બાંગ્લાદેશની રાજધાની ઢાકામાં ભયાનક વિસ્ફોટ, 14ના મોત, 100થી વધુ ઘાયલ

બાંગ્લાદેશની રાજધાની ઢાકામાં એક 7 માળની ઈમારતમાં ભયાનક વિસ્ફોટ થયો છે જેમાં 14 લોકોના મોત થયા છે. આ ઉપરાંત 100થી વધુ લોકો ઘાયલ થયા છે.
 

બાંગ્લાદેશની રાજધાની ઢાકામાં ભયાનક વિસ્ફોટ, 14ના મોત, 100થી વધુ ઘાયલ

બાંગ્લાદેશની રાજધાની ઢાકાના ગુલીસ્તાન વિસ્તારમાં એક 7 માળની ઈમારતમાં વિસ્ફોટના સમાચાર છે, જેના કારણે 14 લોકોના મોત થયા છે અને 100થી વધુ લોકો ઘાયલ થયા હોવાનું કહેવાય છે. આ વિસ્ફોટ ગીચ બજાર વિસ્તારમાં થયો હતો. ન્યૂઝ એજન્સી અનુસાર, સ્થાનિક ફાયર ઓફિસરે કહ્યું છે કે વિસ્ફોટનું કારણ સ્પષ્ટ નથી. બચાવ કામગીરી ચાલુ હોવાથી મૃત્યુઆંક વધી શકે છે.

સ્થાનિક મીડિયા અનુસાર, વિસ્ફોટ લગભગ 4:50 વાગ્યે (સ્થાનિક સમયાનુસાર) થયો હતો, ત્યારબાદ 11થી વધુ ફાયર બ્રિગેડની ટીમો ઘટનાસ્થળે પહોંચીને રાહત અને બચાવ કાર્ય કરી રહી છે. ઘાયલોને ઢાકા મેડિકલ કોલેજ હોસ્પિટલમાં લઈ જવામાં આવ્યા છે.
રોડ કિનારે પાર્ક કરેલી બસને નુકસાન
મીડિયા રિપોર્ટ્સ અનુસાર, બિલ્ડિંગમાં વિસ્ફોટને કારણે રોડ કિનારે પાર્ક કરેલી બસને પણ નુકસાન થયું છે. સ્થાનિક પોલીસ અધિકારી બચુ મિયાએ જણાવ્યું કે અત્યાર સુધીમાં 45 થી વધુ લોકોને સારવાર માટે હોસ્પિટલમાં લઈ જવામાં આવ્યા છે. 14 મૃતકોમાં બે મહિલાઓનો સમાવેશ થાય છે. ઘાયલોની સારવાર ચાલુ છે.

બ્લાસ્ટ થયેલી ઈમારત પાસે BRAC બેંકની શાખા છે
ઢાકા પોલીસના જણાવ્યા અનુસાર, જે ઈમારતમાં વિસ્ફોટ થયો હતો તેના ગ્રાઉન્ડ ફ્લોર પર અનેક સ્ટોર્સ છે અને તેની બાજુમાં BRAC બેંકની શાખા છે. કહેવામાં આવી રહ્યું છે કે ગ્રાઉન્ડ ફ્લોર પર સેનિટેશન મટિરિયલ વેચતા સ્ટોરમાં વિસ્ફોટ થયો હતો.

Share On Social Media