આજે એક હૃદયસ્પર્શી ઘટના સામે આવી છે, જે એક્સિસ બેંકની સેવાભાવી અભિગમને દર્શાવે છે. કચ્છ જિલ્લાના રાપર તાલુકામાં શિક્ષક તરીકે ફરજ બજાવતા સ્વ. જયંતીભાઈ ઠાકોરનું થોડા દિવસો પહેલા એક દુઃખદ અકસ્માતમાં અવસાન થયું હતું. આ મુશ્કેલ સમયમાં એક્સિસ બેંકે તેમના પરિવારની પડખે ઉભું રહીને ઉદાહરણ પૂરું પાડ્યું છે.
સ્વ. જયંતીભાઈ ઠાકોરના પરિવારને અકસ્માત સહાય યોજના હેઠળ રૂ. 38 લાખનો ચેક અર્પણ કરવામાં આવ્યો. આ ચેક તાલુકા પ્રાથમિક શિક્ષણાધિકારી શ્રી સામતભાઈ વસરા, રાપર તાલુકા પ્રાથમિક શિક્ષક સંઘના પ્રમુખ શ્રી ભરતભાઈ પરમાર અને એક્સિસ બેંકના મેનેજર શ્રી જતીનભાઈ જીવાણીના હસ્તે પરિવારને સોંપવામાં આવ્યો. આ પ્રસંગે સંગઠનના અન્ય હોદ્દેદારો જેવા કે મહામંત્રી શ્રી મહાદેવભાઈ કાગ, ખજાનચી શ્રી વિપુલભાઈ પટેલ, શ્રી સુરેશ ગીરી ગોસ્વામી, શ્રી રોહિતભાઈ ચૌધરી, શ્રી મેહુલભાઈ પટેલ, શ્રી હસમુખલાલ ઠક્કર, શ્રી વિજયભાઈ જાની, શ્રી પ્રકાશભાઈ પટેલ, શ્રી રોહનભાઈ સોલંકી અને ભચાઉ સંઘના પ્રમુખ શ્રી શામજીભાઈ આહિર તેમજ ખજાનચી શ્રી જીતેન્દ્ર ભાઈ બારોટ ઉપસ્થિત રહ્યા હતા.
એક્સિસ બેંકે આ દુઃખદ પરિસ્થિતિમાં તાત્કાલિક સહાય પૂરી પાડીને પરિવારને આર્થિક ટેકો આપ્યો. આ ઝડપી અને સંવેદનશીલ પગલાં બદલ સંગઠન વતી શ્રી સુરેશ ગીરી ગોસ્વામીએ એક્સિસ બેંકનો હૃદયપૂર્વક આભાર વ્યક્ત કર્યો.
નવા નિયમો, વધુ સહાય
એક્સિસ બેંકના સેલરી એકાઉન્ટ ધારકો માટે સારા સમાચાર! હવે નવા નિયમો અનુસાર, જો કોઈ સેલરી એકાઉન્ટ ધારક શિક્ષકનું અકસ્માતમાં અવસાન થાય, તો તેમના પરિવારને રૂ. 1 કરોડ 16 લાખ સુધીનું વળતર મળી શકે છે. આ રકમ પરિવાર સુધી પહોંચે તે માટે એક્સિસ બેંકના કર્મચારીઓ આખો કેસ હેન્ડલ કરે છે, જેથી પરિવારને કોઈ મુશ્કેલી ન પડે.
વધારાના લાભો
આ સિવાય, એક્સિસ બેંક સેલરી એકાઉન્ટ ધારકોને માત્ર રૂ. 10,000માં મેડિકલ વીમો અને અન્ય ઘણા લાભો પણ આપે છે. આ યોજનાઓ શિક્ષકો અને અન્ય સેલરી એકાઉન્ટ ધારકો માટે આર્થિક સુરક્ષા અને માનસિક શાંતિની ખાતરી આપે છે.
એક્સિસ બેંકની આ સેવાઓ ગુજરાતના શિક્ષકો અને અન્ય સેલરી એકાઉન્ટ ધારકો માટે એક વિશ્વસનીય સાથી બની રહી છે. આવી માનવીય સેવાઓ દ્વારા બેંકે ન માત્ર આર્થિક સહાય પૂરી પાડી પરંતુ લોકોના દિલમાં પણ સ્થાન મેળવ્યું છે.
