ટ્રાફિક નિયમોનો ભંગ કરનાર વાહન ચાલકોએ બાકી ઈ-મેમા તા.૧૩ મે - ૨૦૨૩ સુધી ભરી દેવા તાકીદ

જિલ્લા કાનૂની સેવા સત્તા મંડળ,વડોદરા દ્વારા આ વર્ષની બીજી મેગા નેશનલ લોક અદાલતનું તા. ૧૩.૦૫.૨૦૨૩ ના રોજ આયોજન કરવામાં આવ્યું

ટ્રાફિક નિયમોનો ભંગ કરનાર વાહન ચાલકોએ બાકી ઈ-મેમા તા.૧૩ મે - ૨૦૨૩ સુધી ભરી દેવા તાકીદ

વડોદરા : જિલ્લા કાનૂની સેવા સત્તા મંડળ,વડોદરા દ્વારા આ વર્ષની બીજી મેગા નેશનલ લોક અદાલતનું તા. ૧૩.૦૫.૨૦૨૩ ના રોજ આયોજન કરવામાં આવ્યું છે. જેના ભાગરૂપે વડોદરા શહેર ખાતે સીસીટીવી કંટ્રોલરૂમ ઘ્વારા ટ્રાફિક નિયમનો ભંગ કરતા હોય તેવા વાહન ચાલકોને મોટર વ્હિકલ એકટ મુજબ આપવામાં આવતા ઈ-ચલણ લોક અદાલતમાં મુકવામાં આવનાર છે.

વડોદરા શહેરમાં કુલ-૨૮,૫૯૦ વાહનચાલકોના અંદાજે રૂ.૧,૩૩,૦૦,૧૦૦/- રકમનાં ઈ-મેમા પડતર છે. જેમાં જિલ્લા કાનૂની સેવા સત્તા મંડળ, વડોદરા દ્વારા નોટીસ ઈશ્યુ કરવામાં આવી છે. આ ઈ-ચલણ ઓન લાઈન
(WWW.VADODARAECHALLAN.CO.IN) તથા ઓફ લાઈન માધ્યમથી પોલીસ ભવન આસાન કેન્દ્ર, નાયબ પોલીસ કમિશનરની કચેરી, કારેલીબાગ, વડોદરા તથા તા.૦૮/૦૫/૨૦૨૩ થી તા.૧૩/૦૫/૨૦૨૩ સુધી ફૂન્ટ ઓફીસ, જિલ્લા ન્યાયાલય, દિવાળીપુરા, વડોદરા ખાતે ભરી શકાશે. વડોદરા શહેર ટ્રાફીક પોલીસ, સંભવ ઈનીસેટીવ તથા જિલ્લા કાનૂની સેવા સત્તામંડળ, વડોદરા સાથે મળી રૂબરૂ તથા ટેલીફોનીક માઘ્યમથી આ ઈ-ચલણ ભરવા માટે માર્ગદર્શન આપવામાં આવશે.

આ લોક અદાલતનો લાભ લઈ બાકી ઈ-ચલણની ચુકવણી કરી દેવાથી ભવિષ્યમાં તે અંગે કોઈ કાયદેસરની કાર્યવાહી થશે નહી. ઈ.મેમો ભરવાનો બાકી હોય તેવા વાહનચાલકોને લાભ લેવા જિલ્લા કાનૂની સેવા સત્તા મંડળની યાદીમાં જણાવાયું છે.

Share On Social Media