જમ્મુ-કાશ્મીર: સેનાની ટ્રક પર આતંકીઓએ હુમલો કર્યો, 3 જવાન શહીદ અને એક ઘાયલ

જમ્મુ-કાશ્મીરના પુંછ જિલ્લામાં આજે આતંકવાદીઓએ સેનાની ટ્રક પર હુમલો કર્યો હતો. એક મહિનાથી ઓછા સમયમાં આ વિસ્તારમાં સેના પર આ બીજો આતંકી હુમલો છે.

જમ્મુ-કાશ્મીર: સેનાની ટ્રક પર આતંકીઓએ હુમલો કર્યો, 3 જવાન શહીદ અને એક ઘાયલ

નવી દિલ્હી  /શ્રીનગર : ગુરુવારે (21 ડિસેમ્બર), આતંકવાદીઓએ જમ્મુ અને કાશ્મીરના પુંછ જિલ્લામાં આર્મી ટ્રક અને જીપ્સી પર હુમલો કર્યો. પ્રાપ્ત માહિતી અનુસાર, સેનાના 2 વાહનો પર થયેલા આતંકી હુમલામાં 3 જવાન શહીદ થયા છે. જ્યારે એક જવાન ઘાયલ થયો છે. આતંકી હુમલા બાદ ભારતીય સેનાના જવાનોએ પણ તરત જ જવાબી કાર્યવાહી કરી હતી.

સૈન્ય અધિકારીએ કહ્યું કે સૈનિકો રાજૌરી સેક્ટરના થાનામંડી વિસ્તારમાં બુધવાર સાંજથી પહેલાથી જ ચાલી રહેલા સંયુક્ત ઓપરેશનને મજબૂત કરવા જઈ રહ્યા હતા. આ દરમિયાન આતંકીઓએ ઓચિંતો હુમલો કર્યો હતો. આ ઓપરેશન 48 રાષ્ટ્રીય રાઈફલ્સ વિસ્તારમાં ચાલી રહ્યું છે. અહીં સતત ગોળીબાર ચાલુ છે. એક મહિનાથી ઓછા સમયમાં આ વિસ્તારમાં સેના પર આ બીજો આતંકી હુમલો છે.

સૂત્રોએ જણાવ્યું કે પૂંચ સુરનકોટ વિસ્તારમાં સેનાની ટ્રક પર હુમલો કરવામાં આવ્યો હતો. આ હુમલો ડેરાની ગલીમાં થયો હતો. તેને DOG તરીકે પણ ઓળખવામાં આવે છે. આ વાહન બફલિયાજથી સૈનિકોને લઈ જઈ રહ્યું હતું. આ વિસ્તારની નજીક, સુરક્ષા દળોએ બુધવારે રાત્રે આતંકવાદીઓ વિરુદ્ધ ઘેરાબંધી અને સર્ચ ઓપરેશન શરૂ કર્યું હતું. સેના આજે સુરક્ષા દળોનો સંપર્ક કરવામાં સફળ રહી હતી, ત્યારબાદ અહીં વધારાના સુરક્ષા દળો મોકલવામાં આવ્યા હતા.

સંરક્ષણ પ્રવક્તાએ કહ્યું કે આ વિસ્તારમાં હજુ પણ એન્કાઉન્ટર ચાલુ છે. પ્રવક્તાએ કહ્યું, "મજબૂત બાતમીના આધારે, બુધવારે રાત્રે જનરલ એરિયા ડીકેજીમાં સંયુક્ત ઓપરેશન શરૂ કરવામાં આવ્યું હતું. એન્કાઉન્ટર હજુ પણ ચાલુ છે. વધુ વિગતો મેળવવામાં આવી રહી છે."

Share On Social Media