ટેકનોએ ભારતમાં iPhone ૧૬ જેવો દેખાતો સસ્તો ફોન લોન્ચ કર્યો છે. Tecno Spark Go 2 ભારતમાં ૭૦૦૦ રૂપિયાથી ઓછી કિંમતે લોન્ચ કરવામાં આવ્યો છે. આ ફોનની ખાસ વાત એ છે કે તેમાં ઇમરજન્સી કોલિંગ ફીચર છે. ઇમરજન્સીની સ્થિતિમાં, મોબાઇલ નેટવર્ક વગર પણ આ ફોનથી કોલ કરી શકાય છે. આ ફોનમાં ૫૦૦૦mAh બેટરી સહિત ઘણી મજબૂત સુવિધાઓ છે.
ટેકનો સ્પાર્ક ગો 2 ભારતમાં ફક્ત એક જ સ્ટોરેજ વિકલ્પમાં આવે છે. તેને ૪GB RAM અને ૬૪GB માં રજૂ કરવામાં આવ્યો છે. આ ફોનની કિંમત ૬,૯૯૯ રૂપિયા છે. આ ફોન ઇંક બ્લેક, વીલ વ્હાઇટ, ટાઇટેનિયમ ગ્રે અને ટર્કોઇઝ ગ્રીન કલર વિકલ્પોમાં લોન્ચ કરવામાં આવ્યો છે. ફોનનો પહેલો સેલ ૧ જુલાઈએ બપોરે ૧૨ વાગ્યે ઇ-કોમર્સ વેબસાઇટ ફ્લિપકાર્ટ પર યોજાશે.
Tecnoનો આ બજેટ ફોન 6.67-ઇંચ HD+ IPS LCD ડિસ્પ્લે સાથે આવે છે, જે 120Hz હાઇ રિફ્રેશ રેટ ફીચરને સપોર્ટ કરે છે. ફોનમાં ડાયનેમિક આઇલેન્ડ જેવું નોટિફિકેશન પેનલ મળશે. ફોનનો પાછળનો ભાગ iPhone 16 જેવો દેખાશે. તે Unisoc T7250 પ્રોસેસર પર કામ કરે છે, જેની સાથે 4GB RAM અને 64GB સ્ટોરેજ સપોર્ટ ઉપલબ્ધ છે.
આ ફોનના પાછળના ભાગમાં ડ્યુઅલ કેમેરા સેટઅપ આપવામાં આવ્યું છે. તેમાં 13MP મુખ્ય અને એક સેકન્ડરી કેમેરા મળશે. સેલ્ફી અને વિડીયો કોલિંગ માટે ફોનમાં 8MP કેમેરા આપવામાં આવ્યો છે. આ ફોન 5000mAh બેટરી અને 15W વાયર્ડ ફાસ્ટ ચાર્જિંગ ફીચરને સપોર્ટ કરે છે. તે એન્ડ્રોઇડ 14 ઓપરેટિંગ સિસ્ટમને સપોર્ટ કરે છે.
Tecno Spark Go 2 માં એક ખાસ ફીચર આપવામાં આવ્યું છે, જેના કારણે તમે ઇમરજન્સી દરમિયાન મોબાઇલ નેટવર્ક વિના પણ કોલ કરી શકો છો. ફોનમાં 4G કેરિયર એગ્રીગેશન 2.0 અને Linkbooming V1.0 ટેકનોલોજીનો ઉપયોગ કરવામાં આવ્યો છે, જેના કારણે નેટવર્ક વિના પણ કોલિંગ સુવિધા મેળવી શકાય છે.
