમ અને તેના ખેલાડીઓ ખૂબ જ ખરાબ તબક્કામાંથી પસાર થઈ રહ્યા છે. ચેમ્પિયન્સ ટ્રોફીમાં ખૂબ જ ખરાબ પ્રદર્શન બાદ, પાકિસ્તાની ટીમ નવી શરૂઆતના ઇરાદા સાથે ન્યુઝીલેન્ડ પહોંચી હતી, પરંતુ અહીં પણ નસીબ તેમનો સાથ ન આપ્યો.
IPL 2025 Match Time: IPLની આ સીઝનની પહેલી મેચ 22 માર્ચે રમાશે. આ દિવસે ફક્ત એક જ મેચ છે, પરંતુ 23 માર્ચે બે મેચ રમાશે. આવી સ્થિતિમાં, તમારા માટે આ મેચોના સમય વિશે જાણવું ખૂબ જ મહત્વપૂર્ણ છે.
ICC ચેમ્પિયન્સ ટ્રોફી 2025માં PCBને રૂ. 869 કરોડનું નુકસાન થયું છે. મેચ ફીમાં ઘટાડો, 5 સ્ટાર હોટેલો બંધ. સંપૂર્ણ નાણાકીય કટોકટી જાણો!