ભારતના માન સિંહે આજે હોંગકોંગમાં એશિયન મેરેથોન ચેમ્પિયનશિપ 2024માં બે કલાક 14 મિનિટ અને 19 સેકન્ડના વ્યક્તિગત શ્રેષ્ઠ સમય સાથે ગોલ્ડ મેડલ જીત્યો હતો. 34 વર્ષીય ભારતીય મેરેથોન રનરે ચીનના હુઆંગ યોંગઝેંગને 65 સેકન્ડના અંતરથી હરાવ્યું.
કિર્ગિસ્તાનની તિયાપકિન ઇલ્યા 2 કલાક 18 મિનિટ 18 સેકન્ડના સમય સાથે ત્રીજા સ્થાને રહી હતી. અગાઉ માન સિંહે મુંબઈ મેરેથોન 2023માં 2 કલાક 16 મિનિટ 58 સેકન્ડનો વ્યક્તિગત સર્વશ્રેષ્ઠ સિદ્ધિ હાંસલ કરી હતી.
મહિલા ઈવેન્ટમાં ભારતની અશ્વિની જાધવ 2 કલાક 56 મિનિટ 42 સેકન્ડના સમય સાથે આઠમા સ્થાને અને જ્યોતિ ગવતે 3 કલાક 6 મિનિટ 20 સેકન્ડના સમય સાથે 11મા સ્થાને રહી. પેરિસ 2024 ઓલિમ્પિકમાં મહિલાઓની મેરેથોન માટે પ્રવેશ ધોરણ 2 કલાક 26 મિનિટ 50 સેકન્ડ છે.
