બાંગ્લાદેશના ભસ્માસુર! મહિલાઓને પણ બક્ષવામાં આવી રહી નથી, યુનુસના છૂટ્યા પરસેવા

ઢાકા :  બાંગ્લાદેશની રાજધાની ઢાકામાં, અવામી લીગ સાથે સંકળાયેલી બે મહિલાઓ પર બાંગ્લાદેશ નેશનાલિસ્ટ પાર્ટી (BNP) ના લોકો દ્વારા હુમલો કરવામાં આવ્યો અને શારીરિક ત્રાસ આપવામાં આવ્યો. અહેવાલો અનુસાર, BNP અને જમાત-એ-ઇસ્લામીના કાર્યકરો અને વિદ્યાર્થી જૂથોએ મહિલાઓ પર હુમલો કર્યો હતો. આ પ્રદર્શન દરમિયાન અવામી લીગના સમર્થકો વર્તમાન સરકારનો વિરોધ કરી રહ્યા હતા. 10 નવેમ્બરના રોજ ઢાકામાં અવામી લીગના પ્રદર્શન દરમિયાન આ મહિલાઓ પર હુમલો કરવામાં આવ્યો હતો. આ ઘટનાઓને કારણે બાંગ્લાદેશની વચગાળાની સરકારના વડા મોહમ્મદ યુનુસની સરકાર પોતાનો ગુસ્સો ગુમાવી બેઠી છે.

ઉલ્લેખનીય છે કે બાંગ્લાદેશની રાજધાની ઢાકામાં રવિવારે હિંસક દ્રશ્ય જોવા મળ્યું હતું. જ્યારે ભૂતપૂર્વ વડા પ્રધાન શેખ હસીનાની પાર્ટી અવામી લીગ દ્વારા જાહેર કરાયેલ વિરોધનો વિદ્યાર્થી જૂથો અને સરકાર તરફી સંગઠનોએ વિરોધ કર્યો હતો. અગાઉની સરકારના પતનમાં મુખ્ય ભૂમિકા ભજવનાર વિદ્યાર્થી જૂથોએ શહેરભરમાં અવામી લીગના અનેક કાર્યકરો પર હુમલો કર્યો હતો. વિદ્યાર્થીઓએ અવામી લીગના સભ્યોને અગ્રણી સ્થળોએ ભેગા થતા અટકાવ્યા હતા. જેના કારણે શેખ હસીનાની સરકાર પતન થયાના ત્રણ મહિના બાદ તેમની તાકાત બતાવવાનો પ્રયાસ નિષ્ફળ ગયો.

BNPએ અવામી લીગના કાર્યકરોને વિરોધ કરતા રોક્યા

બાંગ્લાદેશી મીડિયાના અહેવાલો અનુસાર, લીગ સાથે જોડાયેલા હોવાની શંકાના આધારે એકલા ગુલિસ્તાન વિસ્તારમાં બે મહિલાઓ સહિત ઓછામાં ઓછા 10 લોકો પર હુમલો કર્યો. ઘણા પ્રદર્શનકારીઓને પોલીસના હવાલે કરવામાં આવ્યા હતા. ખાલિદા ઝિયાની આગેવાની હેઠળની બાંગ્લાદેશ નેશનાલિસ્ટ પાર્ટી (BNP), જમાત-એ-ઈસ્લામીના સભ્યો સાથે મળીને અવામી લીગના કાર્યાલયો, ઢાકા મુખ્યાલય અને અન્ય સંભવિત વિરોધ સ્થળો પર કબજો કરી લીધો હતો. ઢાકા ટ્રિબ્યુનના અહેવાલ મુજબ, વિદ્યાર્થીઓ સાથે નજીકથી કામ કરી રહેલા BNP કાર્યકર્તાઓએ ઘણી હોટલોમાં દરોડા પાડ્યા અને સેંકડો વાહનોની તલાશી લીધી, લગભગ 50 લોકોની અટકાયત કરી.

અવામી લીગને વિરોધ કરવાની મંજૂરી નથી

અવામી લીગના નેતાઓએ સમર્થકો, પક્ષના સભ્યો અને ભૂગર્ભ જૂથોને ગુલિસ્તાન, ઝીરો પોઈન્ટ અને નૂર હુસૈન સ્ક્વેર જેવા મહત્વના સ્થળો પર એકઠા થવાની અપીલ કરી હતી. જેથી તેમના નેતાઓ પરના કથિત ખોટા આરોપો, વિદ્યાર્થી પાંખ છાત્રલીગ પર પ્રતિબંધ અને પાર્ટીના કાર્યકરોની હેરાનગતિનો વિરોધ કરી શકાય. મુહમ્મદ યુનુસની આગેવાની હેઠળના વહીવટીતંત્રે કોઈપણ પ્રદર્શનને મંજૂરી આપવાનો ઇનકાર કર્યો હતો. અવામી લીગને ફાસીવાદી સંગઠન ગણાવ્યું અને ચેતવણી આપી કે સરકાર હિંસા ભડકાવવાના કોઈપણ પ્રયાસને સહન નહીં કરે.