Appleના સપ્લાયર ફોક્સલિંક પ્લાન્ટમાં આગ લાગી, કર્મચારીઓએ ભાગીને પોતાનો જીવ બચાવ્યો

સ્પોન્જના કારણે આગ ઝડપથી ફેલાઈ અને સમગ્ર પ્લાન્ટને લપેટમાં લઈ લીધો. હાલ આગ લાગવાનું કારણ જાણવા મળ્યું નથી. ડીએસપીએ જણાવ્યું હતું કે સ્થળ પર ફાયર એન્જિન સમયસર પહોંચવાને કારણે આગ એક શેડ સુધી મર્યાદિત હતી.
 

Appleના સપ્લાયર ફોક્સલિંક પ્લાન્ટમાં આગ લાગી, કર્મચારીઓએ ભાગીને પોતાનો જીવ બચાવ્યો

આંધ્રપ્રદેશના તિરુપતિમાં સોમવારે ટેક જાયન્ટ એપલની સપ્લાયર કંપની ફોક્સલિંકના ઉત્પાદન પ્લાન્ટમાં ભીષણ આગ ફાટી નીકળી હતી, જેના કારણે ઉત્પાદન અટકાવી દેવામાં આવ્યું હતું. આ ઘટનામાં કોઈ જાનહાનિ થઈ નથી. પોલીસે જણાવ્યું કે આગની ઘટના સમયે પ્લાન્ટમાં લગભગ 750 લોકો કામ કરી રહ્યા હતા. જોકે, આગ લાગતા જ તમામ બહાર નીકળી શક્યા હતા.

ફોક્સલિંક કંપની એપલ માટે કેબલ સપ્લાય કરે છે. રાજ્યના તિરુપતિ જિલ્લા માટે આપત્તિ પ્રતિભાવ અને અગ્નિશમન સેવા વિભાગના વડા જે રામનાયાએ જણાવ્યું હતું કે સુવિધામાં લગભગ 50% મશીનરીને નુકસાન થયું હતું અને ઇમારતનો અડધો ભાગ પડી ગયો હતો.

ફાયર એન્જિનોએ આગ પર કાબુ મેળવ્યો હતો
અધિકારીઓએ જણાવ્યું હતું કે પ્લાન્ટમાં રાખવામાં આવેલા ફાઈબર, શીટ અને સ્પોન્જના કારણે આગ ઝડપથી ફેલાઈ હતી અને આખા પ્લાન્ટને લપેટમાં લીધી હતી. હાલ આગ લાગવાનું કારણ જાણવા મળ્યું નથી. ડીએસપીએ જણાવ્યું હતું કે સ્થળ પર ફાયર એન્જિન સમયસર પહોંચવાને કારણે આગ એક શેડ સુધી મર્યાદિત હતી. અન્ય બે શેડ પર ફેલાતા ન હતા, જેમાં ડાઇનિંગ રૂમ અને રસોડું હતું.

Share On Social Media