બોલિવૂડના મેગાસ્ટાર અમિતાભ બચ્ચને તાજેતરમાં તેમની બ્લોકબસ્ટર ફિલ્મ 'શોલે'ની વૈશ્વિક પહોંચ વિશે એક અદ્ભુત કિસ્સો શેર કર્યો છે. તેમણે જણાવ્યું કે કેવી રીતે ઈટાલીમાં લગભગ 2,000 લોકોએ આ હિન્દી ક્લાસિક ફિલ્મનું રિસ્ટોર કરેલું વર્ઝન મોડી રાત સુધી જોયું.
'કૌન બનેગા કરોડપતિ સીઝન 18'ના તાજેતરના એપિસોડમાં ડો. ગણેશ બારૈયા સાથે વાતચીત દરમિયાન, બિગ બીએ 1975ની આ ફિલ્મનું રિસ્ટોરેશન અને ઈટાલીના બોલોગ્ના શહેરમાં તેના સ્ક્રીનિંગ વિશે વાત કરી હતી.
83 વર્ષીય અભિનેતાએ કહ્યું કે 'શોલે'નું રિસ્ટોર કરેલું વર્ઝન ફિલ્મ હેરિટેજ ફાઉન્ડેશન દ્વારા ઈટાલી લઈ જવામાં આવ્યું હતું, જેનું નેતૃત્વ ફિલ્મ નિર્માતા શિવોન્દ્ર સિંહ ડુંગરપુર કરી રહ્યા છે. ત્યારબાદ તેમણે સ્ક્રીનિંગના અસામાન્ય સમય અને ફિલ્મ જોવા માટે ઉમટી પડેલી મોટી ભીડને યાદ કરી.
સ્ક્રીનિંગ વિશે વાત કરતા બચ્ચને કહ્યું, "હાલ હી મેં, ઉનહોને જબ શોલે ફિરસે, ઉસકા નિર્ધારણ હુઆ, અચ્છે પ્રિન્ટ મેં બન ગયે, તો વો ફિલ્મ હેરિટેજ મેં શિવોન્દ્ર સિંહ જી હૈં જો ઇસકા કામ કર રહે હૈં. યે લે ગયે ઇસકો ઇટાલી મેં, ભાઈસાહબ બોલોગ્ના એક જગહ હૈ, શહેર કા નામ હૈં, વહાં એક બહુત બડા આંગન હૈં. જૈસે બડે-બડે શહેરો મેં બીચ મેં શહેર મેં એક આંગન હોતા હૈં ના, વહાં પર ઈટાલિયન્સ, રાત કે 11 બજે સે સુબહ 3 બજે તક શોલે દેખા."
આ સ્ક્રીનિંગમાં ઈટાલિયન પ્રેક્ષકો રાત્રે 11 વાગ્યાથી સવારે 3 વાગ્યા સુધી સ્થળ પર રોકાયા હતા જેથી રિસ્ટોર કરેલી ફિલ્મ જોઈ શકે.
1975માં રિલીઝ થયેલી 'શોલે' હિન્દી સિનેમાની સૌથી લોકપ્રિય ફિલ્મોમાંની એક છે. બચ્ચન, ધર્મેન્દ્ર, હેમા માલિની, જયા બચ્ચન, અમજદ ખાન અને સંજીવ કુમાર અભિનીત આ ફિલ્મે રિલીઝના દાયકાઓ પછી પણ પ્રેક્ષકો મેળવવાનું ચાલુ રાખ્યું છે. આ ફિલ્મમાં એ.કે. હંગલ, સત્યન કપૂ, મેક મોહન, સચિન, જગદીપ, અસરાની, વિજુ ખોટે, કેશ્તો મુખર્જી, હેલન અને સચિન પિલગાંવકર સહિત અનેક યાદગાર સહાયક કલાકારો પણ હતા.
'શોલે'નું રિસ્ટોરેશન ફિલ્મ હેરિટેજ ફાઉન્ડેશન દ્વારા મહત્વપૂર્ણ ભારતીય ફિલ્મોના સંરક્ષણના પ્રયાસોના ભાગરૂપે કરવામાં આવ્યું હતું.
'કૌન બનેગા કરોડપતિ' સોની એન્ટરટેઈનમેન્ટ ટેલિવિઝન અને સોની લિવ પર પ્રસારિત થાય છે.
