અમદાવાદ: ગુજરાતી ફિલ્મ ઇન્ડસ્ટ્રીમાં અત્યારે એક નવો જ ઇતિહાસ રચાઈ રહ્યો છે. તાજેતરમાં રિલીઝ થયેલી રહસ્ય અને રોમાંચથી ભરપૂર પ્રથમ ગુજરાતી ફોક-થ્રિલર ફિલ્મ ‘કડકનાથ’ને સમગ્ર ગુજરાતના સિનેમાઘરોમાં દર્શકો તરફથી અદભુત પ્રતિસાદ મળી રહ્યો છે. બોલિવૂડની મોટા બજેટની મલ્ટિસ્ટારર કોમેડી ફિલ્મ 'વેલકમ ટુ ધ જંગલ' નબળી સ્ક્રિપ્ટ અને અતિશય આર્ટિફિશિયલ અસરોને કારણે બોક્સ ઓફિસ પર સંપૂર્ણપણે નિષ્ફળ એટલે કે ‘ફ્લોપ’ સાબિત થઈ છે. તેની સરખામણીમાં આપણી માતૃભાષાની મૌલિક ફિલ્મ ‘કડકનાથ’ કન્ટેન્ટ અને મનોરંજનની દ્રષ્ટિએ સો ટકા ‘પૈસા વસૂલ’ સાબિત થઈ રહી છે.
ફિલ્મની વાર્તા પૂર્વ ગુજરાતના આદિવાસી વિસ્તારમાં આવેલા એક એવા રહસ્યમય ગામની આસપાસ ફરે છે, જ્યાં અચાનક થઈ રહેલા યુવાનોના ભેદી મોત અને ક્રૂર હત્યાઓને કારણે આખું ગામ ભયના ઓથાર હેઠળ જીવી રહ્યું છે. આ ડરને લીધે લોકો ગામ છોડીને સ્થળાંતર કરવા મજબૂર બન્યા છે. સ્થાનિક પોલીસ આ કાળા સચ્ચાઈ અને હત્યાઓ પાછળનો ભેદ ઉકેલવા મથી રહી છે, પરંતુ ફિલ્મનું મુખ્ય પાત્ર જંગલના અંધકાર અને રહસ્યોના મૂળ સુધી પહોંચવા જીવના જોખમે નીકળે છે. કાળા રંગના કડકનાથ મરઘા, તીવ્ર રહસ્યમય વાતાવરણ અને લોકમાન્યતાઓથી ઘેરાયેલી આ વાર્તા દર્શકોને અંત સુધી સીટ પર જકડી રાખે છે.
આ શાનદાર ફિલ્મનું લેખન અને દિગ્દર્શન કૌશિક ગરાસિયા દ્વારા કરવામાં આવ્યું છે, જેમણે કોઈ પણ જાતના શોર્ટકટ લીધા વિના સતત ૫૨ દિવસ સુધી અસલી જંગલો અને આદિવાસી વિસ્તારોમાં અત્યંત મુશ્કેલ પરિસ્થિતિઓમાં શૂટિંગ પૂર્ણ કર્યું છે. ફિલ્મની સૌથી મોટી ખાસિયત એ છે કે તેમાં અસલી 'સિંક સાઉન્ડ' ટેક્નોલોજીનો ઉપયોગ કરવામાં આવ્યો છે, જે થિયેટરમાં બેકગ્રાઉન્ડ સ્કોર અને ડાયલોગ્સને અદભુત જીવંતતા આપે છે. દિગ્દર્શક પોતે આ જ પ્રદેશના હોવાથી તેમણે ગુજરાતની અસલી સંસ્કૃતિ, પરંપરા, વાસ્તવિક બોલી અને લોકગીતોને ખૂબ જ સચોટતાથી પડદા પર ઉતાર્યા છે.
લેન્સક્વીન ફિલ્મ્સ (Lensqueen Films)ના બેનર હેઠળ વિહંગ રાઠોડ અને નીરવ ભાભોર દ્વારા પ્રોડ્યુસ કરાયેલી આ ફિલ્મમાં કલાકારોની મજબૂત ફોજ (Cast) જોવા મળે છે. મુખ્ય ભૂમિકામાં જાણીતા અભિનેતા અભિનય બેંકર છે, જેમની સાથે ડેનિશા ઘુમરા અને ચેતન દૈયા જેવા પાવરહાઉસ પર્ફોર્મર્સે અદભુત એક્ટિંગ કરી છે. આ ઉપરાંત નીરવ ભાભોર, નિશુ ત્રિવેદી, પરમેશ્વર સિરસીકર, હેત પંચાલ, સૂર્યાંશી શાહ અને સ્થાનિક આદિવાસી કલાકારોએ ફિલ્મને વધુ વાસ્તવિક બનાવી છે. બોલિવૂડની ફ્લોપ ફિલ્મો પાછળ સમય બગાડવા કરતાં, આપણી પોતાની સંસ્કૃતિ દર્શાવતી આ પ્રભાવશાળી 'મસ્ટ વોચ' ફિલ્મ જોવા માટે આજે જ તમારી ટિકિટ બુક કરો.
