T20 વર્લ્ડ કપ 2024 માટે ટીમ ઈન્ડિયાની જાહેરાત, આ ખેલાડીઓ રોહિતની કેપ્ટન્સીમાં રમશે

Team India squad: ટી20 વર્લ્ડ કપ 2024 માટે ટીમ ઈન્ડિયાની જાહેરાત કરવામાં આવી છે. આ ટૂર્નામેન્ટમાં ટીમ ઈન્ડિયાની કમાન રોહિત શર્મા સંભાળશે.

T20 વર્લ્ડ કપ 2024 માટે ટીમ ઈન્ડિયાની જાહેરાત, આ ખેલાડીઓ રોહિતની કેપ્ટન્સીમાં રમશે

Team India squad For T20 World Cup 2024: T20 ક્રિકેટની સૌથી મોટી ટુર્નામેન્ટ, T20 વર્લ્ડ કપ, IPL 2024 પછી તરત જ રમવાની છે. T20 વર્લ્ડ કપ 1 જૂનથી શરૂ થવા જઈ રહ્યો છે, જેની યજમાની વેસ્ટ ઈન્ડિઝ અને અમેરિકા સંયુક્ત રીતે કરશે. આ ટુર્નામેન્ટ માટે ટીમ ઈન્ડિયાની જાહેરાત કરવામાં આવી છે. આ ટૂર્નામેન્ટમાં ટીમ ઈન્ડિયાની કમાન રોહિત શર્મા સંભાળશે.

આ ખેલાડીઓ રોહિતની કેપ્ટનશીપમાં રમશે

રોહિત શર્મા ફરી એકવાર T20 વર્લ્ડ કપમાં ટીમ ઈન્ડિયાની કેપ્ટનશીપ કરશે. આ સાથે જ વિરાટ કોહલીને પણ આ ટીમમાં સ્થાન મળ્યું છે. બીજી તરફ રિષભ પંતની ટીમ ઈન્ડિયામાં વાપસી થઈ છે. તેણે ટીમ ઈન્ડિયા માટે તેની છેલ્લી મેચ ડિસેમ્બર 2022માં રમી હતી. સાથે જ આ ટીમમાં સંજુ સેમસન અને શિવમ દુબેનો પણ સમાવેશ કરવામાં આવ્યો છે.

રોફીની રાહનો અંત લાવવાની જવાબદારી

ટીમ ઈન્ડિયા છેલ્લા 11 વર્ષથી કોઈ ICC ટ્રોફી જીતી શકી નથી. તે જ સમયે, ભારતે છેલ્લે 2007માં T20 વર્લ્ડ કપ જીત્યો હતો. આ ટૂર્નામેન્ટની પ્રથમ આવૃત્તિ હતી, જેમાં એમએસ ધોનીની કપ્તાનીમાં ટીમ ઈન્ડિયાએ ફાઇનલમાં પાકિસ્તાનને હરાવીને ટૂર્નામેન્ટ જીતી હતી. આવી સ્થિતિમાં આ વખતે ભારતીય ખેલાડીઓની નજર ટ્રોફીની લાંબી રાહનો અંત લાવવા પર હશે.

ટી20 વર્લ્ડ કપ માટે ટીમ ઈન્ડિયા

રોહિત શર્મા (કેપ્ટન), યશસ્વી જયસ્વાલ, વિરાટ કોહલી, સૂર્યકુમાર યાદવ, ઋષભ પંત, સંજુ સેમસન, હાર્દિક પંડ્યા (વાઈસ-કેપ્ટન), શિવમ દુબે, રવીન્દ્ર જાડેજા, અક્ષર પટેલ, કુલદીપ યાદવ, યુઝવેન્દ્ર ચહલ, અર્શદીપ સિંહ, જસપ્રીત બ્રુમરાહ મોહમ્મદ સિરાજ.

ટ્રાવેલિંગ રિજર્વ

રિંકુ સિંહ, શુભમન ગિલ, ખલીલ અહેમદ અને અવેશ ખાન

Share On Social Media