શું CM અરવિંદ કેજરીવાલને મળશે રાહત? આવતીકાલે સુપ્રીમ કોર્ટમાં CBI કેસની થશે સુનાવણી

સુપ્રીમ કોર્ટ બુધવારે દિલ્હીના સીએમ અરવિંદ કેજરીવાલની અરજી પર સુનાવણી કરશે. કેજરીવાલે આબકારી નીતિ મામલે સીબીઆઈ દ્વારા નોંધાયેલા કેસમાં ધરપકડને પડકારી છે. તેમજ જામીનની માંગણી કરી હતી.

શું CM અરવિંદ કેજરીવાલને મળશે રાહત? આવતીકાલે સુપ્રીમ કોર્ટમાં CBI કેસની થશે સુનાવણી

દિલ્હીના સીએમ અરવિંદ કેજરીવાલ એક્સાઇઝ પોલિસી સંબંધિત મની લોન્ડરિંગ કેસમાં જેલમાં છે. સુપ્રીમ કોર્ટ બુધવારે તેમની અરજી પર સુનાવણી કરશે. કેજરીવાલે આબકારી નીતિ મામલે સીબીઆઈ દ્વારા નોંધાયેલા કેસમાં ધરપકડને પડકારી છે. તેમજ જામીનની માંગણી કરી હતી. તેમની અરજીની સુનાવણી જસ્ટિસ સૂર્યકાંત અને જસ્ટિસ ઉજ્જવલ ભુઈયાની બેંચ કરશે.

દિલ્હીની એક અદાલતે કથિત એક્સાઇઝ કૌભાંડ સંબંધિત મની લોન્ડરિંગ કેસમાં મુખ્યમંત્રી અરવિંદ કેજરીવાલ અને BRS નેતા કે. કવિતા અને અન્યની ન્યાયિક કસ્ટડી 2 સપ્ટેમ્બર સુધી લંબાવવામાં આવી છે. જજે આરોપીઓની ન્યાયિક કસ્ટડીનો સમયગાળો પૂરો થયા બાદ વીડિયો કોન્ફરન્સ દ્વારા કોર્ટમાં રજૂ કર્યા બાદ તેમની કસ્ટડી લંબાવી હતી.

સુપ્રીમ કોર્ટે આ કેસમાં અગાઉ કેજરીવાલને વચગાળાના જામીન આપ્યા હતા. મુખ્યમંત્રી આ કથિત કૌભાંડના સંદર્ભમાં સીબીઆઈ દ્વારા નોંધાયેલા ભ્રષ્ટાચારના કેસમાં ન્યાયિક કસ્ટડીમાં છે.

Share On Social Media