Royal Enfield Guerrilla 450 લોન્ચ, કિંમત 2.39 લાખ રૂપિયાથી શરૂ થાય છે

ભારતીય બજારમાં, RE Guerrilla 450, Triumph Speed ​​400, Harley Davison X440, Hero Marquis 440 અને Husqvarna Svartpilen 401 જેવી બાઇક સાથે સ્પર્ધા કરશે. જોકે, રોયલ એનફિલ્ડની આ નવી બાઇક ટ્રાયમ્ફ સ્પીડ 400 થી 4500 રૂપિયા મોંઘી છે.

Royal Enfield Guerrilla 450 લોન્ચ, કિંમત 2.39 લાખ રૂપિયાથી શરૂ થાય છે

Royal Enfield Guerrilla 450 Roadster આખરે ભારતીય બજારમાં પ્રવેશી ચુક્યું છે. નવી બાઇક મોડલ લાઇનઅપ 3 વેરિયન્ટ એનાલોગ, ડેશ અને ફ્લેશમાં આવી રહી છે તે કુલ 5 રંગ વિકલ્પોમાં ખરીદી શકાય છે. એન્ટ્રી લેવલ એનાલોગ વેરિઅન્ટને બે કલર ઓપ્શન, સ્મોક અને બ્લેકમાં રજૂ કરવામાં આવ્યું છે. મિડ લેવલ ડેશ વેરિઅન્ટ ગોલ્ડન અને બ્લેક કલર વિકલ્પોમાં ઉપલબ્ધ છે. જ્યારે ટોપ વેરિઅન્ટ ફ્લેશને વાદળી અને પીળા રંગના વિકલ્પોમાં ખરીદી શકાય છે.

તેમાં 120 સેક્શન ફ્રન્ટ અને 160 સેક્શન રિયર ટાયર સાથે 17-ઇંચના એલોય વ્હીલ્સ છે. બાઇકની સીટની ઊંચાઈ 780 mm અને વજન 185 kg છે. તેની ટાંકીમાં 11 લીટર સુધીનું ઈંધણ ભરી શકાય છે.

રોયલ એનફિલ્ડ ગેરિલા 450 એન્જિન

નવી Royal Enfield મોટરસાઇકલમાં 452 cc, સિંગલ સિલિન્ડર, લિક્વિડ કૂલ્ડ એન્જિન છે. આ જ એન્જિન હિમાલયન 450 બાઇકમાં પણ આપવામાં આવ્યું છે. તેમાં 6-સ્પીડ ગિયરબોક્સ આપવામાં આવ્યું છે. આ સેટઅપ 8000rpm પર 40.02PSનો પાવર અને 5500rpm પર 40Nmનો ટોર્ક જનરેટ કરે છે.

રોયલ એનફિલ્ડ ગેરિલા 450 બ્રેકિંગ

ગુરિલા 450માં સ્લિપ અને આસિસ્ટ ક્લચ આપવામાં આવ્યું છે. આ બાઈક ટ્યુબ્યુલર ફ્રેમ પર બનેલ છે, જે 43mm ટેલિસ્કોપિક ફોર્ક સાથે આવે છે. બ્રેકિંગ સેટઅપની વાત કરીએ તો તેમાં 310mm ફ્રન્ટ ડિસ્ક અને 270mm રિયર ડિસ્ક છે. આ સિવાય બાઇકમાં સ્ટાન્ડર્ડ તરીકે ડ્યુઅલ ચેનલ એન્ટિ-લોક બ્રેકિંગ સિસ્ટમ આપવામાં આવી છે.

રોયલ એનફિલ્ડ ગેરિલા 450ની વિશેષતાઓ

મોટરસાઇકલના એનાલોગ વેરિઅન્ટમાં સેમી-ડિજિટલ ઇન્સ્ટ્રુમેન્ટ ક્લસ્ટર અને ટર્ન-બાય-ટર્ન નેવિગેશન સાથે વૈકલ્પિક ડિસ્પ્લે છે. જ્યારે, 4-ઇંચ TFT ઇન્સ્ટ્રુમેન્ટ કન્સોલ, સ્માર્ટફોન કનેક્ટિવિટી, ફુલ સ્ક્રીન ગૂગલ મેપ નેવિગેશન અને મ્યુઝિક કંટ્રોલ ડેશ અને ફ્લેશ વેરિઅન્ટમાં આપવામાં આવ્યા છે. આ ઉપરાંત, યુએસબી ટાઈપ-સી ચાર્જિંગ પોર્ટ, એલઈડી હેડલાઈટ, ટેલલાઈટ, ઈન્ડિકેટર્સ અને બે રાઈડિંગ મોડ્સ - ઈકો અને પાવર પણ આપવામાં આવ્યા છે.

રોયલ એનફિલ્ડ ગેરિલા 450 ની કિંમત

Royal Enfield Guerrilla 450 બાઇકની કિંમત 2.39 લાખ રૂપિયાથી શરૂ થાય છે, જે તેના એનાલોગ વેરિઅન્ટની કિંમત છે. ડેશ વેરિઅન્ટની કિંમત 2.49 લાખ રૂપિયા અને ફ્લેશ વેરિઅન્ટની કિંમત 2.54 લાખ રૂપિયા છે. આ તમામ કિંમતો એક્સ-શોરૂમ મુજબ છે.

Share On Social Media