ડીબીએસ બેંકનો ઉદ્દેશ્ય ગ્રાહક અનુભવને પુનઃવ્યાખ્યાયિત કરવાનો અને ડેટા, એઆઈ અને અદ્યતન તકનીકોનો ઉપયોગ કરીને તેને વધુ સીમલેસ બનાવવાનો છે. રોકાણકારોની વિવિધ જોખમ પ્રોફાઇલ મુજબ વિવિધ પોર્ટફોલિયો છે તેની ખાતરી કરવા માટે આ ઓફરમાં વિવિધ પ્રકારના રોકાણ વિકલ્પોનો સમાવેશ થાય છે, જેમ કે ડોમેસ્ટિક ઈક્વિટી, ડેટ અને મની માર્કેટ ઇન્સ્ટ્રુમેન્ટ્સ. ડિજિપોર્ટફોલિયો પ્લેટફોર્મ ક્વોન્ટીફીડ દ્વારા ચલાવવામાં આવે છે અને તે ઓટોમેટેડ છે, જે તેને ઉપયોગમાં સરળ બનાવે છે.
ડીબીએસ બેન્ક ઈન્ડિયાના મેનેજિંગ ડિરેક્ટર અને હેડ-કન્ઝ્યૂમર બેન્કિંગ ગ્રુપ, શ્રી પ્રશાંત જોશીએ જણાવ્યું હતું કે, "ભારતમાં છેલ્લાં બે વર્ષમાં વધતા મૂડી બજારોમાં સ્થાનિક રિટેલ રોકાણકારોની ભાગીદારીમાં વધારો જોવા મળ્યો છે. જો કે, મ્યુચ્યુઅલ ફંડ પ્રોડક્ટ્સની જટિલ પ્રકૃતિ અને સંકળાયેલા જોખમોએ ઘણા સંભવિત રોકાણકારોને દૂર રાખ્યા છે. આ અનોખી ઓફર દ્વારા, અમારો ઉદ્દેશ્ય પ્રક્રિયાને સરળ બનાવવા અને જ્ઞાનના અંતરને દૂર કરવાનો છે, અને રોકાણના નિર્ણયો લેતી વખતે વૃદ્ધિ અને સલામતીને સંતુલિત કરવામાં મદદ કરવાનો છે. અમારો પ્રયાસ છે કે ડિજિપોર્ટફોલિયો દ્વારા, ઘણા બધા અમારા ગ્રાહકો ભારતીય મૂડી બજારોમાં ભાગ લેવા માટે વધુ આત્મવિશ્વાસ ધરાવતા હશે."
મોર્નિંગસ્ટારના ડિરેક્ટર-પોર્ટફોલિયો સ્પેશિયાલિસ્ટ શ્રી ધવલ કાપડિયાએ જણાવ્યું હતું કે, "એસેટ એલોકેશન, એટલે કે, રોકાણકારના પોર્ટફોલિયોમાં ઈક્વિટી અને ડેટ જેવી વિવિધ અસ્કયામતોની ફાળવણી, લાંબા ગાળે વળતર અને જોખમના સંદર્ભમાં રોકાણની કામગીરીના મુખ્ય ચાલકબળ તરીકે ઓળખાય છે. ડિજિપોર્ટફોલિયો લાંબા ગાળાની એસેટ ફાળવણી પર મોર્નિંગસ્ટારના પાયાના રિસર્ચ સાથે શરૂ થાય છે. આ અભિગમ સ્થાનિક ઈક્વિટી અને ફિક્સ્ડ-ઇન્કમ ઑફરિંગના વૈવિધ્યસભર મ્યુચ્યુઅલ ફંડ-આધારિત પોર્ટફોલિયોના નિર્માણ માટે વિવિધ એસેટ ક્લાસને ધ્યાનમાં લે છે. આ પોર્ટફોલિયોને એક રોકાણ તરીકે ડિઝાઇન કરવામાં આવ્યા છે જે તમારી જોખમ લેવાની ઈચ્છા અને રોકાણની ક્ષિતિજને અનુરૂપ, તમારા નાણાંકીય લક્ષ્યોને હાંસલ કરવામાં તમને મદદ કરે છે."
ડિજિપોર્ટફોલિયો પ્લેટફોર્મ પર રોકાણના વિકલ્પો પસંદ કરેલા હોય છે અને મોર્નિંગસ્ટાર દ્વારા કાળજીપૂર્વક પસંદ કરાયેલ મ્યુચ્યુઅલ ફંડમાંથી બનેલા હોય છે, જે 37 વર્ષથી વધુ ઉદ્યોગ સંશોધન પર આધાર રાખે છે. બજાર અસ્થિર હોય ત્યારે પણ તેઓ મજબૂત રહે અને શ્રેષ્ઠ શક્ય વળતર આપે તેની ખાતરી કરવા માટે પોર્ટફોલિયો નિયમિતપણે એડજસ્ટ કરવામાં આવે છે.
ડિજિપોર્ટફોલિયો રોકાણકારોને રૂ. 10,000 અને રૂ. 50,000ના ન્યૂનતમ રોકાણથી શરૂ થતી બે યોજનાઓ સાથે તાત્કાલિક ઍક્સેસ પ્રદાન કરે છે. આ યોજનાઓમાં મોર્નિંગસ્ટાર દ્વારા સંચાલિત પોર્ટફોલિયો કન્સ્ટ્રક્શન, મોનિટરિંગ અને રિબેલેન્સિંગ સેવાઓ જેવી સુવિધાઓનો સમાવેશ થાય છે. રોકાણકારો માટે કામકાજ ઝડપી, કિફાયતી અને વધુ કાર્યક્ષમ બને તે માટે બેન્ક ટેકનોલોજીનો ઉપયોગ કરે છે. સેલ્સ અથવા ટ્રાન્ઝેક્શન ફી જેવા કોઈ વધારાના ચાર્જીસ નથી. રોકાણકારો તેમના ધ્યેયો, જોખમ પસંદગીઓ અને રોકાણની અવધિના આધારે તેમને અનુકૂળ હોય તે પસંદ કરીને તેઓ ઇચ્છે ત્યાં સુધી રોકાણ કરી શકે છે.
ક્વોન્ટીફીડના ચીફ ટેક્નોલોજી ઓફિસર અને સહ-સ્થાપક શ્રી રોસ મિલવર્ડે જણાવ્યું હતું કે, "અમને ડીબીએસ બેંક સાથેના અમારા સંબંધો ચાલુ રાખવામાં અને ભારતમાં તેમના નવીનતમ લોન્ચને સમર્થન આપતા આનંદ થાય છે. ક્વોન્ટીફીડ જોઈ રહ્યું છે કે ગ્રાહકના અનુભવને સુદ્રઢ બનાવવાના એકમાત્ર હેતુ સાથે બિઝનેસ અને ટેકનોલોજી એકસાથે કેટલી સારી રીતે આવી શકે છે. અમને ખાતરી છે કે ડિજિપોર્ટફોલિયો ડિજિટલ સંપત્તિના લેન્ડસ્કેપમાં ક્રાંતિ કરવાનું ચાલુ રાખશે અને ગ્રાહકોને આનંદદાયક અને વ્યક્તિગત રોકાણનો અનુભવ આપશે."
બેંકિંગને ઈન્ટેલિજન્ટ, સાહજિક અને સરળ બનાવવા માટે ડીબીએસ બેંક ઈન્ડિયા તેના ગ્રાહકોને શ્રેષ્ઠ સોલ્યુશન્સ પૂરા માટે મજબૂત પ્રતિબદ્ધતા ધરાવે છે અને તેના માટે ઇકોસિસ્ટમમાં ઈન્ડસ્ટ્રી લીડર્સ સાથે અનેકવાર હાથ મિલાવે છે. 2022માં બેંકે 'બજાજ ફિનસર્વ ડીબીએસ બેંક સુપરકાર્ડ' લોન્ચ કરવા માટે બજાજ ફાઇનાન્સ લિમિટેડ સાથે સહયોગ કર્યો હતો. આ એક વિઝા-સંચાલિત ક્રેડિટ કાર્ડ છે જે બહુવિધ કાર્ડ્સની જરૂરિયાતને દૂર કરીને ગ્રાહકોના વૉલેટને સરળ બનાવવા માટે રચાયેલ છે.
