ટ્રેસા જોલી અને ગાયત્રી ગોપી ચંદની ભારતીય જોડી જર્મનીના મુલ્હેમમાં ચાલી રહેલી જર્મન ઓપન બેડમિન્ટન ટુર્નામેન્ટમાં ડબલ્સની ક્વાર્ટર ફાઇનલમાં પહોંચી ગઈ છે. ગઈ કાલે ભારતીય જોડીએ ચેકોસ્લોવાકિયાની સોના હોરિન્કોવા અને કેટેરીના જુજાકોવાને સીધા સેટમાં 21-10, 21-11થી પરાજય આપ્યો હતો. ડબલ્સની ક્વાર્ટર ફાઇનલમાં ભારતીય જોડીનો મુકાબલો ચીનની યી જિંગ લી અને ઝુ મીન લુઓની જોડી સામે થશે.
વિમેન્સ સિંગલ્સમાં, અક્ષર્શી કશ્યપ પ્રી-ક્વાર્ટર ફાઇનલમાં છઠ્ઠી ક્રમાંકિત ડેનમાર્કની મિયા બ્લિચફેલ્ડ સામે 13-21, 14-21થી હારી ગઈ હતી. મેન્સ સિંગલ્સના બીજા રાઉન્ડમાં સતીશ કુમાર કરુણાકરનનો આયર્લેન્ડના નહાટ ન્ગ્યુએન સામે 18-21, 22-24થી પરાજય થયો હતો.
