Brixtonએ ભારતમાં લોન્ચ કરી આ 4 નવી બાઇક, જાણો કિંમત અને ફીચર્સ, Royal Enfield-KTM સાથે છે સીધી સ્પર્ધા

ઑસ્ટ્રિયન ટુ-વ્હીલર બ્રાન્ડ બ્રિક્સટન તેના મૉડલ Crossfire 500, Crossfire 500 X, Cromwell 1200 અને Cromwell 1200X સાથે ભારતમાં પ્રવેશી છે. આ બાઈક ભારતમાં રોયલ એનફીલ્ડ અને KTM જેવી બ્રાન્ડ સાથે સીધી સ્પર્ધા કરશે.

Brixtonએ ભારતમાં લોન્ચ કરી આ 4 નવી બાઇક, જાણો કિંમત અને ફીચર્સ, Royal Enfield-KTM સાથે છે સીધી સ્પર્ધા

ઑસ્ટ્રિયન ટુ વ્હીલર બ્રાન્ડ બ્રિક્સટન એ ભારતીય માર્કેટમાં મોટી બાઇક સેગમેન્ટમાં જબરદસ્ત એન્ટ્રી કરી છે. કંપનીએ ભારતમાં Crossfire 500, Crossfire 500 X, Cromwell 1200 અને Cromwell 1200X સાથે ચાર નવી બાઈક લોન્ચ કરી છે. આ બ્રિક્સટન બાઈક્સ ભારતમાં રોયલ એનફિલ્ડ અને KTM જેવી બ્રાન્ડ્સ સાથે સીધી સ્પર્ધા કરશે. હાલમાં કંપની આ બાઇકને ભારતમાં એસેમ્બલ કરશે. જોકે ભારતમાં જ મેન્યુફેક્ચરિંગની વાત ચાલી રહી છે. કંપની ભારતના વિશાળ બજારમાં ઘણી સંભાવનાઓ જુએ છે.

ક્રોસફાયર 500X

આ મોડલની પ્રારંભિક કિંમત ₹4,74,100 છે. આ બાઇક 486cc, ઇનલાઇન ટ્વીન-સિલિન્ડર એન્જિન દ્વારા સંચાલિત છે, જે 46.36bhp @ 8000rpm મહત્તમ પાવર અને 43Nm @ 6750rpm પીક ટોર્ક જનરેટ કરે છે. બાઈકમાં બોશની ડ્યુઅલ ચેનલ ABS સાથે J-Juan ડિસ્ક બ્રેક્સ છે. તેમાં 17-ઇંચની આગળ અને પાછળની ટ્યુબલેસ સ્પોક રિમ્સ છે. બંને છેડે એડજસ્ટેબલ KYB સસ્પેન્શન છે. આમાં તમને તમામ LED લાઇટિંગ મળે છે.

ક્રોસફાયર 500XC

આ મોડલની કિંમત 5.19 લાખ રૂપિયા (એક્સ-શોરૂમ) છે. તેમાં 486cc, ઇનલાઇન ટ્વીન-સિલિન્ડર એન્જિન છે. તે 46.9bhp @ 8000rpm મહત્તમ પાવર જનરેટ કરે છે, જ્યારે 43Nm @ 6750rpm પીક ટોર્ક ઉત્પન્ન કરે છે. આ બાઇકમાં બોશ ડ્યુઅલ-ચેનલ ABS સાથે J-Juan બ્રેક્સ છે. બંને છેડે KYB સસ્પેન્શન; પ્રીલોડ અને રિબાઉન્ડ એડજસ્ટેબિલિટી સાથે સંપૂર્ણપણે એડજસ્ટેબલ USD ફોર્ક અને મોનોશોક. તમને 19-ઇંચના આગળના અને 17-ઇંચના પાછળના ટ્યુબલેસ સ્પોક વ્હીલ્સ મળે છે.

ક્રોમવેલ 1200

આ બાઇકની પ્રારંભિક એક્સ-શોરૂમ કિંમત 7.84 લાખ રૂપિયા છે. આ બાઇકમાં 1222 ccનું મોટું એન્જિન છે. તેનું એન્જિન 6550 rpm પર 82 bhp પાવર ઉત્પન્ન કરે છે અને 3100 rpm પર 108 Nmનો પીક ટોર્ક જનરેટ કરે છે. એન્જિન 6-સ્પીડ ગિયરબોક્સથી સજ્જ છે. ક્રોમવેલ 1200 મોડલમાં આગળના ભાગમાં ટેલિસ્કોપિક ફ્રન્ટ ફોર્ક સેટઅપ છે અને પાછળના ભાગમાં ટ્વિન શોક રિયર સેટઅપ છે. મોટરસાઇકલમાં 18 ઇંચનું આગળનું વ્હીલ અને 17 ઇંચનું પાછળનું વ્હીલ છે.

ક્રોમવેલ 1200X

આ બાઇકની પ્રારંભિક એક્સ-શોરૂમ કિંમત 9.11 લાખ રૂપિયા છે. તેમાં 1222 સીસીનું મોટું એન્જિન પણ છે. તેનું એન્જિન 6550 rpm પર 82 bhp પાવર ઉત્પન્ન કરે છે અને 3100 rpm પર 108 Nmનો પીક ટોર્ક જનરેટ કરે છે. આ મોડલ કંપનીનું સૌથી મોંઘુ છે. સમાચાર અનુસાર, કંપની શરૂઆતમાં ફક્ત 100 યુનિટ્સ વેચશે.

Share On Social Media