મહારાષ્ટ્ર સરકારે ડુંગળીના ભાવને લઈને કરી મોટી જાહેરાત, લાખો ખેડૂતોને થશે ફાયદો!
મહારાષ્ટ્રના મુખ્ય પ્રધાન એકનાથ શિંદેએ મંગળવારે વિધાનસભામાં જણાવ્યું હતું કે તેમની સરકાર જથ્થાબંધ બજારમાં ડુંગળીના ઘટતા ભાવ વચ્ચે ડુંગળીની ખેતી કરનારા ખેડૂતોની સાથે છે. તેમણે કહ્યું કે જો જરૂર પડશે તો સરકાર ખેડૂતોને આર્થિક મદદ કરશે.
શિંદેએ નીચલા ગૃહમાં કહ્યું, “અમે ડુંગળીની ખેતી કરનારા ખેડૂતોની સાથે મજબૂતીથી ઊભા છીએ. નેશનલ એગ્રીકલ્ચરલ કોઓપરેટિવ માર્કેટિંગ ફેડરેશન ઓફ ઈન્ડિયા (નાફેડ)એ ડુંગળીની ખરીદી શરૂ કરી છે, જેનાથી ભાવમાં વધારો થશે.નાફેડ એ કેન્દ્ર સરકાર હેઠળની ટોચની સંસ્થા છે.
બજેટ સત્રના બીજા દિવસે, શિંદેએ કહ્યું કે તેમની વિનંતી પર, નાફેડે ડુંગળીની ખરીદીમાં વધારો કર્યો છે અને ખેડૂતો પાસેથી 2.38 લાખ ટન ડુંગળીની ખરીદી કરવામાં આવી છે. તેમણે કહ્યું કે જો કોઈ ચોક્કસ વિસ્તારમાં કોઈ ખરીદ કેન્દ્ર નથી, તો તે ખેડૂતો માટે ત્યાં ખોલવામાં આવશે.
મહારાષ્ટ્રના એશિયાના સૌથી મોટા ડુંગળી બજાર 'લાસલગાંવ એગ્રીકલ્ચરલ પ્રોડક્ટ માર્કેટ કમિટિ'માં સોમવારે ડુંગળીના ભાવ ઘટીને 2-4 રૂપિયા પ્રતિ કિલો થઈ ગયા, જેના કારણે નારાજ ખેડૂતોએ ડુંગળી વેચવાનું બંધ કરી દીધું. મુખ્યમંત્રીએ કહ્યું, “ડુંગળીની નિકાસ પર કોઈ પ્રતિબંધ નથી. જરૂર પડશે તો ખેડૂતોને કેટલીક આર્થિક સહાય પણ આપવામાં આવશે.
અગાઉ વિધાનસભામાં નાસિકથી આવી રહેલા રાષ્ટ્રવાદી કોંગ્રેસના નેતા છગન ભુજબળે ખેડૂતોની વેદનાનો ઉલ્લેખ કર્યો હતો અને કેન્દ્ર સરકારની ડુંગળીની નીતિ પર સવાલ ઉઠાવ્યા હતા. ભુજબળે કહ્યું, “રાજ્યના સૌથી મોટા જથ્થાબંધ બજારોમાંથી એક અમારા મતવિસ્તારમાં છે. તુર્કી, પાકિસ્તાન, કઝાકિસ્તાન, યુક્રેન, મોરોક્કો, ઉઝબેકિસ્તાન અને બેલારુસમાં ડુંગળીની ખૂબ માંગ છે. આપણે ડુંગળીની નિકાસ કરવી જોઈએ જેનાથી ખેડૂતોને ફાયદો થશે.
બિહારમાં ગુનાનો ગ્રાફ સતત વધી રહ્યો છે, ખાસ કરીને પોલીસકર્મીઓ પર હુમલા વધી રહ્યા છે. હવે પટણા એસએસપીએ 44 પોલીસકર્મીઓની બદલી કરી છે. સંપૂર્ણ યાદી જુઓ...
IIT JAM 2025 ની પરીક્ષાનું પરિણામ જાહેર થયું છે. ઉમેદવારો સમાચારમાં નીચે આપેલ સીધી લિંક દ્વારા તેમના પરિણામો ચકાસી શકે છે.
બજેટ સત્ર દરમિયાન ઓડિશાના ભાજપના સાંસદ પ્રદીપ પુરોહિતના નિવેદન પર વિવાદ થયો હતો. તેમણે વડા પ્રધાન નરેન્દ્ર મોદીને છત્રપતિ શિવાજી મહારાજનો પુનર્જન્મ ગણાવ્યા, જેના પછી ગૃહમાં ભારે હોબાળો થયો. આ નિવેદન પર કોંગ્રેસે તેમને ઘેર્યા અને દેશની માફી માંગવા કહ્યું.