T20 વર્લ્ડ કપમાં સૌથી વધુ વખત શૂન્ય પર આઉટ થયેલા ટોચના 5 ખેલાડીઓ

ICC T20 વર્લ્ડ કપમાં અત્યાર સુધી શૂન્ય પર આઉટ થવાનો રેકોર્ડ પાકિસ્તાન ટીમના પૂર્વ કેપ્ટન શાહિદ આફ્રિદીના નામે છે. આફ્રિદીએ 2007માં T20 વર્લ્ડ કપની પ્રથમ આવૃત્તિ રમી હતી અને ત્યાર બાદ તેણે છેલ્લે 2016માં આ મેગા ઈવેન્ટ રમી હતી.

T20 વર્લ્ડ કપમાં સૌથી વધુ વખત શૂન્ય પર આઉટ થયેલા ટોચના 5 ખેલાડીઓ

ICC T20 વર્લ્ડ કપમાં અત્યાર સુધી શૂન્ય પર આઉટ થવાનો રેકોર્ડ પાકિસ્તાન ટીમના પૂર્વ કેપ્ટન શાહિદ આફ્રિદીના નામે છે. આફ્રિદીએ 2007માં T20 વર્લ્ડ કપની પ્રથમ આવૃત્તિ રમી હતી અને ત્યાર બાદ તેણે છેલ્લે 2016માં આ મેગા ઈવેન્ટ રમી હતી. આ સમયગાળા દરમિયાન, આફ્રિદીએ 34 મેચોની 32 ઇનિંગ્સમાં બેટિંગ કરતા 18.82ની સરેરાશથી 546 રન બનાવ્યા હતા, જ્યારે તે 5 વખત શૂન્ય પર આઉટ થયા બાદ પેવેલિયન પરત ફર્યો હતો.

શ્રીલંકન ટીમના ભૂતપૂર્વ ખેલાડી અને વિસ્ફોટક ઓપનિંગ બેટ્સમેન તિલકરત્ને દિલશાને T20 વર્લ્ડ કપના ઈતિહાસમાં બેટથી શાનદાર પ્રદર્શન કર્યું છે. દિલશાને વર્લ્ડ કપમાં 35 મેચોની 34 ઇનિંગ્સમાં બેટિંગ કરી છે, જેમાં તેણે 30.93ની એવરેજથી 897 રન બનાવ્યા છે, પરંતુ આ દરમિયાન તે 5 બેક ડક્સ પર પેવેલિયન પરત ફર્યો છે.

ટી-20 વર્લ્ડ કપમાં આયર્લેન્ડ ટીમના ખેલાડી જ્યોર્જ ડોકરેલનો બેટથી રેકોર્ડ ઘણો ખરાબ દેખાઈ રહ્યો છે. ડોકરેલે 16 મેચ રમી છે, જેમાં તેને 8 વખત બેટિંગ કરવાનો મોકો મળ્યો, જે દરમિયાન તે 14.28ની એવરેજથી માત્ર 100 રન જ બનાવી શક્યો. જ્યારે ડોકરેલ આમાંથી 4 ઇનિંગ્સમાં શૂન્ય પર પેવેલિયન પરત ફર્યો છે.

જો આપણે T20 વર્લ્ડ કપમાં બેટ સાથે સ્કોટિશ ખેલાડી કેલમ મેકલિયોડના રેકોર્ડ પર નજર કરીએ તો 13 મેચમાં 11 વખત બેટિંગ કરવાની તક મળ્યા બાદ તે 4 વખત ખાતું ખોલાવ્યા વિના પેવેલિયન પરત ફર્યો છે. મેકલિયોડ 8.45ની એવરેજથી માત્ર 93 રન જ બનાવી શક્યો છે.

2009 T20 વર્લ્ડ કપમાં દક્ષિણ આફ્રિકાની ટીમ માટે રમનાર સ્પિન ઓલરાઉન્ડર રોલ્ફ વાન ડેર મર્વે છેલ્લે આ મેગા ઈવેન્ટમાં નેધરલેન્ડની ટીમ માટે રમ્યો હતો. રોલ્ફ વાન ડેર મર્વે ટી20 વર્લ્ડ કપના ઈતિહાસમાં અત્યાર સુધી કુલ 21 મેચ રમી છે જેમાંથી તેને 13 ઈનિંગ્સમાં બેટિંગ કરવાની તક મળી છે અને આ દરમિયાન તે 4 વખત શૂન્ય પર પેવેલિયન પરત ફર્યો છે. વેન ડેર મર્વે અત્યાર સુધી 2.11ની એવરેજથી માત્ર 19 રન જ બનાવ્યા છે.

Share On Social Media